ஆஃப்கானிஸ்தான் ஒருநாள் தொடருக்கான வங்கதேச அணி அறிவிப்பு!

வங்கதேச அணி தற்சமயம் தென் ஆப்பிரிக்க அணிக்கு எதிரான இரண்டு போட்டிகள் கொண்ட டெஸ்ட் தொடரில் விளையாடியது. இத்தொடரின் முடிவில் தென் ஆப்பிரிக்க அணியானது 2-0 என்ற கணக்கில் வங்கதேச அணியை வீழ்த்தி டெஸ்ட் தொடரை கைப்பற்றி அசத்தியுள்ளது. 

இதனையடுத்து வங்கதேச அணியானது ஆஃப்கானிஸ்தான் அணியுடன் மூன்று போட்டிகள் கொண்ட ஒருநாள் தொடரில் விளையாடவுள்ளது. அதன்படி வங்கதேசம் - ஆஃப்கானிஸ்தான் அணிகளுக்கு இடையேயான இந்த ஒருநாள் தொடரானது ஐக்கிய அரபு அமீரகத்தில் நடைபெறவுள்ளது. அந்தவகையில் நவம்பர் 06ஆம் தேதி தொடங்கும் இத்தொடரானது நவம்பர் 11ஆம் தேதி முடிவடையவுள்ளது. 

இந்நிலையில் வங்கதேச அணிக்கு எதிரான ஒருநாள் தொடரில் விளையாடும் ஆஃப்கானிஸ்தான் அணியை அந்நாட்டு கிரிக்கெட் வாரியம் சமீபத்தில் அறிவித்தது. அதன்படி ஹஸ்மதுல்லா ஷாஹிதி தலைமையிலான இந்த அணியில் ரஷித் கான், ரஹ்மனுல்லா குர்பாஸ், ரஹ்மத் ஷா, குல்பதின் நைப், முகமது நபி, ஃபசல்ஹக் ஃபரூக்கி, அஸ்மதுல்லா ஒமர்ஸாய், நூர் அஹ்மத் உள்ளிட்ட நட்சத்திர வீரர்கள் இந்த அணியில் இடம்பிடித்துள்ளனர். 

இந்நிலையில் ஆஃப்கானிஸ்தான் ஒருநாள் தொடருக்கான வங்கதேச ஒருநாள் அணி இன்று அறிவிக்கப்பட்டுள்ளது. மேலும் இத்தொடருக்கான வங்கதேச அணியின் கேப்டனாக நஜ்முல் ஹொசைன் சாண்டோ தொடர்வார் என்றும் அறிவிக்கப்பட்டுள்ளது. முன்னதாக தென் ஆப்பிரிக்க டெஸ்ட் தொடருடன் நஜ்முல் ஹொசைன் கேப்டன் பதவியில் இருந்து விலகவுள்ளதாக தகவல் வெளியான நிலையில், தற்சமயம் அவர் மீண்டும் கேப்டனாக நியமிக்கப்பட்டுள்ளார். 

மேற்கொண்டு இத்தொடருக்கான வங்கதேச அணியின் துணைக்கேப்டனாக மெஹிதி ஹசன் மிராஸ் நியமிக்கப்பட்டுள்லார். அதேசமயம் அறிமுக வீரர் நஹித் ரானா சேர்க்கப்பட்டுள்ளார். மேலும் நட்சத்திர வீரர்கள் சௌமீயா சர்க்கார், முஷ்ஃபிக்கூர் ரஹிம், தஸ்கின் அஹ்மத், முஸ்தஃபிசூர் ரஹ்மான் ஆகியோருக்கு வாய்ப்பு கிடைத்துள்ளது. அதேசமயம் லிட்டன் தாஸுக்கு இத்தொடரில் வாய்ப்பு கிடைக்கவில்லை என்பது குறிப்பிடத்தக்கது. 

வங்கதேச ஒருநாள் அணி: சௌமியா சர்க்கார், தன்ஸித் ஹசன் தமீம், ஜாகிர் ஹசன், நஸ்முல் ஹொசைன் சாண்டோ (கே), முஷ்ஃபிக்கூர் ரஹீம், மஹ்முதுல்லா ரியாத், தாவ்ஹித் ஹிரிடோய், ஜாக்கர் அலி அனிக், மெஹிதி ஹசன் மிராஸ், ரிஷாத் ஹொசைன், நசும் அகமது, தஸ்கின் அகமது, முஸ்தஃபிசூர் ரஹ்மான், ஷோரிஃபுல் இஸ்லாம், நஹித் ராணா

Also Read: Funding To Save Test Cricket

ஆஃப்கானிஸ்தான் அணி: ஹஷ்மத்துல்லா ஷாஹிதி (கே), ரஹ்மத் ஷா, ரஹ்மானுல்லா குர்பாஸ், இக்ராம் அலிகில், அப்துல் மாலிக், ரியாஸ் ஹசன், செதிக்குல்லா அடல், தர்வீஷ் ரசூலி, அஸ்மத்துல்லா உமர்சாய், முகமது நபி, குல்பதின் நைப், ரஷித் கான், நங்யால் கரோட்டி, ஏ.எம்.கசன்ஃபர், நூர் அஹ்மத், ஃபசல் ஹக் ஃபரூக்கி, பிலால் சாமி, நவீத் ஜத்ரான், ஃபரித் அகமது மாலிக்.