வலை பயிற்சியில் ஈடுபட்ட விராட் கோலி; வைரலாகும் காணொளி!

உலகெங்கிலும் உள்ள கிரிக்கெட் ரசிகர்களின் பெரும் எதிர்பார்ப்புகளுக்கு மத்தியில் ஐபிஎல் என்றழைக்கப்படும் இந்திய பிரீமியர் லீக் கிரிக்கெட் தொடரின் 18ஆவது சீசன் எதிர்வரும் மார்ச் 22ஆம் தேதி முதல் கோலாகலமாக தொடங்கவுள்ளது.

இதில் நடைபெறும் முதல் லீக் போட்டியில் நடப்பு சாம்பியன் கொல்கத்தா நைட் ரைடர்ஸ் அணியை எதிர்த்து ராயல் சேலஞ்சர்ஸ் பெங்களூரு அணிகள் பலப்பரீட்சை நடத்தவுள்ளன. இப்போட்டி கொல்கத்தாவில் உள்ள ஈடன் கார்டன் மைதானத்தில் நடைபெறவுள்ளது. இதற்காக இரு அணி வீரர்களும் தற்போது பயிற்சியில் ஈடுபட்டு வருகின்றனர். இந்நிலையில் சமீபத்தில் ஆர்சிபி அணியின் நட்சத்திர வீரர் விராட் கோலி அந்த அணியின் பயிற்சி முகாமில் இணைந்தார். 

இந்நிலையில் விராட் கோலி எதிவரும் ஐபிஎல் தொடருக்காக தீவிர பயிற்சியில் ஈடுபட்டு வருகிறார். அதன் ஒரு பகுதியாக பெங்களூருவில் உள்ள எம் சின்னசாமி கிரிக்கெட் மைதானத்தில் நடைபெற்ற வலை பயிற்சியின் போது அவர், த்ரோ டவுன் நிபுணர்களுடன் பயிற்சி செய்வதை ஆர்சிபி அணி நிர்வாகம் தங்களுடைய சமூக வலைதள பக்கங்களில் பதிவிட்டுள்ளது. இதனையடுத்து இத காணொளிகள் இணையத்தில் வைரலாகி வருகின்றனர்.

அதிலும் குறிப்பாக விராட் கோலி வலை பயிற்சியில் சிறப்பான ஆட்டத்தை வெளிப்படுத்தினார். மேற்கொண்டு அவர் பல அற்புதமான ஷாட்டுகளை ஒன்றன்பின் ஒன்றாக அடித்தும் அசத்தியுள்ளார். விராட் கோலியின் ஐபிஎல் வாழ்க்கை குறித்து பேசினால், இதுவரை 252 போட்டிகளில் விளையாடி 8 சதங்கள் மற்றும் 55 அரைசதங்கள் என 8004 ரன்களைக் குவித்து, இத்தொடரில் அதிக ரன்களைக் குவித்த வீரர் எனும் சாதனையையும் படைத்துள்ளார் என்பது குறிப்பிடத்தக்கது. 

Also Read: Funding To Save Test Cricket

ராயல் சேலஞ்சர்ஸ் பெங்களூரு: விராட் கோலி, ரஜத் பட்டிதார் (கேப்டன்), யாஷ் தயாள், ஜோஷ் ஹேசில்வுட், பில் சால்ட், ஜிதேஷ் சர்மா, லியாம் லிவிங்ஸ்டோன், ரசிக் தார், சுயாஷ் சர்மா, குர்னால் பாண்டியா, புவனேஷ்வர் குமார், ஸ்வப்னில் சிங், டிம் டேவிட், ரொமாரியோ ஷெப்பர்ட், நுவான் துஷாரா, மனோஜ் பந்தேஜ், ஜேக்கப் பெத்தேல், தேவ்தத் பாடிக்கல், ஸ்வஸ்திக் சிகாரா, லுங்கி இங்கிடி, அபிநந்தன் சிங், மோஹித் ரதி