டி20 உலகக்கோப்பை: ரஹீம், நைம் அதிரடி; இலங்கைக்கு 172 ரன்கள் இலக்கு!
டி20 உலகக்கோப்பை தொடரின் 15ஆவது லீக் ஆட்டத்தில் இலங்கை - வங்கதேச அனிகள் பலப்பரீட்சை நடத்தி வருகின்றன. இப்போட்டியில் டாஸ் வென்ற இலங்கை அணி முதலில் பந்துவீச தீர்மானித்தது.
அதன்படி களமிறங்கிய வங்கதேச அணியின் தொடக்க வீரர் லிட்டன் தாஸ் 16 ரன்னிலும், அவரைத் தொடர்ந்து வந்த ஷாகிப் அல் ஹசன் 10 ரன்களிலும் ஆட்டமிழந்து வெளியேறினர்.
இதையடுத்து ஜோடி சேர்ந்த முகமது நைம் - முஷ்பிக்கூர் ரஹிம் இணை அதிரடியான ஆட்டத்தை வெளிப்படுத்தி அணியின் ஸ்கோரை மளமளவென உயர்த்தியது. இதில் இருவரும் அரைசதம் கடந்தும் அசத்தினர்.
அதன்பின் 62 ரன்களில் முகமது நைம் ஆட்டமிழக்க, அடுத்து வந்த அஃபிஃப் ஹொசைன் 7 ரன்களோடு நடையைக் கட்டினார். இருப்பினும் முஷ்பிக்கூர் ரஹீம் இறுதிவரை விளையாடி அணியின் ஸ்கோரை உயர்த்தினார்.
Also Read: டி20 உலகக் கோப்பை 2021
இதனால் 20 ஓவர்கள் முடிவில் வங்கதேச அணி 4 விக்கெட்டுகளை இழந்து 171 ரன்களைச் சேர்த்தது. அந்த அணியில் அதிகபட்சமாக முகமது நைம் 62 ரன்களையும், முஷ்பிக்கூர் ரஹீம் 57 ரன்களையும் சேர்த்தனர்.