ரசிகர்களின் பெரும் எதிர்பார்ப்புகளுக்கு மத்தியில் நடைபெற் வந்த ஐபிஎல் தொடரின் 18ஆவது சீசன் இறுதிக்கட்டத்தை எட்டியுள்ளது. மொத்தம் 10 அணிகள் பேற்றிருந்த இத்தொடரில் குஜராத் டைட்டன்ஸ், பஞ்சாப் கிங்ஸ், ராயல் சேலஞ்சர்ஸ் பெங்களூரு மற்றும் மும்பை இந்தியன்ஸ் அணிகள் பிளே ஆஃப் சுற்றுக்கு முன்னேறிவுள்ளன
இந்நிலையில் இத்தொடரில் நாளை நடைபெறும் முதல் குவாலிஃபையர் ஆட்டத்தில் புள்ளிப்பட்டியலில் முதலிரண்டு இடங்களைப் பிடித்திருக்கும் ஸ்ரேயாஸ் ஐயர் தலைமையிலான பஞ்சாப் கிங்ஸ் மற்றும் ராஜத் படிதார் தலைமையிலான ராயல் சேலஞ்சர்ஸ் பெங்களூரு அணிகள் பலப்பரீட்சை நடத்தவுள்ளன. இவ்விரு அணிகளுக்கும் இடையேயான இப்போட்டியானது சண்டிகரில் உள்ள மகாராஜா யாதவீந்திர சிங் சர்வதேச கிரிக்கெட் மைதானத்தில் நடைபெறவுள்ளது.
இப்போட்டியில் வெற்றிபெறும் அணி நேரடியாக இறுதிப்போட்டிக்கு முன்னேறும். மேற்கொண்டு இரு அணிகளிலும் நட்சத்திர வீரர்கள் இடம்பிடித்துள்ளதன் காரணமாக இப்போட்டியில் எந்த அணி வெற்றிபெறும் என்ற எதிர்பார்ப்புகளும் ரசிகர்கள் மத்தியில் அதிகரித்துள்ளது. இந்நிலையில் இப்போட்டியின் மூலம் ஆர்சிபி அணியின் நட்சத்திர வீரர் விராட் கோலி சிறப்பு சாதனைகளை படைக்கும் வாய்ப்பு கிடைத்துள்ளது.
ஐபிஎல் தொடரில் அதிக பவுண்டரிகள்
பாஞ்சாப் கிங்ஸுக்கு எதிரான போட்டியில் விராட் கோலி மூன்று பவுண்டரிகள் அடித்தால், ஐபிஎல் தொடரில் அதிக பவுண்டரிகள் அடித்த வீரர் எனும் சாதனையை அவர் படைப்பார். தற்போது வரையிலும் இந்திய அணியின் முன்னாள் வீரார் ஷிகர் தவான் 222 போட்டிகளீல் 768 பவுண்டரிகளை விளாசியதே சாதனையாக உள்ள நிலையில், விராட் கோலி 265 போட்டிகளில் 257 இன்னிங்ஸ்களில் 766 பவுண்டரிகள் அடித்துள்ளார் என்பது குறிப்பிடத்தக்கது.
மாலிக் மற்றும் பொல்லார்டை மிஞ்சும் வாய்ப்பு
விராட் கோலி இப்போட்டியில் 84 ரன்களைச் சேர்க்கும் பட்சத்தில் டி20 கிரிக்கெட்டில் அதிக ரன்கள் அடித்த வீரர்கள் பட்டியலில் பாகிஸ்தானின் சோயப் மாலிக் மற்றும் வெஸ்ட் இண்டீஸின் கீரன் பொல்லார்ட் ஆகியோரை முந்தும் வாய்ப்பை பெற்றுள்ளார். விராட் கோலி இதுவரை டி20 கிரிக்கெட்டில் விளையாடிய 412 போட்டிகளில் 395 இன்னிங்ஸ்களில் 42.01 சராசரியுடன் 13488 ரன்கள் எடுத்துள்ளார். அதேசமயம் சோயப் மாலிக் 13571 ரன்களும், கீரன் பொல்லார்ட் 13537 ரன்களும் எடுத்துள்ளார்.
ஒரு சீசனில் அதிக அரை சதங்கள்
Also Read: LIVE Cricket Score
இந்தப் போட்டியில் விராட் கோலி அரை சதம் அடித்தால், ஐபிஎல் தொடர் வரலாற்றில் ஒரு சீசனில் அதிக அரை சதங்கள் அடித்த வீரர்களின் பட்டியலில் கூட்டாக முதலிடத்தை அடைவார். தற்போது, ஐபிஎல் வரலாற்றில் 2016 ஆம் ஆண்டில் சன்ரைசர்ஸ் ஹைதராபாத் அணிக்காக விளையாடிய டேவிட் வார்னர் 9 அரை சதங்கள் அடித்ததே சாதனையாக இருந்து வருகிறது. இந்நிலையில் தற்போது விராட் கோலி இந்த சீசனில் 8 அரைசதங்களை அடித்துள்ளார் என்பது குறிப்பிடத்தக்கது.