ஐபிஎல் 2021: தோனியின் ஆட்டத்தைப் புகழந்த விராட் கோலி!

ஐபிஎல் 2021 கிரிக்கெட் தொடரின் பிளே ஆப் சுற்றுகள் நேற்று தொடங்கின. முதல் தகுதிச்சுற்று ஆட்டத்தில் டெல்லி கேப்பிட்டல்ஸ், சென்னை சூப்பர் கிங்ஸ் அணிகள் மோதின. முதலில் பேட் செய்த டெல்லி கேபிடல்ஸ் 172 ரன்கள் சேர்த்தது.

அதன்பின் இலக்கை துரத்திய சிஎஸ்கே அணிக்கு, இறுதியில் 11 பந்துகளில் 24 ரன்கள் தேவை என்ற நிலையில் களமிறங்கிய தோனி 1 சிக்சர், 3 பவுண்டரி உள்பட 6 பந்துகளில் 18 ரன்கள் விளாசி சென்னையின் வெற்றியை உறுதி செய்தார். 

இதையடுத்து 9ஆவது முறையாக சென்னை அணியை ஐபிஎல் இறுதிப்போட்டிக்கு அழைத்துச் சென்றுள்ள கேப்டன் தோனி  சமூக வலைதளங்களில் பாராட்டுக்கள் குவிந்து வருகிறது. 

இந்நிலையில், தோனியின் ஆட்டத்தைப் பார்த்த ராயல் சேலஞ்சர்ஸ் பெங்களூர் கேப்டன் விராட் கோலி “கிங் இஸ் பேக்” என ட்விட்டரில் பாராட்டியுள்ளார்.

Also Read: இந்திய அணியின் இங்கிலாந்து சுற்றுப்பயணம், 2021

இதுதொடர்பாக கோலி வெளியிட்டுள்ள டுவிட்டர் பதிவில், “ கிங் இஸ் பேக். கிரிக்கெட்டில் என்றும் தலைசிறந்த பினிஷர். மீண்டும் ஒருமுறை தன்னை துள்ளிக் குதிக்கச் செய்தார்” என குறிப்பிட்டுள்ளார். தற்போது இவரது பதிவு வைரலாகி வருகிறது.