டி20 உலகக்கோப்பை 2026: எதிவரும் ஐசிசி டி20 உலகக்கோப்பை தொடருக்கு தயாராகும் வகையில் நியூசிலாந்து அணி இந்தியாவில் சுற்றுப்பயணம் செய்து 5 போட்டிகள் கொண்ட டி20 தொடரில் விளையாடவுள்ளதாக தகவல்கள் வெளியாகியுள்ளன.
ஐசிசி டி20 உலகக்கோப்பை கிரிக்கெட் தொடரின் அடுத்த பதிப்பானது இந்தியா மற்றும் இலங்கையில் நடத்த திட்டமிடப்பட்டுள்ளது. அந்தவகையில் இத்தொடரானது அடுத்த ஆண்டு பிப்ரவரி மற்றும் மார்ச் மாதம் நடைபெறும் என்று எதிர்பார்க்கப்படுகிறது. மேற்கொண்டு இத்தொடரில் நடைபெறவுள்ளது. மொத்தம் 20 அணிகள் பங்கேற்கும் இத்தொடரில் டி20 தரவரிசையில் முதல் 10 இடங்களைப் பிடித்த அணிகள் நேரடியாக தகுதிப்பெற்றுள்ளன.
அதேசமயம் கடந்த டி20 உலகக்கோப்பை தொடரின் சூப்பர் 8 சுற்றில் இடம்பிடித்த அமெரிக்க அணியும் இத்தொடருக்கு நேரடியாக தககுதி பெற்றுள்ள நிலையில், மீதமுள்ள அணிகள் தகுதிச்சுற்றின் அடிப்படையில் தேர்வு செய்யபடவுள்ளன. இதன் காரணமாக அனைத்து அணிகளும் இத்தொடருக்காக தீவிரமான தயாரிப்புகளில் இறங்கியுள்ளன. அதன் ஒரு பகுதியாக நியூசிலாந்து அணியும் தங்களுடைய தயாரிப்புகளில் இறங்கியுள்ளது.
இதில் டி20 உலகக்கோப்பை தொடருக்கு தயாரகும் வகையில் அடுத்த ஆண்டு ஜனவரி மாதம் நியூசிலாந்து அணி இந்தியாவில் சுற்றுப்பயணம் மேற்கொண்டு மூன்று போட்டிகள் கொண்ட ஒருநாள் தொடரிலும், 5 போட்டிகள் கொண்ட டி20 தொடரிலும் விளையாடவுள்ளதாக தகவல்கள் வெளியாகியுள்ளது. இந்தத் தொடர் இரு அணிகளுக்கும் உலகக் கோப்பை தயாரிப்பின் ஒரு பகுதியாக அமையும் என கருதப்படுகிறது.
இதுகுறித்து வெளியான தகவலின் அடிப்படையில் இந்தியா - நியூசிலாந்து அணிகளுக்கு இடையேயான இந்த தொடரானது ஜனவரி 11ஆம் தேதி தொடங்கும் என்று கூறப்படுகிறது. மேலும் வெஸ்ட் இண்டீஸுக்கு எதிரான சுற்றுப்பயணத்தை முடித்த கையோடு நியூசிலாந்து அணி இந்தியா வந்தடையும் என்று கூறப்படுகிறது. முன்னதாக சமீபத்தில் நடந்து முடிந்த சாம்பியன்ஸ் கோப்பை தொடரின் இறுதிப்போட்டியில் இரு அணிகளும் விளையாடின.
இதில் இந்திய அணி நியூசிலாந்தை வீழ்த்தியதுடன் சாம்பியன் பட்டத்தையும் கைப்பற்றியது. அதேசமயம் கடந்த 2023ஆம் ஆண்டு இந்தியாவில் சுற்றுப்பயணம் மேற்கொண்டிருந்த நியூசிலாந்து அணி படுதோல்வியைச் சந்தித்தது. அந்த தொடரில் இந்தியா அணி மூன்று போட்டிகள் கொண்ட ஒருநாள் தொடரை 3-0 என்ற கணக்கிலும், டி20 தொடரை 2-1 என்ற கணக்கிலும் நியூசிலாந்தை வீழ்த்தி வெற்றிபெற்றிருந்தது.
Also Read: LIVE Cricket Score
இந்தியாவுக்கு எதிராக நியூசிலாந்தின் சமீபத்திய சாதனையும் சிறப்பானதாக இல்லை. இந்தியாவுக்கு எதிரான கடைசி எட்டு டி20 போட்டிகளில் ஒரே ஒரு போட்டியில் மட்டுமே நியூசிலந்து அணி வெற்றி பெற்றுள்ளது. மேலும் தொடர்ச்சியாக ஏழு ஒருநாள் போட்டிகளில் தோல்வியடைந்துள்ளனர். அதனால் இந்தத் தொடர் 2026 உலகக் கோப்பைக்கான தயாரிப்புகளில் ஒரு முக்கிய பகுதியாக இருக்கும் என்று எதிர்பார்க்கப்படுகிறது.