டி20 உலகக்கோப்பை தொடரில் இன்று 20ஆவது லீக் ஆட்டம் நடைபெற்று வருகிறது. இதில் இங்கிலாந்து - வங்கதேசம் அணிகள் விளையாடி வருகின்றன.
இதில் டாஸ் வென்று முதலில் பேட்டிங் செய்த வங்கதேச அணியின் தொடக்க வீரர்கள் லிட்டன் தாஸ், முகமது நைம் ஆகியோர் மொயீன் அலி பந்துவீச்சில் அடுத்தடுத்து ஆட்டமிழந்து ஏமாற்றமளித்தனர்.
அதன்பின் களமிறங்கி முஷ்பிக்கூர் ரஹிம், மஹ்முதுல்லா இணை சிறுது நிலைத்து விளையாடி அணியின் ஸ்கோரை உயர்த்தியது. ஆனால் ரஹீம் 29 ரன்னிலும், மஹ்முதுல்லா 19 ரன்னிலும் ஆட்டமிழந்தனர்.
இதையடுத்து களமிறங்கிய வங்கதேச அணி வீரர்கள் எதிரணி பந்துவீச்சை சமாளிக்க முடியாமல் அடுத்தடுத்து விக்கெட்டுகளை இழந்து பெவிலியனுக்கு திரும்பினர்.
Also Read: டி20 உலகக் கோப்பை 2021
இதனால் 20 ஓவர்கள் முடிவில் அந்த அணி 9 விக்கெட்டுகளை இழந்து 124 ரன்களை மட்டுமே சேர்த்தது. இங்கிலாந்து அணி தரப்பில் டைமல் மில்ஸ் 4 விக்கெட்டுகளையும், மொயின் அலி, லியாம் லிவிங்ஸ்டோன் தலா 2 விக்கெட்டுகளைக் கைப்பற்றினர்.