அஹ்மதாபாத்தில் உள்ள நரேந்திர மோடி கிரிக்கெட் மைதானத்தில் ஆர்சிபி மற்றும் பஞ்சாப் கிங்ஸ் அணிகளுக்கு இடையேயான ஐபிஎல் தொடரின் இறுதிப்போட்டியானது நடைபெற்று வருகிறது. இப்போட்டியில் டாஸ் வென்ற பஞ்சாப் கிங்ஸ் அணி முதலில் பந்துவீசுவதாக அறிவித்தது.
அதன்படி களமிறங்கிய ஆர்சிபி அணியில் அதிகபட்சமாக விராட் கோலி 43 ரன்களையும், ரஜத் படிதார் 26 ரன்களையும், லியாம் லிவிங்ஸ்டோன் 25 ரன்களையும், மயங்க் அகர்வால் மற்றும் ஜித்தேஷ் சர்மா அககியோர் தலா 24 ரன்களையும் சேர்த்தனர். இதன்மூலம் ராயல் சேலஞ்சர்ஸ் பெங்களூரு அணி 20 ஓவர்கள் முடிவில் 9 விக்கெட்டுகளை இழந்து 190 ரன்களை மட்டுமே எடுத்தது. பஞ்சாப் கிங்ஸ் அணி தரப்பில் கைல் ஜேமிசன் மற்றும் அர்ஷ்தீப் சிங் ஆகியோர் தலா 3 விக்கெட்டுகளை கைப்பற்றி அசத்தினர்.
இதனையடுத்து பஞ்சாப் கிங்ஸ் அணி இலக்கை நோக்கி விளையாடி வருகிறது. இந்நிலையில் இப்போட்டியின் மூலம் விராட் கோலி ஐபிஎல் தொடரில் சில சாதனைகளையும் படைத்துள்ளார். அதன்படி, இப்போட்டியில் விராட் கோலி 3 பவுண்டரிகளை அடித்ததன் மூலம் ஐபிஎல் தொடர் வரலாற்றில் அதிக பவுண்டரிகளை விளாசிய வீரர் எனும் ஷிகர் தவானின் சாதனையை முறியடித்து புதிய சாதனை படைத்துள்ளார்.
ஷிகர் தவான் இதுவரை 222 போட்டிகளில் 221 இன்னிங்ஸ்களில் விளையாடி 768 பவுண்டரிகளை அடித்ததே சாதனையாக இருந்த நிலையில், தற்போது விராட் கோலி 771 பவுண்டரிகளை விளாசி இந்த இந்த பட்டியலில் முதலிடத்தைப் பிடித்து அசத்தியுள்ளார். அதேசமயம் இந்த பட்டியலில் முன்னாள் வீரர் டேவிட் வார்னர் 663 பவுண்டரிகளுடன் மூன்றாம் இடத்திலும், ரோஹித் சர்மா 640 பவுண்டரிகளுடன் நான்காம் இடத்திலும் உள்ளது குறிப்பிடத்தக்கது.
ஐபிஎல்லில் அதிக பவுண்டரிகள் அடித்த வீரர்கள்
- விராட் கோலி - 267 போட்டிகளில் 771 பவுண்டரிகள்
- ஷிகர் தவான் - 222 போட்டிகளில் 768 பவுண்டரிகள்
- டேவிட் வார்னர் - 184 போட்டிகளில் 663 பவுண்டரிகள்
- ரோஹித் சர்மா - 271 போட்டிகளில் 640 பவுண்டரிகள்
இது தவிர, விராட் கோலி ஐபிஎல் தொடரில் தொடக்க வீரராக 5000 ரன்களையும் நிறைவு செய்துள்ளார். அவர் 128 இன்னிங்ஸ்களில் இந்த மைல்கல்லை எட்டியதுடன், ஐபிஎல் தொடரில் இந்த மைல் கல்லை எட்டும் மூன்றாவது வீரர் எனும் பெருமையையும் பெற்றுள்ளார். இதற்கு முன் ஷிகர் தவான் 202 இன்னிங்ஸ்களில் 6,362 ரன்களுடான் முதலிடத்திலும், டேவிட் வார்னர் 163 இன்னிங்ஸ்களில் 5910 ரன்களளுடன் இரண்டாம் இடத்திலும் உள்ளனர்.
ராயல் சேலஞ்சர்ஸ் பெங்களூரு பிளேயிங் லெவன்: பிலிப் சால்ட், விராட் கோலி, மயங்க் அகர்வால், ரஜத் படிதார் (கேப்டன்), லியாம் லிவிங்ஸ்டோன், ஜிதேஷ் சர்மா, ரொமாரியோ ஷெப்பர்ட், குர்னால் பாண்டியா, புவனேஷ்வர் குமார், யாஷ் தயாள், ஜோஷ் ஹேசில்வுட்
இம்பேக்ட் வீரர்: ரசிக் சலாம், மனோஜ் பந்தேஜ், டிம் சீஃபர்ட், ஸ்வப்னில் சிங், சுயாஷ் சர்மா.
பஞ்சாப் கிங்ஸ் பிளேயிங் லெவன்: பிரியான்ஷ் ஆர்யா, ஜோஷ் இங்கிலிஸ், ஷ்ரேயாஸ் ஐயர்(கேப்டன்), நேஹால் வதேரா, ஷஷாங்க் சிங், மார்கஸ் ஸ்டோய்னிஸ், அஸ்மதுல்லா ஓமர்சாய், கைல் ஜேமிசன், விஜய்குமார் வைஷாக், அர்ஷ்தீப் சிங், யுஸ்வேந்திர சாஹல்
Also Read: LIVE Cricket Score
இம்பேக்ட் வீரர்: பிரப்சிம்ரன் சிங், பிரவீன் துபே, சூர்யன்ஷ் ஷெட்ஜ், சேவியர் பார்ட்லெட், ஹர்பிரீத் ப்ரார்