சர்வதேச கிரிக்கெட்டில் சாதனை படைத்த அல்லா கசன்ஃபர்!

ஜிம்பாப்வேக்கு எதிரான மூன்றாவது ஒருநாள் போட்டியில் ஆஃப்கானிஸ்தான் அணியின் சுழற்பந்து வீச்சாளர் அல்லா கஸான்ஃபர் 5 விக்கெட்டுகளை வீழ்த்தி தனது பெயரில் ஒரு பெரிய சாதனையை படைத்துள்ளார். அதன்படி சர்வதேச கிரிக்கெட்டில் 18 வயதிற்குள் இரண்டு முறை 5 விக்கெட்டுகளை வீழ்த்திய முதல் பந்து வீச்சாளர் எனும் சாதனையை அவர் படைத்து அசத்தியுள்ளார்.

இந்த ஆண்டு மார்ச் மாதம் சர்வதேச அரங்கில் ஆஃப் ஸ்பின்னராக அறிமுகமான கசன்ஃபர் இதுவரை 11 ஒருநாள் போட்டிகளில் விளையாடி இரண்டு முறை 5 விக்கெட்டுகளை வீழ்த்தி சாதனை படைத்துள்ளார். 19 வயதிற்குள் ஒரு பந்துவீச்சாளர் ஒருநாள் போட்டிகளில் இரண்டு முறை 5 விக்கெட்டுகளை வீழ்த்துவது இதுவே முதல் முறை. தற்போது கசன்பரின் வயது 18 ஆண்டுகள் 276 நாட்களாகும்.

அதன்படி, ஜிம்பாப்வேக்கு எதிரான மூன்றாவது ஒருநாள் போட்டியில் கசான்ஃபர் 10 ஓவர்களில் 33 ரன்கள் விட்டுக்கொடுத்து 5 விக்கெட்டுகளை வீழ்த்தினார். முன்னதாக கடந்த நவம்பர் மாதம் ஷார்ஜாவில் நடைபெற்ற வங்கதேச அணிக்கு எதிரான ஒருநாள் போட்டியிலும் கசன்ஃபர் 5 விக்கெட்டுகளை வீழ்த்தினார். அப்பது 18 வயது 231 நாட்களில், ஒருநாள் போட்டிகளில் 5 விக்கெட்டுகளை வீழ்த்திய உலகின் 5ஆவது இளம் பந்து வீச்சாளர்  எனும் பெருமையையும் பெற்றார்.

இந்நிலையில் தான் தற்போது கஸான்ஃபர் இரண்டாவது முறையாக 5 விக்கெட்டுகளை வீழ்த்தி இந்த சாதனையை நிகழ்த்தி ஒருநாள் கிரிக்கெட்டில் பெரிய சாதனை படைத்துள்ளார். கசன்ஃபருக்கு முன், 19 வயதில் முஜீப் உர் ரஹ்மான், வக்கார் யூனிஸ், ரஷீத் கான், குல்ஷன் ஜா, வாசிம் அக்ரம், அஃப்தாப் அகமது, தஸ்கின் அகமது, ஆகிப் ஜாவேத், ஷாஹீன் அப்ரிடி, நசீம் ஷா, சந்தீப் லமிச்சானே, முஸ்தஃபிசூர் ரஹ்மான், அப்துல் ரஸாக், ஷரிஸ் அகமது, சக்லைன் முஷ்டாக் ஆகியோர் தலா இருமுறை 5 விக்கெட்டுகளை வீழ்த்தியுள்ளது குறிப்பிடத்தக்கத்.

Also Read: Funding To Save Test Cricket

ஜிம்பாப்வே - ஆஃப்கானிஸ்தான் அணிகளுக்கு இடையேயான மூன்றாவது ஒருநாள் போட்டியில் டாஸை இழந்து முதலில் பேட்டிங் செய்த ஜிம்பாப்வே அணி கஸான்ஃபரின் அபார பந்துவீச்சால் 30.1 ஓவரில் 127 ரன்களுக்கு ஆல் அவுட்டானது. அதன்பின் இலக்கை துரத்திய ஆஃப்கானிஸ்தான் அணி 26.5 ஓவர்களில் 2 விக்கெட்டுகளை இழந்து 131 ரன்கள் எடுத்து வெற்றி பெற்றது. இதன்மூலம் ஆஃப்கானிஸ்தான் அணி 2-0 என்ற கணக்கில் ஒருநாள் தொடரையும் கைப்பற்றி அசத்தியுள்ளது.