இலங்கை அணி அடுத்ததாக நியூசிலாந்தில் சுற்றுப்பயணம் மேற்கொண்டு மூன்று போட்டிகள் கொண்ட ஒருநாள் மற்றும் டி20 தொடரில் விளையாடவுள்ளது. இதில் இரு அணிகளுக்கும் இடையேயன டி20 தொடரானது டிசம்பர் 28ஆம் தேதி முதலும், ஒருநாள் தொடரானது அடுத்தமாதம் ஜனவரி 05ஆம் தேதி முதலும் நடைபெறவுள்ளது.
இந்நிலையில் நியூசிலாந்து அணிக்கு எதிரான டி20 தொடரில் பங்கேற்கும் இலங்கை அணியை அந்நாட்டு கிரிக்கெட் வாரியம் சமீபத்தில் அறிவித்தது. இதையடுத்து சரித் அசலங்கா தலைமையிலான இந்த இலங்கை அணியில் குசல் மெண்டிஸ், குசல் பெரேரா, தினேஷ் சண்டிமால், பதும் நிஷங்கா, வநிந்து ஹசரங்கா, மதீஷா பதிரானா, மஹீஷ் தீக்ஷனா உள்ளிட்ட நட்சத்திர வீரர்கள் இடம்பிடித்துள்ளனர். இருப்பினும் இந்த அணியில் துனித் வெல்லாலகேவிற்கு வாய்ப்பு வழங்கப்படவில்லை.
இந்நிலையில் இலங்கை டி20 மற்றும் ஒருநாள் தொடருக்கான மிட்செல் சான்ட்னர் தலைமையிலான நியூசிலாந்து அணியை அந்நாட்டு கிரிக்கெட் வாரியம் இன்று அறிவித்துள்ளது. தற்போது அறிவிக்கப்பட்டுள்ள நியூசிலாந்து அணியில் இளம் அதிரடி வீரர் பெவோன் ஜேக்கப்ஸ் சேர்க்கப்பட்டுள்ளார். அதேசமயம், ஒருநாள் தொடருக்கான நியூசிலாந்து அணியில் டாம் லேதம், வில்லியம் ஓ ரூர்க் மற்றும் வில் யங் உள்ளிட்டோருக்கு ஒருநாள் அணியில் மட்டுமே வாய்ப்பு வழங்கப்பட்டுள்ளது.
இந்நிலையில் நியூசிலாந்து ஒருநாள் தொடருக்கான இலங்கை அணி இன்று அறிவிக்கப்பட்டுள்ளது. சரித் அசலங்கா தலைமையிலான இந்த அணியில் வநிந்து ஹசரங்கா மற்றும் துனித் வெல்லாலகே உள்ளிட்டோருக்கு வாய்ப்பு கிடைத்துள்ளது. அதேசமயம் கடைசி ஒருநாள் தொடரில் இடம்பிடித்திருந்த இலங்கை துஷான் ஹேமந்த், குசல் பெரேரா, சதீர சமரவிக்ரம, மற்றும் தில்ஷன் மதுஷங்க உள்ளிட்டோருக்கு இந்த ஒருநாள் அணியில் வாய்ப்பு வழங்கப்படவில்லை.
இலங்கை டி20 அணி: சரித் அசலங்க (கே), பதும் நிஷங்கா, குசல் மெண்டிஸ், குசல் பெரேரா, அவிஷ்க அபெர்னாண்டோ, கமிந்து மெண்டிஸ், தினேஷ் சந்திமால், பானுக ராஜபக்ஷ, வனிந்து ஹசரங்க, மஹீஷ் தீக்ஷன, ஜெஃப்ரி வான்டர்சே, சமிது விக்கிரமசிங்க, மதீஷ பத்திரன, நுவான் துஷார, அசித்த ஃபெர்னாண்டோ, பினுர ஃபெர்னாண்டோ
இலங்கை ஒருநாள் அணி: சரித் அசலங்க (கே), பதும் நிஷங்கா, அவிஷ்க ஃபெர்னாண்டோ, நிஷான் மதுஷ்க, குசல் மெண்டிஸ், கமிந்து மெண்டிஸ், ஜனித் லியனகே, நுவனிது ஃபெர்னாண்டோ, துனித் வெல்லாலகே, வனிந்து ஹசரங்கா, மஹீஸ் தீக்ஷன, ஜெஃப்ரி வான்டர்சே, சமிது விக்கிரமசிங்க, அசித்த ஃபெர்னாண்டோ, முகம்து ஷிராஸ், லஹிரு குமார, ஈஷன் மலிங்க.
நியூசிலாந்து டி20 அணி: மிட்செல் சான்ட்னர் (கேப்டன்), மைக்கேல் பிரேஸ்வெல், மார்க் சாப்மேன், ஜேக்கப் டஃபி, சாக் ஃபோல்க்ஸ், மிட்ச் ஹே, மாட் ஹென்றி, பெவோன் ஜேக்கப்ஸ், டேரில் மிட்செல், க்ளென் பிலிப்ஸ், ரச்சின் ரவீந்திரா, டிம் ராபின்சன், நாதன் ஸ்மித்
Also Read: Funding To Save Test Cricket
நியூசிலாந்து ஒருநாள் அணி: மிட்செல் சான்ட்னர் (கேப்டன்), மைக்கேல் பிரேஸ்வெல், மார்க் சாப்மேன், ஜேக்கப் டஃபி, மிட்ச் ஹே, மாட் ஹென்றி, டாம் லேதம், டேரில் மிட்செல், வில் ஓ ரூர்க், க்ளென் பிலிப்ஸ், ரச்சின் ரவீந்திரா, நாதன் ஸ்மித், வில் யங்.