ஐசிசி விருது 2021: சிறந்த டி20 வீராங்கனை பட்டியலில் ஸ்மிருதி மந்தனா!

2021ஆம் ஆண்டின் சிறந்த டி20 வீராங்கனைகளுக்கான பரிந்துரைப் பட்டியலை ஐசிசி இன்று அறிவித்துள்ளது.

ஒவ்வொரு ஆண்டின் முடிவிலும் சர்வதேச கிரிக்கெட் கவுன்சில் டெஸ்ட், டி20, ஒருநாள் போட்டிகளில் சிறந்த வீரர், வீராங்கனைகளைத் தேர்வு செய்து விருது வழங்கி கவுரவித்து வருகிறது. 

அந்த வரிசையில் 2021ஆம் ஆண்டின் சிறந்த டி29 வீராங்கனைகளுக்கான பரிந்துரைப் பட்டியலை ஐசிசி இன்று அறிவித்துள்ளது. அதன்படி இந்திய வீராங்கனை ஸ்மிருதி மந்தனா, இங்கிலாந்தின் நட் ஸ்கைவர், டாமி பியூமண்ட், அயர்லாந்தின் கேபி லூயிஸ் ஆகியோரது பெயர்கள் பரிந்துரை செய்யப்பட்டுள்ளது. 

இதில் இந்திய அணியின் தொடக்க வீராங்கனை ஸ்மிருதி மந்தனா நடப்பாண்டில் விளையாடிய 9 டி20 போட்டிகளில் இரண்டு அரைசதங்கள் உள்பட 255 ரன்களைச் சேர்த்துள்ளார். 

அதேபோல் அயர்லாந்து அணியின் ஆல் ரவுண்டர் கேபி லூயிஸ் நடப்பாண்டில் ஒரு சதம், ஒரு அரைசதம் என 325 ரன்களைக் குவித்துள்ளார். 

இங்கிலாந்தின் டாமி பியூமண்ட் நடப்பாண்டில் 303 ரன்களை குவித்ததாலும், நாட் ஸ்கைவர் 153 ரன்கள் மட்டும் 10  à®µà®¿à®•à¯à®•à¯†à®Ÿà¯à®Ÿà¯à®•à®³à¯ˆà®•à¯ கைப்பற்றியதாலும் இவ்விருதுக்கு பரிந்துரை செய்யப்பட்டுள்ளது குறிப்பிடத்தக்கது.