பஞ்சாப் கிங்ஸ் - சென்னை சூப்பர் கிங்ஸ் அணிகளுக்கு இடையேயான ஐபிஎல் லீக் போட்டி இன்று நடைபெற்றது. சண்டிகரில் உள்ள மகாராஜா யாதவீந்திர சிங் சர்வதேச கிரிக்கெட் மைதானத்தில் நடைபெற்ற இப்போட்டியில் டாஸ் வென்ற பஞ்சாப் கிங்ஸ் அணி முதலில் பேட்டிங் செய்வதாக அறிவித்தது.
அதன்படி களமிறங்கிய பஞ்சாப் கிங்ஸ் அணிக்கு பிரியன்ஸ் ஆர்யா மற்றும் பிரப்ஷிம்ரன் சிங் இணை தொடக்கம் கொட்த்தனர். இதில் பிரியன்ஸ் ஆர்யா இன்ற போட்டியின் முதல் பந்தில் இருந்து பவுண்டரிகளையும் சிக்ஸர்களையும் பறக்கவிட்டு மிரட்டினார். அதேசமயம் மறுபக்கம் களமிறங்கிய பிரப்சிம்ரன் சிங் ரன்கள் ஏதுமின்றியும், அடுத்து களமிறங்கிய கேப்டன் ஸ்ரேயாஸ் ஐயர் 9 ரன்களிலும், மார்க்கஸ் ஸ்டொய்னிஸ் 4 ரன்னிலும் என விக்கெட்டை இழந்தனர்.
இருப்பினும் அபாரமாக விளையாடி வந்த பிரியான்ஷ் ஆர்யா 19 பந்துகளில் தனது அரைசதத்தைப் பூர்த்தி செய்து அசத்திய நிலையில், மறுமுனையில் களமிரங்கிய நேஹல் வதேரா மற்றும் கிளென் மேக்ஸ்வெல் ஆகியோரும் சொற்ப ரன்களில் ஆட்டமிழந்தனர். அதன்பின் களமிறங்கிய ஷஷாங் சிங்கும் அதிரடியாக விளையாடி ஸ்கோரை உயர்த்த, பிரியான்ஷ் ஆர்யா 39 பந்துகளில் தனது சதத்தைப் பூர்த்தி செய்து மிரட்டினார்.
அதன்பின் 7 பவுண்டரி, 9 சிக்ஸர்கள் என 103 ரன்களை எடுத்திருந்த பிரியான்ஷ் ஆர்யா தனது விக்கெட்டை இழந்தார். இந்நிலையில் பிரியான்ஸ் ஆர்யா 39 பந்துகளில் சதமடித்து அசத்தியதன் மூலம் ஐபிஎல் தொடர் வரலாற்றில் அதிவேக சதமடித்த வீரர்கள் பட்டியலில் டிராவிஸ் ஹெட்டின் சாதனையை சமன்செய்ததுடன், அதிவேக சதமடித்த இரண்டாவது இந்திய வீரர் எனும் பெருமையைப் பெற்றுள்ளார். முன்னதாக யூசுப் பதான் 37 பந்துகளில் சதமடித்ததே இதுநாள் வரை இந்திய வீரரின் சாதனையாக உள்ளது.
ஐபிஎல் தொடரில் அதிவேக சதம்
- 30 பந்துகள் - கிறிஸ் கெயில் (ஆர்சிபி) vs புனே வாரியர்ஸ், பெங்களூரு, 2013
- 37 பந்துகள் - யூசுப் பதான் (ஆர்ஆர்) vs மும்பை இந்தியன்ஸ், மும்பை, 2010
- 38 பந்துகள் - டேவிட் மில்லர் (கிங்ஸ் லெவன் பஞ்சாப்) vs ஆர்சிபி, மொஹாலி, 2013
- 39 பந்துகள் - டிராவிஸ் ஹெட் (சன்ரைசர்ஸ் ஹைதராபாத்) vs ஆர்சிபி, பெங்களூரு, 2024
- 39 பந்துகள் - பிரியான்ஷ் ஆர்யா (பஞ்சாப் கிங்ஸ்) vs சிஎஸ்கே, முலன்பூர், 2025*
பஞ்சாப் கிங்ஸ் பிளேயிங் லெவன்: பிரியான்ஷ் ஆர்யா, பிரப்சிம்ரன் சிங், ஸ்ரேயாஸ் ஐயர் (கேப்டன்), ஷஷாங்க் சிங், மார்கஸ் ஸ்டோய்னிஸ், நேஹால் வதேரா, கிளென் மேக்ஸ்வெல், மார்கோ ஜான்சன், அர்ஷ்தீப் சிங், லோக்கி ஃபெர்குசன், யுஸ்வேந்திர சாஹல்
இம்பேக்ட் வீரர்கள்: சூர்யன்ஷ் ஷெட்ஜ், யாஷ் தாக்கூர், பிரவீன் துபே, அஸ்மத்துல்லா ஓமர்சாய், வைஷாக் விஜய்குமார்
சென்னை சூப்பர் கிங்ஸ் பிளேயிங் லெவன்: ரச்சின் ரவீந்திரா, டெவான் கான்வே, ருதுராஜ் கெய்க்வாட்(கேப்டன்), விஜய் சங்கர், ரவீந்திர ஜடேஜா, எம்எஸ் தோனி, ரவிச்சந்திரன் அஷ்வின், நூர் அகமது, முகேஷ் சவுத்ரி, கலீல் அகமது, மதீஷா பத்திரனா
Also Read: Funding To Save Test Cricket
இம்பேக்ட் வீரர்கள்: சிவம் துபே, ஜேமி ஓவர்டன், ராகுல் திரிபாதி, தீபக் ஹூடா, அன்ஷுல் கம்போஜ்