பிஎஸ்எல் 2022: 105 ரன்களில் சுருண்டது இஸ்லாமாபாத்!

பிஎஸ்எல் லீக் ஆட்டத்தில் முல்தான் சுல்தான்ஸ் அணி 105 ரன்களில் இஸ்லாமாபாத் யுனைடெட் அணியை சுருட்டியது.

பாகிஸ்தான் சூப்பர் லீக் டி20 தொடரில் இன்று நடைபெற்றுவரும் 29ஆவது லீக் ஆட்டத்தில் இஸ்லாமாபாத் யுனைடெட் - முல்தான் சுல்தான்ஸ் அணிகள் விளையாடி வருகின்றன. 

இப்போட்டியில் டாஸ் வென்று முதலில் பேட்டிங் செய்த இஸ்லாமாபாத் அணி தொடக்கம் முதலே விக்கெட்டுகளை இழந்து தடுமாறினர். 

அதிலும் அந்த அணியில் நசிர் நவாஸ், லியாம் டௌசன், முகமது முசா ஆகியோரைத் தவிற மற்ற வீரர்கள் ஒற்றை இலக்க ரன்களோடு நடையைக் கட்டினர். 

இதனால் 20 ஓவர்கள் முடிவில் இஸ்லாமாபாத் யுனைடெட் அணி 7 விக்கெட்டுகளை இழந்து 105 ரன்களை மட்டுமே சேர்த்தது. முல்தான் சுல்தான்ஸ் அணி தரப்பில் ஆசிஃப் அஃப்ரிடி, இம்ரான் தாஹிர் ஆகியோர் தலா 2 விக்கெட்டுகளைக் கைப்பற்றினர்.