ஸ்டம்புகளை பறக்கவிட்ட ஜோஃப்ரா ஆர்ச்சர் - காணொளி

Jofra Archer vs Rishabh Pant: மான்செஸ்டர் டெஸ்ட் போட்டியில் இந்திய வீரர் ரிஷப் பந்தின் விக்கெட்டை இங்கிலாந்து வேகப்பந்து வீச்சாளர் ஜோஃப்ரா க்ளீன் போல்டாக்கிய காணொளி வைரலாகி வருகிறது.

இங்கிலாந்து - இந்தியா அணிகளுக்கு இடையேயான நான்காவது டெஸ்ட் போட்டி மான்செஸ்டரில் உள்ள ஓல்ட் டிராஃபோர்ட் மைதானத்தில் நடைபெற்று வருகிறது. இப்போட்டியில் டாஸை இழந்து முதலில் பேட்டிங் செய்த இந்திய அணி முதல் இன்னிங்ஸில் 358 ரன்களைச் சேர்த்து ஆல் அவுட்டானது. இதில் அதிகபட்சமாக சாய் சுதர்ஷன் 61 ரன்களையும், யஷஸ்வி ஜெய்ஸ்வால் 58 ரன்களையும், ரிஷப் பந்த் 54 ரன்களையும் சேர்த்தனர். 

இங்கிலாந்து தரப்பில் சிறப்பான பந்துவீச்சை வெளிப்படுத்திய கேப்டன் பென் ஸ்டோக்ஸ் 5 விக்கெட்டுகளையும், ஜோஃப்ரா ஆர்ச்சர் 3 விக்கெட்டுகளையும் கைப்பற்றினர். இதையடுத்து இங்கிலாந்து அணி முதல் இன்னிங்ஸைத் தொடங்கி விளையாடி வருகிறது. இந்நிலையில் இப்போட்டியில் இந்திய வீரர் ரிஷப் பந்தின் விக்கெட்டை இங்கிலாந்து வேகப்பந்து வீச்சாளர் ஜோஃப்ரா க்ளீன் போல்டாக்கிய காணொளி வைரலாகியுள்ளது.

அதன்படி இன்னிங்ஸின் 113ஆவது ஓவரை ஜோஃப்ரா ஆர்ச்சர் வீசிய நிலையில் அந்த ஓவரை ரிஷப் பந்த் எதிர்கொண்டார். அந்த ஓவரின் முதல் பந்தில் இருந்தே ரிஷப் பந்த பவுண்டரி அடிக்கு முயற்சியில் பேட்டை வீசிய நிலையில் முதலிரண்டு பந்துகளிலும் ரன்களைச் சேர்க்க தவறினர். பின்னர் ஆர்ச்சர் தனது லெந்த மாற்றி மேலே பந்துவீச்சிய  நிலையில் ரிஷப் பந்த் அந்த பந்தை தடுத்து விளையாடும் முயற்சியில் தவறவிட்டார். 

ஆனால் அந்த பந்தில் அவர் க்ளீன் போல்டாகி தனது விக்கெட்டை இழந்தார். இதனால் இப்போட்டியில் ரிஷப் பந்த் 3 பவுண்டரி, 2 சிக்ஸர்கள் என 54 ரன்களுடன் பெவிலியனுக்கு நடையைக் கட்டினார். முன்னதாக இந்த போட்டியின் முதல் நாள் ஆட்டத்தின் போது ரிஷப் பந்த் காயம் காரணமாக களத்தில் இருந்து வெளியேறிய நிலையில், இன்று காயத்துடன் விளையாடி தனது அரைசதத்தைப் பூர்த்தி செய்தார். இந்நிலையில் அவர் ஆட்டமிழந்த காணொளி வைரலாகி வருகிறது. 

இங்கிலாந்து பிளேயிங் லெவன்: ஜாக் கிரௌலி, பென் டக்கெட், ஒல்லி போப், ஜோ ரூட், ஹாரி ப்ரூக், பென் ஸ்டோக்ஸ் (கேப்டன்), ஜேமி ஸ்மித், லியாம் டௌசன், கிறிஸ் வோக்ஸ், பிரைடன் கார்ஸ், ஜோஃப்ரா ஆர்ச்சர்.

Also Read: LIVE Cricket Score

இந்தியா பிளேயிங் லெவன்: கேஎல் ராகுல், யஷஸ்வி ஜெய்ஸ்வால், சாய் சுதர்ஷன், ஷுப்மன் கில்(கேப்டன்), ரிஷப் பந்த், ரவீந்திர ஜடேஜா, வாஷிங்டன் சுந்தர், ஷர்துல் தாக்கூர். ஜஸ்பிரித் பும்ரா, அன்ஷுல் கம்போஜ், முகமது சிராஜ்.