2nd Test: ஜிம்பாப்வேவை இன்னிங்ஸ் வித்தியாசத்தில் வீழ்த்தி தொடரை சமன்செய்தது வங்கதேசம்!
வங்கதேசம் - ஜிம்பாப்வே அணிகளுக்கு இடையேயான இரண்டாவது மற்றும் கடைசி டெஸ்ட் போட்டி நேற்று முந்தினம் (ஏப்ரல் 28) சிட்டாகாங்கில் உள்ள ஜாஹூர் அகமது சவுத்ரி கிரிக்கெட் மைதானத்தில் தொடங்கியது. இப்போட்டியில் டாஸ் வென்ற ஜிம்பாப்வே அணி முதலில் பேட்டிங் செய்வதாக அறிவித்து களமிறங்கியது.
அதன்படி களமிறங்கிய ஜிம்பாப்வே அணி நிக் வெல்ச் 54 ரன்களையும், சீன் வில்லியம்ஸ் 67 ரன்களையும், பிரையன் பென்னட், பென் கரண் ஆகியோர் தலா 21 ரன்களையும் சேர்த்ததை தவிர்த்து மற்ற வீரர்கள் அனைவரும் அடுத்தடுத்து சொற்ப ரன்காளுக்கும் என அடுத்தடுத்து விக்கெட்டுகளை இழ்னதனர். இதனால் ஜிம்பாப்வே அணி முதல் இன்னிங்ஸில் அனைத்து விக்கெட்டுகளையும் இழந்து 277 ரன்களுக்கு ஆல் அவுட்டானது. வங்கதேச அணி தரப்பில் அபாரமான பந்துவீச்சை வெளிப்படுத்திய தைஜுல் இஸ்லாம் 6 விக்கெட்டுகளையும், நயீம் ஹசன் 2 விக்கெட்டுகளையும் கைப்பற்றினர்.
இதையடுத்து முதல் இன்னிங்ஸை தொடங்கிய வங்கதேச அணிக்கு சாத்மான் இஸ்லாம் - அனமுல் ஹக் இணை தொடக்கம் கொடுத்தனர். இருவரும் சிறப்பான ஆட்டத்தை வெளிப்படுத்தியதுடன் முதல் விக்கெட்டிற்கு 118 ரன்கள் பார்ட்னர்ஷிப் அமைத்தும் அசத்தினர். இதில் அனமுல் ஹக் 39 ரன்களுக்கு விக்கெட்டை இழக்க, அடுத்து களமிறங்கிய மொமினுல் ஹக் 33 ரன்னிலும் என விக்கெட்டை இழந்தனர். இருப்பினும் தொடர்ந்து சிறப்பான ஆட்டத்தை வெளிப்படுத்தி வந்த ஷாத்மான் இஸ்லாம் சர்வதேச டெஸ்ட் கிரிக்கெட்டில் தனது 2ஆவது சதத்தை பூர்த்தி செய்து அசத்தினார்.
அதன்பின் 16 பவுண்டரி, ஒரு சிக்ஸர் என 120 ரன்களை எடுத்திருந்த நிலையில் ஷாத்மான் இஸ்லாமும் விக்கெட்டை இழக்க, அவரைத்தொடர்ந்து நஜ்முல் ஹொசைன் சாண்டோ 23 ரன்னிலும், முஷ்ஃபிக்கூர் ரஹீம் 40 ரன்னிலும், ஜக்கர் அலி, நயீம் ஹசன் ஆகியோர் சொற்ப ரன்களுக்கும் என விக்கெட்டை இழந்தனர். இதனால் வங்கதேச அணி இரண்டாம் நாள் ஆட்டநேர முடிவில் 7 விக்கெட் இழப்பிற்கு 291 ரன்களைக் குவித்தது. இந்நிலையில் இன்று தொடங்கிய மூன்றாம் நாள் ஆட்டத்தை மெஹிதி ஹசன் மிராஸ் 16 ரன்களுடனும், தைஜுல் இஸ்லாம் 5 ரன்களுடனும் இன்னிங்ஸைத் தொடர்ந்தனர்.
இதில் தஜுல் இஸ்லாம் 20 ரன்களுக்கும், அவரைத்தொடர்ந்து களமிறங்கிய தன்ஸிம் ஹசன் 41 ரன்களையும் சேர்த்த கையோடு விக்கெட்டை இழந்தாலும், மறுமுனையில் அபார ஆட்டத்தை வெளிப்படுத்திய மெஹிதி ஹசன் மிராஸ் சதமடித்து அசத்தியதுடன், 11 பவுண்டரி, ஒரு சிக்ஸர் என 104 ரன்களில் விக்கெட்டை இழந்தார். இதன் காரணமாக வங்கதேச அணி முதல் இன்னிங்ஸில் 444 ரன்களைச் சேர்த்த நிலையில் ஆல் அவுட்டானது. ஜிம்பாப்வே அணி தரப்பில் வின்சென்ட் மசேகேசா 5 விக்கெட்டுகளை கைப்பற்றி அசத்தினார்.
Also Read: LIVE Cricket Score
பின்னர் 217 ரன்கள் பின் தங்கிய நிலையில் இரண்டாவது இன்னிங்ஸைத் தொடங்கிய ஜிம்பாப்வே அணியில் பென் கரண் 46 ரன்களையும், கிரேய்க் எர்வின் 25 ரன்களையும் சேர்த்தை தவிர்த்து மற்ற வீரர்கள் சோபிக்க தவற அந்த அணி 111 ரன்களில் ஆல் அவுட்டானது. வங்கதேச அணி தரப்பில் மெஹிதி ஹசன் மிராஸ் 5 விக்கெட்டுகளையும், தைஜுல் இஸ்லாம் 3 விக்கெட்டுகளையும் வீழ்த்தினர். இதன்மூலம் வங்கதேச அணி இன்னிங்ஸ் மற்றும் 106 ரன்கள் வித்தியாசத்தில் ஜிம்பாப்வேவை வீழ்த்தியதுடன் டெஸ்ட் தொடரையும் 1-1 என்ற கணக்கில் சமன்செய்து அசத்தியுள்ளது.