ஐபிஎல் தொடரில் நேற்று நடைபெற்ற பரபரப்பான லீக் போட்டியில் லக்னோ சூப்பர் ஜெயண்ட்ஸ் அணியை ஒரு விக்கெட் வித்தியாசத்தில் டெல்லி கேப்பிட்டல் அணி வீழ்த்தி த்ரில் வெற்றியைப் பதிவுசெய்து அசத்தியதுடன், தங்களுடைய சீசனையும் வெற்றியுடன் தொடங்கியுள்ளது.
இந்நிலையில் இப்போட்டியில் டெல்லி கேப்பிட்டல்ஸ் அணியின் வேகப்பந்து வீச்சாளர் மிட்செல் ஸ்டார்க் அபாரமாக செயல்பட்டு 3 விக்கெட்டுகளை வீழ்த்தியதுடன், அணியின் வெற்றிலும் பங்கு வகித்தார். குறிப்பாக அவர் தனது அபாரமான யார்க்கரின் மூலம் லக்னோ சூப்பர் ஜெயண்ட்ஸின் அதிரடி வீரர் நிக்கோலஸ் பூரன் மற்றும் டெய்ல் எண்டர் ரவி பிஷ்னோய் ஆகியோரை க்ளீன் போல்டாக்கி அசத்தினார்.
அதன்படி இன்னிங்ஸின் 15ஆவது ஓவரை மிட்செல் ஸ்டார்க் வீசிய நிலையில், மறுபக்கம் அரைசதம் கடந்து விளையாடி வந்த நிக்கோலஸ் பூரன் அந்த ஓவரை எதிர்கொண்டார். அப்போது அந்த ஓவரின் 5ஆவது பந்தை மிட்செல் ஸ்டார்க் அதிவேக யார்க்கராக வீசிய நிலையில், அதனை சற்றும் எதிர்பாராத நிக்கோலஸ் பூரன் பந்தை தவறவிட்டதுடன் க்ளீன் போல்டாகினார். இதனால் அவர் 6 பவுண்டரி 7 சிக்ஸர்கல் என 75 ரன்களில் விக்கெட்டை இழந்தார்.
அத்துடன் நிற்காத மிட்செல் ஸ்டார்க் இன்னிங்ஸின் 19ஆவது ஓவரை வீசிய நிலையில், அந்த ஓவரைன் கடைசி பந்தை எதிர்கொண்ட ரவி பிஷ்னோய்க்கு இதுபோன்ற ஒரு அற்புதமான யார்க்கரை வீசியதுடன், க்ளீன் போல்டாக்கியும் மிராட்டினார். இந்நிலையில் மிட்செல் ஸ்டார்க் தனது அற்புதமான யார்க்கரின் மூலம் பேட்டர்களை க்ளீன் போல்டாக்கிய காணொளியானது இணையத்தில் வைரலாகி வருகிறது.
இப்போட்டி குறித்து பேசியனால், டாஸை இழந்து முதலில் பேட்டிங் செய்த லக்னோ சூப்பர் ஜெயண்ட்ஸ் அணியில் மிட்செல் மார்ஷ் 76 ரன்களையும், நிக்கோலஸ் பூரன் 75 ரன்களையும் சேர்த்த நிலையில் மற்ற வீரர்கள் பெரிதளவில் ரன்களைச் சேர்க்க முடியாமல் தடுமாறினர். இதனால் 20 ஓவர்கள் முடிவில் 8 விக்கெட்டுகளை இழந்து 208 ரன்களைச் சேர்த்தது. டெல்லி கேப்பிட்டல்ஸ் தரப்பில் மிட்செல் ஸ்டார்க் 3 விக்கெட்டுகளை கைப்பற்றினார்.
Also Read: Funding To Save Test Cricket
அதன்பின் இலக்கை நோக்கி விளையாடிய டெல்லி கேப்பிட்டல்ஸ் அணியில் டிரிஸ்டன் ஸ்டப்ஸ் தனது பங்கிற்கு 34 ரன்களையும், அறிமுக வீரர் விப்ராஜ் நிகாம் 39 ரன்களையும் சேர்க்க, இறுதிவரை ஆட்டமிழக்காமல் இருந்த அஷுதோஷ் சர்மா 66 ரன்களைச் சேர்த்து அணிக்கு வெற்றியைத் தேடிக்கொடுத்தார். இதன்மூலம் டெல்லி கேப்பிட்டல்ஸ் அணி 19.3 ஓவர்களில் இலக்கை எட்டியதுடன் ஒரு விக்கெட் வித்தியாசத்தில் லக்னோ சூப்பர் ஜெயண்ட்ஸை வீழ்த்தி த்ரில் வெற்றியைப் பதிவுசெய்தது.