வெஸ்ட் இண்டீஸில் சுற்றுப்பயணம் மேற்கொண்டுள்ள ஆஸ்திரேலிய அணி 3 போட்டிகள் கொண்ட டெஸ்ட் தொடரிலும், 5 போட்டிகள் கொண்ட டி20 தொடரிலும் விளையாடி வருகிறது. இதில் தற்போது டெஸ்ட் தொடர் முடிவடைந்துள்ள நிலையில், ஆஸ்திரேலிய அணியானது மூன்று போட்டிகளிலும் வெற்றிபெற்று 3-0 என்ற கணக்கில் வெஸ்ட் இண்டீஸ் அணியை அதன் சொந்த மண்ணிலேயே ஒயிட்வாஷ் செய்து அசத்தியுள்ளது.
இதையடுத்து வெஸ்ட் இண்டீஸ் - ஆஸ்திரேலிய அணிகளுக்கு இடையேயான 5 போட்டிகள் கொண்ட டி20 தொடரானது ஜூன் 20ஆம் தேதி முதல் நடைபெறவுள்ளது. அதன்படி இரு அணிகளுக்கும் இடையேயான முதல் டி20 போட்டியானது ஜமைக்காவில் உள்ள சபினா பார்க் கிரிக்கெட் மைதானத்தில் நடைபெறவுள்ளது. இத்தொடருக்கான இரு அணிகளும் சமீபத்தில் அறிவிக்கப்பட்டுள்ள நிலையில், வீரர்கள் தீவிரமாக தயாராகி வருகின்றன.
இந்நிலையில் இத்தொடரின் மூலம் வெஸ்ட் இண்டீஸ் அணி வீரர் ரோவ்மன் பாவெல் சிறப்பு சாதனை படைக்கும் வாய்ப்பை பெற்றுள்ளார். ரோவ்மன் பவல் இதுவரை 95 டி20 சர்வதேச போட்டிகளில் 83 இன்னிங்ஸ்களில் 1875 ரன்கள் எடுத்துள்ளார். இந்நிலையில் ஆஸ்திரேலிய அணிக்கு எதிரான முதல் போட்டியில் அவர் 25 ரன்கள் எடுக்கும் பட்சத்தில் ச்ர்வதேச டி20 கிரிக்கெட்டில் வெஸ்ட் இண்டீஸ் அணிக்காக அதிக ரன்களைக் குவித்த இரண்டாவது வீரர் எனும் பெருமையைப் பெறுவார்.
தற்சமயம் வெஸ்ட் இண்டீஸின் முன்னாள் வீரர் கிறிஸ் கெயில் 79 டி20 போட்டிகளில் 18,99 ரன்களைச் சேர்த்து இரண்டாம் இடத்தில் உள்ளார். இதன் மூலம் ரோவ்மன் பாவெல் தற்போது இரண்டாம் இடத்திற்கு முன்னேறி கிறிஸ் கெயில் சாதனையை முறியடிப்பார். இந்த பட்டியலில் சமீபத்தில் சர்வ்தேச கிரிக்கெட்டில் இருந்து ஓய்வு அறிவித்த நிக்கோலஸ் பூரன் 2275 ரன்களைச் சேர்த்து முதலிடத்தில் உள்ளார் என்பது குறிப்பிடத்தக்கது.
சர்வதேச டி20 கிரிக்கெட்டில் வெஸ்ட் இண்டீஸுக்காக அதிக ரன்கள் அடித்த வீரர்கள்
- நிக்கோலஸ் பூரன் - 2275 ரன்கள்
- கிறிஸ் கெயில் - 1899 ரன்கள்
- ரோவ்மன் பாவெல் - 1875 ரன்கள்
- எவின் லூயிஸ் - 1782 ரன்கள்
இதுதவிர்த்து இப்போட்டியில் ரோவ்மன் பாவெல் 2 சிக்ஸர்களை அடிக்கும் பட்சத்தில், சர்வதேச டி20 கிரிக்கெட்டில் வெஸ்ட் இண்டிஸ் அணிக்காக அதிக சிக்ஸர்களை அடித்டஹ் வீரர்கள் பட்டியலில் கிறிஸ் கெயிலின் சாதனையை ரோவ்மன் பாவெல் முறியடிப்பார். தற்சமயம் கிறிஸ் கெயில் 124 சிக்ஸர்களுடன் மூன்றாம் இடத்தில் இருக்கும் நிலையில் ரோவ்மன் பாவெல் 123 சிக்ஸர்களுடன் நான்காம் இடத்தில் உள்ளது குறிப்பிடத்தக்காது.
டி20 சர்வதேச கிரிக்கெட்டில் வெஸ்ட் இண்டீஸுக்காக அதிக சிக்ஸர்கள்
- நிக்கோலஸ் பூரன் - 149 சிக்ஸர்கள்
- எவின் லூயிஸ் - 136 சிக்ஸர்கள்
- கிறிஸ் கெய்ல் - 124 சிக்ஸர்கள்
- ரோவ்மேன் பவல் - 123 சிக்ஸர்கள்
Also Read: LIVE Cricket Score
வெஸ்ட் இண்டீஸ் டி20 அணி: ஷாய் ஹோப் (கேப்டன்), ஜூவல் ஆண்ட்ரூ, ஜெடியா பிளேட்ஸ், ரோஸ்டன் சேஸ், மேத்யூ ஃபோர்டு, ஷிம்ரான் ஹெட்மியர், ஜேசன் ஹோல்டர், அகீல் ஹோசின், அல்சாரி ஜோசப், பிராண்டன் கிங், எவின் லூயிஸ், குடகேஷ் மோட்டி, ரோவ்மேன் பவல், ஆண்ட்ரே ரஸல், ஷெர்பேன் ரூதர்ஃபோர்டு, ரொமாரியோ ஷெப்பர்ட்.