டிஎன்பிஎல் 2021: சேப்பாக் சூப்பர் கில்லீஸ் vs திருப்பூர் தமிழன்ஸ்!

நேற்று தொடங்கிய தமிழ்நாடு பிரீமியர் லீக் தொடரின் 5ஆவது சீசன் ரசிகர்களிடம் பெரும் எதிர்பார்ப்புகளை ஏற்படுத்தி வருகிறது. அதன்படி நேற்று நடைபெற்ற கோவை கிங்ஸ் - சேலம் ஸ்பார்டன்ஸ் அணிகளுக்கு இடையேயான முதல் லீக் போட்டி மழை காரணமாக கைவிடப்பட்டது ரசிகர்களுக்கு பெரும் ஏமாற்றத்தை அளித்தது. 

இந்நிலையில் இன்று நடைபெறும் இரண்டாவது லீக் போட்டியில் நடப்பு சாம்பியன் சேப்பாக் சூப்பர் கில்லீஸ் அணியும், இந்த சீசனில் அறிமுகமாகியுள்ள திருப்பூர் தமிழன்ஸ் அணியும் பலப்பரீட்சை நடத்துகின்றனர். 

இதில் சேப்பாக் சூப்பர் கில்லீஸ் அணியில் கௌசிக் காந்தி, நாராயணன் ஜெகதீசன், சந்தீப் வாரியர், அலெக்ஸாண்டர், மணிமாரன் சித்தார்த் என நட்சத்திர வீரர்கள் இடம்பிடித்திருப்பது அணிக்கு பெரும் பலமாக பார்க்கப்படுகிறது. 

அதேசமயம் எம்.முகமது தலைமையில் பெயர் மாற்றத்துடன் களம் காணும் திருப்பூர் தமிழன்ஸ் அணியில் இடம் பெற்று இருந்த தினேஷ் கார்த்திக், இங்கிலாந்தில் நடைபெறும் போட்டிக்கு வர்ணனையாளராக பணியாற்றுவதால் இந்தத் தொடரில் இருந்து விலகி விட்டார். வலுவான சேப்பாக் சூப்பர் கில்லீஸ் அணியின் சவாலை சமாளிப்பது திருப்பூர் தமிழன்ஸ் அணிக்கு கடினமாக இருக்கும் என்று எதிர்பார்க்கப்படுகிறது.

இரு அணியில் அதிரடி வீரர்கள் இருப்பதினால், நிச்சயம் இப்போட்டியில் ரசிகர்களின் எதிர்பார்ப்புக்கு பஞ்சமிருக்காது என்பது உறுதி.

அணி விவரம்: 

செபாக் சூப்பர் கில்லீஸ்: பி அருண், எஸ் விஜயகுமார், ராஜகோபால் சதீஷ், ஆர் ராம், அரவிந்த், ஆர்.எஸ்.ஜகநாத் சீனிவாஸ், வி சந்தனா சேகர், மணிமரன் சித்தார்த், எஸ் சுஜய், எஸ் ஹரிஷ்குமார், வி அருண்குமார், எச் பிரசீத் ஆகாஷ், சாய் கிஷோர், நாராயணன் ஜெகதீசன், வி சாய் பிரகாஷ், எம் கௌசிக் காந்தி, ஆர் அலெக்சாண்டர், யு சசிதேவ், சோனு யாதவ், ராகுல், சந்தீப் வாரியர், ராதாகிருஷ்ணன்.

ட்ரீம் திருப்பூர் தமிழன்ஸ்: எஸ் தினேஷ், எஸ் மணிகண்டன், ஆர்.ஐ.ராஜ்குமார், எஸ் மோகன் பிரசாத், எஸ் சித்தார்த், எஸ் அரவிந்த், மான் கே பாஃப்னா, பி பிரான்சிஸ் ரோகின்ஸ், கே கவுதம் தாமரை கண்ணன், அஸ்வின் கிறிஸ்ட் ஏ, துஷார் ரஹேஜா,ஏ கருப்புசாமி, சி.ஸ்ரீராம், எம் முகமது, முகமது ஆஷிக் என், அஃபான் காதர் எம், ஆதித்யா கிரிதர், சாதியன்னார்யன் எல், எம் ரூபன் ராஜ், மோகன் பிரசாத் எஸ், மான் கே பாஃப்னா, ஆர் ராஜ்குமார், நடராஜன் எஸ்.டி, அஸ்வின் பாலாஜி எஸ், தினேஷ் கார்த்திக்.