வங்கதேச அணியானது இம்மாதம் 17ஆம் தேதி ஐக்கிய அரபு அமீரகத்தில் சுற்றுப்பயணம் மேற்கொண்டு இரண்டு போட்டிகள் கொண்ட டி20 தொடரில் விளையாடவுள்ளது. அதன்பின் பாகிஸ்தானில் சுற்றுப்பயணம் மேற்கொண்டு 5 போட்டிகள் கொண்ட டி20 தொடரில் விளையாடவுள்ளது.
இதில் பாகிஸ்தான் - வங்கதேச அணிகளுக்கு இடையேயான இந்த டி20 தொடரானது எதிர்வரும் மே 25ஆம் தேதி முதல் நடைபெறவுள்ளது. இத்தொடர்களை முடித்த கையோடு வங்கதேச அணியானது இலங்கையில் சுற்றுப்பயணம் செய்து 2 போட்டிகள் கொண்ட டெஸ்ட் தொடரிலும், மூன்று போட்டிகளைக் கொண்ட ஒருநாள் மற்றும் டி20 தொடர்களிலும் விளையாடவுள்ளதாக இன்று அறிவிக்காப்பட்டுள்ளது.
இந்நிலையில் இத்தொடர்களுக்கு முன்னதாக வங்கதேச அணியின் பந்துவீச்சு பயிற்சியாளராக ஆஸ்திரேலிய அணியின் முன்னாள் வேகப்பந்த் வீச்சாளர் ஷான் டைட் நியமிக்கப்படுவதாக வங்கதேச கிரிக்கெட் வாரியம் இன்று அறிவித்துள்ளது. முன்னதாக நியூசிலாந்தின் ஆண்ட்ரே ஆடம்ஸ் வங்கதேச அணியின் பந்துவீச்சு பயிற்சியாளராக செயல்பட்டு வந்த நிலையில், அவரை நீக்கி தற்போது ஷான் டைட் புதிய பயிற்சியாளராக செர்க்கப்பட்டுள்ளார்.
மேலும் ஷான் டைட் எதிர்வரும் 2027ஆம் நவம்பர் மாதம் வரை வங்கதேச அணியின் பந்துவீச்சு பயிற்சியாளராக செயல்படுவார் என்றும் அந்நாட்டு கிரிக்கெட் வாரியம் அறிவித்துள்ளது. இதற்கிடையில் ஆசிய கோப்பை, டி20 உலகக்கோப்பை மற்றும் ஒருநாள் உலகக்கோப்பை தொடர்கள் நடைபெறவுள்ளது. இதற்கு மத்தியில் ஷாட் டைட் பந்துவீச்சு பயிற்சியாளராக நியமிக்கப்பட்டிருப்பது அந்த அணிக்கு கூடுதல் உத்வேகமளிக்கும் என்று எதிர்பார்க்கப்படுகிறது.
இந்நிலையில் இதுகுறித்து பேசிய வங்கதேச அணியின் வேகப்பந்து வீச்சாளர் தஸ்கின் அஹ்மத், “எதிர்காலத்தில் நிறைய நல்ல விஷயங்கள் நடக்கும் என்று நம்புகிறேன். அவர் ஒரு சிறந்த வேகப்பந்து வீச்சாளர், ஆஸ்திரேலியாவுக்காக நிறைய விளையாடினார். சிறந்த விஷயம் என்னவென்றால், இந்த ஆண்டு நமக்கு நிறைய டி20 கிரிக்கெட் உள்ளது, மேலும் அவர் நவீன யுகத்தில் டி20 போட்டிகளில் விளையாடியுள்ளார், அதிலும் குறிப்பாக முக்கிய டி20 போட்டிகளில் அனுபவம் பெற்றுள்ளார்.
Also Read: LIVE Cricket Score
அவருக்கு இந்த விளையாட்டைப் பற்றிய நல்ல நுண்ணறிவு இருக்க வேண்டும். அவரது அனுபவம் நமக்கு உதவும் என்று நம்புகிறோம். உண்மையில், நீங்கள் தேசிய அணியில் இருக்கும்போது, ஒரு பயிற்சியாளர் விளையாட்டு விழிப்புணர்வு மற்றும் சில தொழில்நுட்ப அம்சங்களுக்கு உதவ முடியும், ஆனால் பந்து வீச்சாளர்கள் பெரும்பாலும் தங்களைத் தாங்களே பயிற்றுவிக்க வேண்டும்.இருப்பினும், டைட் போன்ற ஒரு பெரிய ஆளுமை உங்களிடம் இருக்கும்போது, விஷயங்கள் எளிதாகிவிடும்” என்று கூறிவுள்ளார்.