ஐசிசி சாம்பியன்ஸ் கோப்பை தொடரின் முதல் அரையிறுதி போட்டியில் இந்தியா மற்றும் ஆஸ்திரேலிய அணிகள் பலப்பரீட்சை நடத்தின. துபாய் சர்வதேச கிரிக்கெட் மைதானத்தில் நடைபெற்ற இந்தப் போட்டியில் டாஸ் வென்ற ஆஸ்திரேலிய அணியின் கேப்டன் ஸ்டீவ் ஸ்மித் பேட்டிங்கைத் தேர்வு செய்தார்.
அதன்படி களமிறங்கிய ஆஸ்திரேலிய அணியில் தொடகக் வீரர்கள் கூப்பர் கன்னோலி ரன்கள் ஏதுமின்றியும், அதிரடியாக தொடங்கிய டிராவிஸ் ஹெட் 39 ரன்னிலும் என விக்கெட்டை இழந்தனர். அவர்களைத் தொடர்ந்து களமிறங்கிய மார்னஸ் லபுஷாக்னே 29 ரன்னிலும், ஜோஷ் இங்கிலிஸ் 11 ரன்னிலும் என விக்கெட்டை இழக்க, அரைசதம் கடந்து அசத்திய கேப்டன் ஸ்டீவ் ஸ்மித்தும் 73 ரன்களில் விக்கெட்டை இழந்தார்.
அதன்பின் களமிறங்கிய வீரர்களில் அலெக்ஸ் கேரி அபார ஆட்டத்தை வெளிப்படுத்தி அரைசதம் கடந்ததுடன் 61 ரன்களைச் சேர்த்து ரன் அவுட்டானார். பின்னர் களமிறங்கிய வீரர்களும் சோபிக்க தவற இறுதியில் ஆஸ்திரேலிய அணி 49.3 ஓவர்கள் முடிவில் 264 ரன்களுக்கு ஆட்டமிழந்தது. இந்தியா தரப்பில் முகமது ஷமி 3 விக்கெட்டுகளையும், வருண் சக்கரவர்த்தி, ரவீந்திர ஜடேஜா தலா இரண்டு விக்கெட்டுகளையும் கைப்பற்றினர்.
இதனையடுத்து இலக்கை நோக்கி விளையாடி வரும் இந்திய அணியில் ஷுப்மன் கில் 8 ரன்னிலும், கேப்டன் ரோஹித் சர்மா 28 ரன்னிலும் என விக்கெட்டுகளை இழந்தனர். அதன்பின் ஜோடி சேர்ந்துள்ள விராட் கோலி மற்றும் ஸ்ரேயாஸ் ஐயர் இணை நிதான ஆட்டத்தை வெளிப்படுத்தி அணியின் ஸ்கோரை உயர்த்தி வருகின்றனர். இந்நிலையில் இப்போட்டியில் கிளென் மேக்ஸ்வெல் ஆட்டமிழந்த காணொளி இணையத்தில் வைரலாகி வருகிறது.
அதன்படி இப்போட்டியின் 38ஆவது ஓவரை அக்ஸர் படேல் வீசிய நிலையில், அந்த ஓவரின் இரண்டாவது பந்தை எதிர்கொண்ட கிளென் மேக்ஸ்வெல் ஸ்கொயர் லெக் திசையில் சிக்ஸர் அடித்து அசத்தினார். அதன்பின் அடுத்த பந்தை அக்ஸர் படேல் மெதுவா வீசிய நிலையில் அதனை கணிக்க தவறிய மேக்ஸ்வெல் பந்தௌ முழுமையாக தவறவிட்டதுடன் க்ளீன் போல்டாகினார். இதனால் பெரிதும் எதிர்பார்க்கப்பட்ட மேக்ஸ்வெல் 7 ரன்களுடன் நடையைக் கட்டியது குறிப்பிடத்தக்கது.
ஆஸ்திரேலியா பிளேயிங் லெவன்: கூப்பர் கோனொலி, டிராவிஸ் ஹெட், ஸ்டீவன் ஸ்மித் (கேப்டன்), மார்னஸ் லபுஷாக்னே, ஜோஷ் இங்கிலிஸ், அலெக்ஸ் கேரி, கிளென் மேக்ஸ்வெல், பென் துவார்ஷுயிஸ், நாதன் எல்லிஸ், ஆடம் ஸாம்பா, தன்வீர் சங்கா
Also Read: Funding To Save Test Cricket
இந்தியா பிளேயிங் லெவன்: ரோஹித் சர்மா (கேப்டன்), ஷுப்மான் கில், விராட் கோலி, ஸ்ரேயாஸ் ஐயர், அக்ஸர் படேல், கேஎல் ராகுல், ஹார்திக் பாண்டியா, ரவீந்திர ஜடேஜா, முகமது ஷமி, குல்தீப் யாதவ், வருண் சக்ரவர்த்தி