சர்வதேச டி20 கிரிக்கெட்டில் புதிய சாதனை படைத்த சஞ்சு சாம்சன், திலக் வர்மா!

தென் ஆப்பிரிக்கா - இந்திய அணிகளுக்கு இடையேயான நான்காவது மற்றும் கடைசி டி20 போட்டி ஜொஹன்னஸ்பர்க்கில் நடந்துமுடிந்தது. இப்போட்டியில் இந்திய அணியானது 135 ரன்கள் வித்தியாசத்தில் தென் ஆப்பிரிக்க அணியை வீழ்த்தியதுடன, 3-1 என்ற கணக்கில் டி20 தொடரையும் கைப்பற்றி அசத்தியுள்ளது. 

அதன்படி டாஸ் வென்று முதலில் பேட்டிங் செய்த இந்திய அணி நிர்ணயிக்கப்பட்ட 20 ஓவர்கள் முடிவில் ஒரு விக்கெட்டை மட்டுமே இழந்து 283 ரன்களைக் குவித்தது. இந்திய அணி தரப்பில் அதிகபட்சமாக இறுதிவரை ஆட்டமிழக்காமல் இருந்த திலக் வர்மா 120 ரன்களையும், சஞ்சு சாம்சன் 109 ரன்களையும் சேர்த்தனர். இதையடுத்து, 284 ரன்களை எடுத்தால் வெற்றி என்ற இமாலய இலக்குடன் களமிறங்கிய தென் ஆப்பிரிக்கா அணியின் முன்னணி வீரர்கள் விரைவில் விக்கெட்டுகளை இழந்து வெளியேறினர்.

இதனால் அந்த 10 ரன்களுக்குள் 4 விக்கெட்களை இழந்து தத்தளித்தது. பின்னர் இணைந்த டிரிஸ்டன் ஸ்டபஸ் மற்றும் டேவிட் மில்லர் இணை ஓரளவு தாக்குப்பிடித்து 5ஆவது விக்கெட்டுக்கு 86 ரன்களை சேர்த்தனர். பின் மில்லர் 36 ரன்னும், ஸ்டப்ஸ் 45 ரன்னும் எடுத்து ஆட்டமிழந்தனர்.பின்னர் களமிறங்கிய வீரர்களில் மார்கோ ஜான்சன் 29 ரன்களைச் சேர்த்து மற்ற வீரர்கள் சொற்ப ரன்களுக்கு நடையை கட்டினர்.

இதன் காரணமாக தென் ஆப்பிரிக்க அணி 18.2 ஓவர்களிலேயே அனைத்து விக்கெட்டுகளையும் 148 ரன்களுக்கு ஆல் அவுட்டானது. இதன்மூலம் இந்திய அணி இப்போட்டியில் 135 ரன்கள் வித்தியாசத்தில் வெற்றி பெற்றதுடன் டி20 தொடரை 3-1 என கைப்பற்றி அசத்தியது. இந்நிலையில் இப்போட்டியில் சதமடித்து அசததிய சஞ்சு சாம்சன் மற்றும் திலக் வர்ம இருவரும் இணைந்து சர்வதேச கிரிக்கெட்டில் இந்திய அணிக்காக புதிய சாதனை ஒன்றை படைத்துள்ளார். 

அந்தவகையில் இப்போட்டியில் சஞ்சு மற்றும் திலக் இருவரும் இணைந்து இரண்டாவது விக்கெட்டிற்கு 210 ரன்கள் பார்ட்னர்ஷிப் அமைத்து அசத்தினர். இதன்மூலம் சர்வதேச டி20 கிரிக்கெட்டில் இந்திய அணிக்காக அதிக பார்ட்னர்ஷிப் அமைத்த ஜோடி எனும் ரோஹித் சர்மா - ரிங்கு சிங் ஆகியோரது சாதனையை இவர்கள் முறியடித்துள்ளனர். முன்னதாக இந்தாண்டு ரோஹித் மற்றும் ரிங்கு இருவரும் இணைந்து ஆஃப்கானிஸ்தானுக்கு எதிராக 190 ரன்களைச் சேர்த்ததே சாதனையாக இருந்தது குறிப்பிடத்தக்கது.

Also Read: Funding To Save Test Cricket

இந்திய அணிக்காக அதிக பார்ட்னர்ஷிப் அமைத்த வீரர்கள் (டி20-ல்)

• 210 - சஞ்சு சாம்ச - திலக் வர்மா vs தென் ஆப்பிரிக்கா, 2024
• 190- ரோஹித் சர்மா- ரிங்கு சிங் vs ஆஃப்கானிஸ்தான், 2024
• 176 - தீபக் ஹூடா - சஞ்சு சாம்சன் vs அயர்லாந்து, 2022
• 173 - சஞ்சு சாம்சன் - சூர்யகுமார் யாதவ், வங்கதேசம், 2024
• 165 - ரோஹித் சர்மா - கேஎல் ராகுல், இலங்கை, 2017