இந்திய அணியின் 2022ஆம் ஆண்டிற்கான போட்டி அட்டவணை வெளியீடு!

இந்திய அணி நடப்பாண்டு டி20 உலகக்கோப்பைத் தொடருக்கு பிறகு, 2021-22ஆம் ஆண்டில் சொந்த மண்ணில் விளையாடும் போட்டிக்கான அட்டவணையை பிசிசிஐ இன்று வெளியிட்டுள்ளது. 

அதன்படி நியூசிலாந்து, வெஸ்ட் இண்டீஸ், இலங்கை, தென்ஆப்பிரிக்கா அணிகளுக்கு எதிராக இந்திய அணி விளையாட இருக்கிறது.

அதில் நியூசிலாந்துக்கு எதிராக வருகிற நவம்பர் மாதம் 17ஆம் தேதி முதல் டிசம்பர் 3ஆம் தேதி வரை மூன்று டி20 மற்றும் இரண்டு டெஸ்ட் போட்டிகளில் இந்திய அணி விளையாடுகிறது.

அதேபோல் அடுத்த ஆண்டு பிப்ரவரி 6ஆம் தேதி முதல் 20ஆம் தேதி வரை வெஸ்ட் இண்டீஸ் அணிக்கெதிராக மூன்று ஒருநாள் மற்றும் மூன்று டி20 போட்டிகளில் விளையாடுகிறது.

அதன்பின் பிப்ரவரி 25ஆம் தேதி முதல் மார்ச் 18ஆம் தேதி வரை இலங்கைக்கு எதிராக இரண்டு டெஸ்ட் மற்றும் 3 டி20 போட்டிகளில் இந்திய அணி விளையாடுகிறது.

Also Read: இந்திய அணியின் இங்கிலாந்து சுற்றுப்பயணம், 2021

அதைத்தொடர்ந்து ஜூன் 9ஆம் தேதி முதல் ஜூன் 19ஆம் தேதி வரை தென்ஆப்பிரிக்காவுக்கு எதிராக ஐந்து டி20 போட்டிகளில் இந்திய அணி விளையாடுகிறது. அதன்பின் டி20 உலகக் கோப்பை தொடரில் விளையாடவுள்ளது குறிப்பிடத்தக்கது.