PAK vs NZ: பாகிஸ்தான் டெஸ்ட் அணியில் 3 வீரர்கள் சேர்ப்பு!
பாகிஸ்தான் அணி தனது சொந்த மண்ணில் நடந்த 3 போட்டிகள் கொண்ட டெஸ்ட் தொடரை 0-3 என்ற கணக்கில் இங்கிலாந்து அணியிடம் பறிகொடுத்தது. இந்த தோல்வியை அடுத்து பாகிஸ்தான் கேப்டன் பாபர் ஆசாம் மீது பல்வேறு விமர்சனங்கள் விழுந்தது.
மோலும் தொடர் தோல்விகளின் எதிரொலியாக பாகிஸ்தான் கிரிக்கெட் வாரியத்தின் தலைவர் பதவியில் ரமீஸ் ராஜா இருந்து நீக்கப்பட்டார். அதேபோல் தேர்வு குழு தலைவர் பதவியையும் அவர் ராஜினாமா செய்துள்ளார்.
இந்நிலையில் பாகிஸ்தான் அணி நியூசிலாந்துக்கு எதிரான 2 போட்டிகள் கொண்ட டெஸ்ட் தொடரில் விளையாடுகிறது. இதுவும் பாகிஸ்தான் மண்ணில் தான் நடைபெறுகிறது. இங்கிலாந்து அணிக்கு எதிரான டெஸ்ட் தொடரை இழந்ததை சரிசெய்யும் வகையில் நியூசிலாந்துக்கு எதிரான டெஸ்ட் தொடரை கட்டாயம் கைப்பற்ற வேண்டும் என்ற கட்டாயத்தில் பாகிஸ்தான் அணி உள்ளது.
இந்நிலையில், நியூசிலாந்துக்கு எதிரான டெஸ்ட் தொடருக்கான பாகிஸ்தான் அணியில் 3 வீரர்கள் சேர்க்கப்பட்டுள்ளனர். அதன்படி ஷாநவாஸ் தஹானி, மிர் ஹம்சா, சஜித் கான் ஆகியோர் பாகிஸ்தான் டெஸ்ட் அணியில் சேர்க்கப்பட்டுள்ளனர்.
பாகிஸ்தான் அணி: பாபர் ஆசம் (கேப்டன்), அப்துல்லா ஷஃபீக், அப்ரார் அஹ்மது, ஹசன் அலி, இமாம் உல் ஹக், கம்ரான் குலாம், மிர் ஹம்சா, முகமது நவாஸ், முமகது ரிஸ்வான், முகமது வாசிம் ஜூனியர், நசீம் ஷா, நௌமன் அலி, சஜித் கான், சல்மான் அலி ஆகா, சர்ஃப்ராஸ் அகமது, சவுத் சகீல், ஷாநவாஸ் தஹானி, ஷான் மசூத், ஜாகித் மெஹ்மூத்.