WI vs AUS: கீரேன் பொல்லார்ட் தலைமையிலான ஒருநாள் அணி அறிவிப்பு!
வெஸ்ட் இண்டீஸில் சுற்றுப்பயணம் செய்யும் ஆஸ்திரேலிய அணி 5 டி20, 3 ஒருநாள் போட்டிகள் கொண்ட தொடரில் விளையாடவுள்ளது. இதற்கான ஆஸ்திரேலிய அணி கடந்த மாத இறுதியில் வெஸ்ட் இண்டீஸ் சென்று பயிற்சி ஆட்டங்களில் ஈடுபட்டுவருகிறது.
இந்நிலையில் ஒருநாள் தொடரில் விளையாடவுள்ள வெஸ்ட் இண்டீஸ் அணி இன்று அறிவிக்கப்பட்டுள்ளது. உடற்தகுதி காரணமாக மார்ச் மாதம் இலங்கைக்கு எதிரான ஒருநாள் தொடரில் சேர்க்கப்படாமல் இருந்த சிம்ரன் ஹெட்மையர், ஷெல்டன் காட்ரெல், ராஸ்டன் சேஸ் ஆகிய மூவரும் அணிக்கு மீண்டும் திரும்பியுள்ளார்கள்.
ஒருநாள் தொடருக்கு முன்பு டி20 தொடரில் ஆஸ்திரேலியா - வெஸ்ட் இண்டீஸ் அணிகள் விளையாடவுள்ளன. தென் ஆப்பிரிக்காவுக்கு எதிராக விளையாடிய வெஸ்ட் இண்டீஸ் அணியே ஆஸ்திரேலியாவுக்கு எதிரான டி20 தொடரிலும் விளையாடவுள்ளது.
இரு அணிகளுக்கும் இடையேயான டி20 தொடர் ஜூலை 9ஆம் தேதி முதலும், ஒருநாள் தொடர் ஜூலை 20 முதலும் தொடங்குகின்றன.
வெஸ்ட் இண்டீஸ் ஒருநாள் அணி
கிரேன்பொலார்ட் (கேப்டன்), ஷாய் ஹோப் (துணை கேப்டன்), ஃபேபியன் ஆலன், டேரன் பிராவோ, ராஸ்டன் சேஸ், ஷெல்டன் காட்ரெல், சிம்ரான் ஹெட்மையர், ஜேசன் ஹோல்டர், அகேல் ஹோசைன், அல்ஸாரி ஜோசப், எவின் லூயிஸ், ஜேசன் முகமது, ஆண்டர்சன் பிலிப், நிகோலஸ் பூரன், ரொமேரியோ ஷெப்ஃபர்ட்.