MLC 2024: நைட் ரைடர்ஸை வீழ்த்தி பிளே ஆஃப் சுற்றுக்கு முன்னேறியது மும்பை இந்தியன்ஸ்!

விறுவிறுப்பாக நடைபெற்றுவரும் மேஜர் லீக் கிரிக்கெட் தொடரின் இரண்டாவது சீசன் இறுதிக்கட்டத்தை எட்டியுள்ளது. மொத்தம் 6 அணிகள் பங்கேற்றிருந்த இத்தொடரில் வாஷிங்டன் ஃப்ரீடம், சான் ஃபிரான்சிஸ்கோ யூனிகார்ஸ், டெக்ஸாஸ் சூப்பர் கிங்ஸ் அணியில் பிளே ஆஃப் சுற்றுக்கு முன்னேறிய நிலையில், மீதமிருக்கு இடத்திற்கான போட்டியில் மும்பை இந்தியன்ஸ் நியூயார்க் மற்றும் லாஸ் ஏஞ்சல்ஸ் நைட் ரைடர்ஸ் அணிகள் பலபரீட்சை நடத்தின. டல்லாஸில் நடைபெற்ற இப்போட்டியில் டாஸ் வென்ற மும்பை இந்தியன்ஸ் நியூயார்க் அணி முதலில் பந்துவீசுவதாக அறிவித்தது. 

அதன்படி களமிறங்கிய நைட் ரைடர்ஸ் அணியின் வீரர்கள் தொடக்கம் முதலே சீரான இடைவேளையில் விக்கெட்டுகளை இழந்து பெவிலியன் திரும்பினர். அதன்படி அந்த அணியின் கேப்டன் சுனில் நரைன் 6 ரன்களிலும், உன்முக்த் சந்த் 9 ரன்களிலும், ஜேசன் ராய் 27 ரன்களிலும் என டேவிட் மில்லர் 6 ரன்களிலும், நிதிஷ் குமார் 15 ரன்களிலும், சைஃப் பதர் 9 ரன்களிலும் என அடுத்தடுத்து விக்கெட்டுகளை இழந்து பெவிலியன் திரும்பினர். அதன்பின் களமிறங்கிய ஆண்ட்ரே ரஸல் ஓரளவு தக்குப்பிடித்து 6 பவுண்டரி, ஒரு சிக்ஸர் என 35 ரன்களைச் சேர்த்த நிலையில் மற்ற வீரர்கள் அனைவரும் சொற்ப ரன்களுக்கு விக்கெட்டை இழந்தனர்.

இதனால் லாஸ் ஏஞ்சல்ஸ் நைட் ரைடர்ஸ் அணியானது 19.1 ஓவர்களில் அனைத்து விக்கெட்டுகளையும் இழந்து 130 ரன்களுக்கு ஆல் அவுட்டானது. மும்பை இந்தியன்ஸ் தரப்பில் ரஷித் கான் 3 விக்கெட்டுகளையும், டிரென்ட் போல்ட், கெஞ்சிகே ஆகியோர் தலா 2 விக்கெட்டுகளை கைப்பற்றினர். இதனையடுத்து எளிய இலக்கை நோக்கி விளையாடிய மும்பை இந்தியன்ஸ் அணியிலும் தொடக்க வீரர் ருபென் கிளிண்டன் 8 ரன்களில் விக்கெட்டை இழந்து ஏமாற்றமளித்தார். அதப்பின் இணைந்த டெவால்ட் பிரீவிஸ் - நிக்கோலஸ் பூரன் இணை பொறுப்பான ஆட்டத்தை வெளிப்படுத்தி அணியின் ஸ்கோரை உயர்த்தினர். 

இதில் பிரீவிஸ் 27 ரன்கள் எடுத்த நிலையில் விக்கெட்டை இழக்க, அவரைத்தொடர்ந்து களமிறங்கிய மொனாங்க் படேல் 2 ரன்களிலும், ஹீத் ரிச்சர்ட்ஸ் 11 ரன்களிலும், ரொமாரியோ ஷெப்பர்ட் ஒரு ரன்னிலும் என அடுத்தடுத்து விக்கெட்டுகளை இழந்து பெவிலியனுக்கு திரும்பினார். பின்னர் பொறுப்புடன் விளையாடி வந்த நிக்கோலஸ் பூரனும் 2 பவுண்டரி, 2 சிக்ஸர்கள் என 35 ரன்கள் எடுத்திருந்த நிலையில் ஆட்டமிழந்தார். ஆனாலும் மறுமுனையில் களமிறங்கி சிறப்பான ஆட்டத்தை வெளிப்படுத்தி வந்த கேப்டன் கீரென் பொல்லார்ட் 12 பந்துகளில் 2 பவுண்டரி, 3 சிக்ஸர்கள் என விளாசி 33 ரன்களைச் சேர்த்ததுடன், அணியையும் வெற்றியை நோக்கி அழைத்துச் சென்றார். 

Also Read: Akram ‘hopes’ Indian Team Will Travel To Pakistan For 2025 Champions Trophy

இதன்மூலம் மும்பை இந்தியன்ஸ் நியூயார்க் அணியானது 17 ஓவர்களில் இலக்கை எட்டியதுடன் 4 விக்கெட் வித்தியாசத்தில் லாஸ் ஏஞ்சல்ஸ் நைட் ரைடர்ஸ் அணியை வீழ்த்தி அசத்தல் வெற்றியைப் பதிவுசெய்து அசத்தியது. இந்த வெற்றியின் மூலம் மும்பை இந்தியன்ஸ் நியூயார்க் அணியானது நடப்பு மேஜர் லீக் கிரிக்கெட் தொடரின் பிளே ஆஃப் சுற்றுக்கும் முன்னேறி அசத்தியுள்ளது. அதேசமயம் இப்போட்டியில் தோல்வியடைந்ததன் மூலம் லாஸ் ஏஞ்சல்ஸ் நைட் ரைடர்ஸ் அணியானது பிளே ஆஃப் சுற்றுக்கான வாய்ப்பை இழந்தது.