இலங்கை அணி இங்கிலாந்தில் சுற்றுப்பயணம் மேற்கொண்டு 3 போட்டிகள் கொண்ட டெஸ்ட் தொடரில் விளையாடவுள்ளது. இவ்விரு அணிகளுக்கும் இடையேயான இத்தொடரானது ஆகஸ்ட் 21ஆம் தேதி முதல் தொடங்கவுள்ளது. இந்நிலையில் இத்தொடருக்கான இரு அணியையும் அந்நாட்டு கிரிக்கெட் வாரியங்கள் சமீபத்தில் அறிவித்திருந்தன. இந்நிலையில், இங்கிலாந்தில் தற்போது புலம்பெயர்ந்தோருக்கு எதிரான கலவரங்கள் நடந்து வருகின்றன.
இவ்வாறான நிலையில், பாதுகாப்புக் கவலைகளையும் பொருட்படுத்தாமல் இலங்கை அணியனது இன்றைய தினம் இங்கிலாந்து சென்றடைந்துள்ளது. முன்னதாக இங்கிலாந்தில் நடைபெற்று வரும் புலம்பெயர்ந்தோருக்கு எதிரான கலவரம் காரணமாக இலங்கை கிரிக்கெட் அணி புறப்படுவதற்கு முன்னர் தங்களது பாதுகாப்பு நிலைமை குறித்து கவலையை தெரிவித்திருந்தது.
ஏனெனில் இங்கிலாந்து தற்போது நிலவும் அமைதியின்மை காரணமாக இதுவரை ஆயிரக்கணக்கானோர் கைது செய்யப்பட்டுள்ள நிலையில் இலங்கை அணியினர் தங்களது பாதுகாப்பு குறித்து இங்கிலாந்து கிரிக்கெட் வாரியத்திடம் கோரிக்கை வைத்திருந்தது. தற்சமயம் இலங்கை அணியானது இன்றைய தினம் இங்கிலாந்து சென்றுள்ள நிலையில், அணியின் முழு பாதுக்கப்பிற்கான பொறுப்பையும் இங்கிலாந்து கிரிக்கெட் வாரியம் கையில் எடுத்துள்ளது குறிப்பிடத்தக்கது.
மேலும் இத்தொடரானது இலக டெஸ்ட் சாம்பியன்ஷிப் தொடரின் ஒரு அங்கமாக இருப்பதால், இதில் விளையாடுவடு இரு அணிகளுக்கும் முக்கியமானதாக பார்க்கப்படுகிறது. ஏனெனில் இலங்கை கிரிக்கெட் அணி உலக டெஸ்ட் சாம்பியன்ஷிப் பட்டியலில் இரண்டு வெற்றிகள் மற்றும் இரண்டு தோல்விகளுடன் புள்ளிப்பட்டியலில் நான்காவது இடத்தில் உள்ளது. அதேசமயம் இங்கிலாந்து அணியை பொறுத்தவரையில் அவர்கள் 13 போட்டிகளில் 6 வெற்றி மற்றும் 6 தோல்வியைச் சந்தித்துள்ளனர்.
மேலும் ஒரு போட்டி டிராவில் முடிந்து இங்கிலாந்து அணியானது தற்சமயம் உலக டெஸ்ட் சாம்பியன்ஷிப் புள்ளிப்பட்டியலில் ஆறாவது இடத்தில் உள்ளது. முன்னதாக இங்கிலாந்து அணி வெஸ்ட் இண்டீஸ் அணிக்கு எதிரான மூன்று போட்டிகள் கொண்ட டெஸ்ட் தொடரில் விளையாடியது. இத்தொடரின் முடிவில் இங்கிலாந்து அணி 3-0 என்ற கணக்கில் வெஸ்ட் இண்டீஸை ஒயிட்வாஷ் செய்து அசத்தியது குறிப்பிடத்தக்கது.
இங்கிலாந்து டெஸ்ட் அணி: பென் ஸ்டோக்ஸ் (கேப்டன்), கஸ் அட்கின்சன், சோயிப் பஷீர், ஹாரி புரூக், ஜோர்டான் காக்ஸ், பென் டக்கெட், டேனியல் லாரன்ஸ், ஒல்லி போப், மேத்யூ பாட்ஸ், ஜோ ரூட், ஜேமி ஸ்மித், ஒல்லி ஸ்டோன், கிறிஸ் வோக்ஸ், மார்க் வூட்.
இலங்கை டெஸ்ட் அணி: தனஞ்செயா டி சில்வா (கேப்டன்), திமுத் கருணாரத்னே, நிஷான் மதுஷ்கா, பதும் நிஷங்க, குசல் மெண்டிஸ், ஏஞ்சலோ மேத்யூஸ், தினேஷ் சண்டிமால், கமிந்து மெண்டிஸ், சதிர சமரவிக்ரமா, அசித்த ஃபெர்னாண்டோ, விஷ்வ ஃபெர்னாண்டோ, கசுன் ராஜித, லஹிரு குமார, நிசல தாரக, பிரபாத் ஜெயசூர்ய, ரமேஷ் மெண்டிஸ், ஜெப்ரி வான்டர்சே, மிலன் ரத்நாயக்க.
Also Read: Akram ‘hopes’ Indian Team Will Travel To Pakistan For 2025 Champions Trophy
இங்கிலாந்து - இலங்கை டெஸ்ட் தொடர்
- முதல் டெஸ்ட் - ஆகஸ்ட் 21 - 25 - மான்செஸ்டர்
- இரண்டாவது டெஸ்ட் - ஆகஸ்ட் 29 - செப்.02 - லண்டன்
- மூன்றாவது டெஸ்ட் - செப்.06 - 10 - லண்டன்