ஐபிஎல் தொடரில் இன்று நடைபெற்ற லீக் போட்டியில் கொல்கத்தா நைட் ரைடர்ஸ் மற்றும் பஞ்சாப் கிங்ஸ் அணிகள் பலப்பரீட்சை நடத்தின. கொல்கத்தாவில் உள்ள ஈடன் கார்டன்ஸ் மைதானத்தில் நடைபெற்ற இப்போட்டியில் டாஸ் வென்ற பஞ்சாப் கிங்ஸ் அணி முதலில் பேட்டிங் செய்வதாக அறிவித்தது.
அதன்படி களமிறங்கிய பஞ்சாப் கிங்ஸ் அணிக்கு பிரியான்ஷ் ஆர்யா மற்றும் பிரப்ஷிம்ரன் சிங் இணை தொடக்கம் கொடுத்தனர். இருவரும் தொடக்கம் முதலே சிறப்பான ஆட்டத்தை வெளிப்படுத்தி அணியின் ஸ்கோரை உயர்த்தினர். இதில் சிறப்பான ஆட்டத்தை வெளிப்படுத்திய பிரியான்ஷ் ஆர்யா அரைசதம் கடந்ததன் மூலம், இருவரின் பார்ட்னர்ஷிப்பும் 100 ரன்களுக்கு மேல் பார்ட்னர்ஷிப் அமைத்தும் அசத்தினர்.
இந்நிலையில் இப்போட்டியில் பிரப்சிம்ரன் சிங் விளாசிய ஒரு சிக்ஸர் அனைவரையும் ஆச்சரியத்தில் ஆழ்த்தியுள்ளது. அந்தவகையில் கேகேஆர் அணி தரப்பில் இன்னிங்ஸின் 11ஆவது ஓவரை சுனில் நரைன் வீசிய நிலையில், அந்த ஓவரின் மூன்றாவது பந்தை எதிர்கொண்ட பிரப்ஷிம்ரன் சிங் திடீரென இடது கை பேட்டிங்கிற்கு மாறியதுடன் டீப் கவர் திசையை நோக்கி இமாலய சிக்ஸர் ஒன்றை பறக்கவிட்டு அனைவரையும் ஆச்சரியப்படுத்தினர்.
ஏனெனில் வலது கை பேட்டரான பிரப்ஷிம்ரன் சிங் வழக்கத்திற்கு மாறாக இடது கை பேட்டரைப் போல் சிக்ஸரை விளாசி இருந்தார். அதிலும் டி20 ஜாம்பவானான சுனில் நரைனின் பந்துவீச்சில் அவர் இதனைச் செய்திருப்பது தன் கூடுதல் சுவாரஸ்யம். இந்நிலையில் பிரப்ஷிம்ரன் சிங் இடது கையில் சிக்ஸரை அடித்த காணொளி வைரலாகி வருகிறது. மேலும் இப்போட்டியில் பிரப்ஷிம்ரன் சிங் அரைசதம் கடந்து விளையாடி வருவதும் குறிப்பிட்த்தக்கது.
பஞ்சாப் கிங்ஸ்: பிரியான்ஷ் ஆர்யா, பிரப்சிம்ரன் சிங், ஸ்ரேயாஸ் ஐயர்(கேப்டன்), ஜோஷ் இங்கிலிஸ், நேஹால் வதேரா, ஷஷாங்க் சிங், கிளென் மேக்ஸ்வெல், அஸ்மதுல்லா ஓமர்சாய், மார்கோ ஜான்சன், அர்ஷ்தீப் சிங், யுஸ்வேந்திர சாஹல்
இம்பேக்ட் வீரர்கள்: ஹர்பிரீத் ப்ரார், முஷீர் கான், விஜய்குமார் வைஷாக், சூர்யன்ஷ் ஷெட்ஜ், பிரவீன் துபே
கொல்கத்தா நைட் ரைடர்ஸ்: ரஹ்மானுல்லா குர்பாஸ், சுனில் நரைன், அஜிங்க்யா ரஹானே(கேப்டன்), வெங்கடேஷ் ஐயர், ரிங்கு சிங், ஆண்ட்ரே ரஸல், ரோவ்மன் பாவெல், வைபவ் அரோரா, சேத்தன் சகாரியா, ஹர்ஷித் ராணா, வருண் சக்கரவர்த்தி
Also Read: LIVE Cricket Score
இம்பேக்ட் வீரர்கள்: ஹர்பிரீத் ப்ரார், முஷீர் கான், விஜய்குமார் வைஷாக், சூர்யன்ஷ் ஷெட்ஜ், பிரவீன் துபே