ஐபிஎல் 2021: டாஸ் வென்ற டெல்லி அணி பந்துவீச்சு!

ஐபிஎல் தொடரின் 29ஆவது லீக் ஆட்டத்தில் பஞ்சாப் கிங்ஸ் அணி, டெல்லி கேப்பிட்டல்ஸ் அணியை எதிர்கொள்ளவுள்ளது. 

இப்போட்டிக்கு முன்னதாக பஞ்சாப் அணியின் கேப்டன் கே.எல். ராகுல் வயிற்று வலி காரணமாக மருத்துவமனையில் அனுமதிகப்பட்டுள்ளதால், இன்றைய போட்டிக்கான பஞ்சாப் கிங்ஸ் அணியை மயாங்க் அகர்வால்  வழிநடத்துகிறார்.

அகமதாபாத்திலுள்ள நரேந்திர மோடி விளையாட்டரங்கில் நடைபெறும் இப்போட்டியில் டாஸ் வென்ற டெல்லி கேப்பிட்டல்ஸ் அணி கேப்டன் ரிஷப் பந்த் முதலில் பந்துவீச தீர்மானித்துள்ளார்.

இன்றைய போட்டிக்கான பஞ்சாப் கிங்ஸ் அணியில் கே.எல். ராகுலிற்கு பதிலாக மயாங்க் அகர்வாலும், நிக்கோலஸ் பூரானுக்கு பதிலாக அறிமுக வீரர் டேவிட் மாலனும் இடம்பிடித்துள்ளனர். அதேசமயம் டெல்லி கேப்பிட்டல்ஸ் அணி எவ்வித மாற்றமும் இன்றி களமிறங்குகிறது.

டெல்லி கேப்பிட்டல்ஸ்: பிருத்வி ஷா, ஷிகர் தவான், ஸ்டீவ் ஸ்மித், ரிஷாப் பந்த், மார்கஸ் ஸ்டோய்னிஸ், சிம்ரான் ஹெட்மையர், க்சர் படேல், லலித் யாதவ், ககிசோ ரபாடா, இஷாந்த் சர்மா, அவேஷ் கான்.

பஞ்சாப் கிங்ஸ்: பிரப்சிம்ரான் சிங், மயாங்க் அகர்வால், கிறிஸ் கெய்ல், தீபக் ஹூடா, டேவிட் மாலன், ஷாருக் கான், ஹர்பிரீத் ப்ரார், கிறிஸ் ஜோர்டான், ரிலே மெரிடித், ரவி பிஷ்னோய், முகமது ஷமி.