இணையத்தில் வைரலாகும் ரிஷப் பந்தின் இன்ஸ்டா பதிவு! 

இந்திய அணியின் இளம் அதிரடி வீரர்களில் ரிஷப் பந்தும் ஒருவர். அவர் ஐபிஎல் தொடரில் டெல்லி கேப்பிட்டல்ஸ் அணிக்காக விளையாடி வருகிறார். டெல்லி கேப்பிட்டல்ஸ் அணியின் கேப்டனாக 2021 மற்றும் 2022 ஆம் ஆகிய ஆண்டுகளில் அணியை வழிநடத்தியுள்ளார். இந்நிலையில், கடந்த ஆண்டு இறுதியில் ஏற்பட்ட கார் விபத்தில் ரிஷப் பந்த் படுகாயமடைந்தார். 

அதன்பின், அவருக்கு மருத்துவமனையில் சிகிச்சை அளிக்கப்பட்டு கொஞ்சம் கொஞ்சமாக உடல் நலம் பெற்று வருகிறார். கார் விபத்தில் சிக்கிய காரணத்தினால் இந்த ஆண்டு ஐபிஎல் போட்டிகளில் அவர் விளையாடவில்லை. இருப்பினும், அவரது அணியை ஊக்கப்படுத்தும் விதமாக ஐபிஎல் போட்டிகளைக் காண நேரடியாக மைதானத்துக்கு வந்தார் ரிஷப் பந்த்.

தற்போது வீட்டில் இருக்கும் ரிஷப்பிற்கு கொஞ்சம் கொஞ்சமாக உடல் நலம் பெற்று வருகிறது. கார் விபத்தில் சிக்கிய காரணத்தினால் இந்த ஆண்டு ஐபிஎல் போட்டிகளில் அவர் விளையாடவில்லை. சமீபத்தில் அவருக்கு இரண்டாவது அறுவை சிகிச்ச தேவையில்லையென பிசிசிஐ அதிகாரிகள் கூறிருந்தார்கள்.  

இந்நிலையில் அவர் தனது இன்ஸ்டாகிராமில் பதிவிட்ட காணொளியில் படிக்கட்டில் முதலில் கஷ்டப்பட்டு நடந்துவரும் ரிஷப் பந்த் பின்னர் சாதரணமாக நடந்து வருவார். இதை பதிவிட்டு, “சில நேரங்களில் எளிமையான விஷயம்கூட கடினமாக இருக்கும். அவ்வளவு ஒன்னும் மோசமில்லை“ என ரிஷப் தனக்குத்தானே தன்னம்பிக்கை கொடுத்துள்ளார். கிரிக்கெட் வீரர்கள், ரசிகர்கள் பலரும் ரிஷப் பந்த் விரைவாக குணமடைய தங்களது வாழ்த்துகளை தெரிவித்து வருகின்றனர்.