‘சாரே கொல மாஸ்’ இணையத்தை கலக்கும் பிசிசிஐ காணொளி!

இந்தியா - நியூசிலாந்து அணிகளுக்கு இடையிலான உலக டெஸ்ட் சாம்பியன்ஷிப் இறுதிப் போட்டி இங்கிலாந்திலுள்ள சவுத்தாம்டன் மைதானத்தில் ஜூன் 18ஆம் தேதி நடைபெறுகிறது. 

ஏற்கெனவே கரோனா காரணமாக ஐபிஎல் தொடர் ஒத்திவைக்கப்பட்ட நிலையில், ஒட்டுமொத்த கிரிக்கெட் ரசிகர்களின் எதிர்பார்ப்பும் உலக டெஸ்ட் சாம்பியன்ஷிப் இறுதி போட்டியின் பக்கம் திரும்பியுள்ளது.

மேலும் விராட் கோலி தலைமையிலான 24 பேர் அடங்கிய இந்திய அணி, காரோனா நெறிமுறைகள் காரணமாக கடந்த வாரமே மும்பை சென்று பிசிசிஐ விடுதிகளில் தனிமைப்படுத்தப்பட்டுள்ளனர்.

இந்நிலையில், தனிமைப்படுத்தப்பட்டு இருக்கும் இந்திய அணி வீரர்கள் உள்ளரங்கில் பயிற்சி செய்யும் காணொலியை பிசிசிஐ இன்று வெளியிட்டுள்ளது. இதில் இந்திய அணி கேப்டன் விராட் கோலி, துணை கேப்டன் அஜிங்கியா ரஹானே, ஜடேஜா, புஜாரா, பும்ரா ஆகியோர் தீவிர பயிற்சியில் ஈடுபடும் காட்சிகள் இடம்பெற்றுள்ளன. 

பிசிசிஐ வெளியிட்டுள்ள காணொளி தற்போது சமூக வலைதளங்களில் அதிகம் பகிரப்பட்டு வருகிறது.