பாகிஸ்தான், ஐக்கிய அரபு அமீரகத்தில் நடைபெற்று வரும் ஐசிசி ஆடவர் சாம்பியன்ஸ் கோப்பை தொடரின் இறுதிப்போட்டி மார்ச் 09ஆம் தேதி துபாய் சர்வதேச கிரிக்கெட் மைதானத்தில் நடைபெறவுள்ளது. இந்த இறுதிப்போட்டியில் இந்தியா மற்றும் நியூசிலாந்து அணிகள் பலப்பரீட்சை நடத்தவுள்ளன.
இப்போட்டிக்காக இரு அணி வீரர்களும் தீவிரமாக தயாராகி வருகின்றனர். இதில் இந்திய அணி ஏற்கெனவே கடந்த சாம்பியன்ஸ் கோப்பை தொடரின் இறுதிப்போட்டி வரை முன்னேறி கோப்பை நழுவவிட்டதால், இம்முறை கோப்பையை வென்று அசததும் எதிர்பார்ப்புகள் அதிகரித்துள்ளன. இந்நிலையில் இப்போட்டியின் மூலம் இந்திய அணி வேகப்பந்து வீச்சாளர் முகமது ஷமி சில சாதனைகள் படைக்கும் வாய்ப்பை பெற்றுள்ளார்.
அதன்படி நியூசிலாந்து அணிக்கு எதிரான இறுதிப்போட்டியில் இந்திய வேகப்பந்து வீச்சாளர் முகமது ஷமி இரண்டு விக்கெட்டுகளை வீழ்த்தினால், இந்தியா - நியூசிலாந்து ஒருநாள் போட்டிகளில் அதிக விக்கெட்டுகளை வீழ்த்தி இரண்டாவது வீரர் எனும் சாதனையைப் படைக்கவுள்ளார். இதுவரை நியூசிலாந்து அணிக்கு எதிரான 15 போட்டிகளில் விளையாடி 38 விக்கெட்டுகளை வீழ்த்தி இந்த பட்டியலில் நான்காம் இடத்தில் உள்ளார்.
அதேசமயம் இந்தியா - நியூசிலாந்து அணிகளுக்கு இடையேயான ஒருநாள் போட்டிகளில் அதிக விக்கெட்டுகளை வீழ்த்திய வீரர்கள் பட்டியலில் இந்திய அணியின் ஜகவல் ஸ்ரீநாத் 51 விக்கெட்டுகளை வீழ்த்தி முதலிடத்தில் உள்ளார். அவருக்கு அடுத்த இடத்தில் இந்திய அணியின் அனில் கும்ப்ளே 31 ஒருநாள் போட்டிகளில் 39 விக்கெட்டுகளை வீழ்த்தி இரண்டாம் இடத்திலும், நியூசிலாந்தின் டிம் சௌதீ 25 போட்டிகளில் 38 விக்கெட்டுகளை வீழ்த்தி மூன்றாம் இடத்திலும் உள்ளனர்.
இந்நிலையில் இந்த இறுதிப்போட்டியில் முகமது ஷமி 3 விக்கெட்டுகளை கைப்பற்றும் பட்சத்தில் அனில் கும்ப்ளே மற்றும் டிம் சௌதீ ஆகியோரின் சாதனையை முறியடித்து இரண்டாம் இடத்திற்கு முன்னேறுவார் என்பது குறிப்பிடத்தக்கது. தற்போது சாம்பியன்ஸ் கோப்பை தொடரில் முகமது ஷமி அபாரமான ஃபார்மில் உள்ளதால், நிச்சயம் அவர் இந்த சாதனையைப் படைப்பார் என்ற எதிர்பார்ப்புகள் ரசிகர்கள் மத்தியில் அதிகரித்துள்ளன.
Also Read: Funding To Save Test Cricket
சாம்பியன்ஸ் கோப்பை தொடருக்கான இந்திய அணி: ரோஹித் சர்மா (கேப்டன்), ஷுப்மான் கில், விராட் கோலி, ஸ்ரேயாஸ் ஐயர், கேஎல் ராகுல், அக்ஸர் படேல், ரவீந்திர ஜடேஜா, ஹர்திக் பாண்டியா, முகமது ஷமி, குல்தீப் யாதவ், வருண் சக்ரவர்த்தி, ரிஷப் பந்த், அர்ஷ்தீப் சிங், ஹர்ஷித் ரானா, வாஷிங்டன் சுந்தர்.