தென் ஆப்பிரிக்காவில் சுற்றுப்பயணம் செய்துவரும் இந்திய அணி தற்போது 3 போட்டிகள் கொண்ட டி20, ஒருநாள் மற்றும் 2 டெஸ்ட் போட்டிகள் கொண்ட தொடரில் விளையாடி வருகிறது. இதில் இரு அணிகளுக்கும் இடையேயான டி20 தொடரில் இரு அணியிம் தலா ஒரு வெற்றியைப் பதிவுசெய்து 1-1 என்ற கணக்கில் தொடரை சமன்செய்ததுடன், கோப்பையையும் பகிர்ந்துகொண்டனர்.
இதையடுத்து நடைபெற்ற ஒருநாள் தொடரில் அபாரமான ஆட்டத்தை வெளிப்படுத்திய இந்திய அணி 8 விக்கெட் வித்தியாசத்தில் அபார வெற்றியைப் பதிவுசெய்து, 1-0 என்ற கணக்கில் ஆரம்பத்திலேயே முன்னிலைப் பெற்றுள்ளது. இந்நிலையில் இத்தொடரின் இரண்டாவது ஒருநாள் போட்டி நாளை க்கெபர்ஹாவில் உள்ள செயிண்ட் ஜார்ஜ் பார்க் மைதானத்தில் நடைபெறுகிறது.
ஏற்கெனவே முதல் போட்டியில் இந்திய அணி வெற்றிபெற்று முன்னிலை வகிப்பதால் இப்போட்டியையும் வெற்றிபெற்று தொடரை கைப்பற்றும் முனைப்புடன் களமிறங்கவுள்ளது. அதேசமயம் சொந்த மண்ணில் ஒருநாள் தொடரை கைப்பற்றும் உத்வேகத்துடன் தென் ஆப்பிரிக்க அணி விளையாடும் என்பதால் இப்போட்டியின் மீதான எதிர்பார்ப்புகளும் அதிகரித்துள்ளன.
போட்டி தகவல்கள்
- மோதும் அணிகள் - தென் ஆப்பிரிக்கா vs இந்தியா
- இடம் - செயின்ட் ஜார்ஜ் பார்க், க்கெபர்ஹா
- நேரம் - மலை 4.30 மணி (இந்திய நேரப்படி)
நேரலை
இப்போட்டியை தமிழ், தெலுங்கு, மலையாளம், பெங்காலி, ஆங்கிலம் போன்ற மொழிகளில் ஸ்டார் ஸ்போர்ட்ஸ் தொலைக்காட்சி நேரடியாக ஒளிபரப்பு செய்கிறது. அதேசமயம் கிரிக்கெட் பிரியர்கள் மொபைல் போன்களில் டிஸ்னி+ ஹாட்ஸ்டாரில் நேரடியாக ஒளிபரப்பைப் பார்க்கலாம்.
நேருக்கு நேர்
- மோதிய போட்டிகள் - 92
- இந்தியா - 39
- தென் ஆப்பிரிக்கா - 50
- முடிவில்லை - 03
பிட்ச் ரிப்போர்ட்
செயின்ட் ஜார்ஜ் மைதானம் வேகப்பந்து வீச்சாளர்கள் மற்றும் ஸ்பின்னர்கள் ஆதிக்கம் செலுத்தும் இடமாக இருந்து வருகிறது. அதனாலேயே இங்கு நடைபெற்ற கடைசி 5 ஒருநாள் போட்டிகளில் 3 முறை மட்டுமே 250க்கும் மேற்பட்ட ரன்கள் அடிக்கப்பட்டுள்ளன. அந்தளவுக்கு இம்மைதானத்தில் பேட்டிங் செய்வது சற்று கடினமாக இருக்கும் என்பதால் பேட்ஸ்மேன்கள் பெரிய ரன்கள் குவிப்பதற்கு செட்டிலாகி விளையாடுவது அவசியமாகும்.
இந்த மைதானத்தில் சராசரி முதல் இன்னிங்ஸ் ஸ்கோர் 233 ரன்களாகும். இங்கு வரலாற்றில் நடைபெற்ற 42 போட்டிகளில் 20 முறை முதலில் பேட்டிங் செய்த அணிகளும் 21 முறை சேசிங் செய்த அணிகளும் வென்றுள்ளன. அந்த வகையில் சமமாக இருக்கும் இந்த மைதானத்தில் டாஸ் வெல்லும் கேப்டன் முதலில் பந்து வீச தீர்மானித்து சிறப்பாக செயல்படுவது வெற்றிக்கு வித்திடலாம்.
உத்தேச லெவன்
தென் ஆப்பிரிக்கா : ரீசா ஹென்ட்ரிக்ஸ், டோனி டி ஸோர்ஸி, ரஸ்ஸி வான் டெர் டுசென், ஐடன் மார்க்ரம்(கே), ஹென்ரிச் கிளாசென், டேவிட் மில்லர், வியான் முல்டர், ஆண்டிலே பெஹ்லுக்வாயோ, கேசவ் மஹாராஜ், நந்த்ரே பர்கர், தப்ரைஸ் ஷம்சி.
இந்தியா : கே.எல்.ராகுல்(கே), ருதுராஜ் கெய்க்வாட், சாய் சுதர்சன், ஸ்ரேயாஸ் ஐயர், திலக் வர்மா, சஞ்சு சாம்சன், அக்சர் படேல், அர்ஷ்தீப் சிங், அவேஷ் கான், குல்தீப் யாதவ், முகேஷ் குமார்.
ஃபேண்டஸி லெவன் டிப்ஸ்
- விக்கெட் கீப்பர்: ஹென்ரிச் கிளாசென், கேஎல் ராகுல், சஞ்சு சாம்சன்
- பேட்ஸ்மேன்கள்: டோனி டி ஜோர்ஜி, சாய் சுதர்ஷன் (துணைக்கேப்டன்), ராஸ்ஸி வான் டெர் டுசென், டேவிட் மில்லர்
- ஆல்ரவுண்டர்: ஐடன் மார்க்ரம் (கேப்டன்), அக்சர் படேல்
- பந்துவீச்சாளர்கள்: அர்ஷ்தீப் சிங், தப்ரைஸ் ஷம்சி
Disclaimer:*இந்த ஃபேண்டஸி டீம் என்பது ஆசிரியரின் புரிதல், பகுப்பாய்வு மற்றும் உள்ளுணர்வை அடிப்படையாகக் கொண்டது. உங்கள் அணியை உருவாக்கும் போது குறிப்பிடப்பட்ட புள்ளிகளைக் கருத்தில் கொண்டு கவனமாக முடிவெடுக்கவும்.