வங்கதேச அணி தற்சமயம் வெஸ்ட் இண்டீஸில் சுற்றுப்பயணம் செய்து 2 போட்டிகள் கொண்ட டெஸ்ட் தொடரிலும், 3 போட்டிகள் கொண்ட ஒருநாள் மற்றும் டி20 தொடரில் விளையாடி வருகிறது. இதில் நடந்து முடிந்த டெஸ்ட் தொடரை இரு அணிகளும் 1-1 என்ற கணகில் சமனில் முடித்த நிலையில், இரு அணிகளுக்கும் இடையேயான மூன்று போட்டிகள் கொண்ட ஒருநாள் தொடரானது நேற்றுடன் முடிவடைந்தது.
இதில் அபார ஆட்டத்தை வெளிப்படுத்திய வெஸ்ட் இண்டீஸ் அணியானது 3-0 என்ற கணக்கில் ஒருநாள் தொடரை கைப்பற்றியதுடன், வங்கதேச அணியை ஒயிட்வாஷ் செய்தும் அசத்தியது. இதனையடுத்து வெஸ்ட் இண்டீஸ் - வங்கதேச அணிகளுக்கு இடையேயான மூன்றாவது மற்றும் கடைசி ஒருநாள் போட்டியனது நாளை (டிசம்பர் 12) செயின்ட் கிட்ஸில் உள்ள வார்னர் பார்க் கிரிக்கெட் மைதானத்தில் நடைபெறவுள்ளது.
அதைத்தொடர்ந்து வெஸ்ட் இண்டீஸ் - வங்கதேச அணிகள் மோதும் மூன்று போட்டிகளை உள்ளடக்கிய டி20 தொடரானது டிசம்பர் 15ஆம் தேதி செயின்ட் வின்செண்டில் நடைபெறவுள்ளது. இந்நிலையில் இத்தொடருக்கான வங்கதேச அணியை அந்நாட்டு கிரிக்கெட் வாரியம் சமீபத்தில் அறிவித்துள்ளது. மேலும் இந்த டி20 தொடருக்கான வங்க்தேச அணியின் கேப்டனாக நட்சத்திர வீரர் லிட்டன் தாஸ் நியமிக்கப்பட்டுள்ளார்.
இந்நிலையில் வங்கதேச டி20 தொடருக்கான வெஸ்ட் இண்டீஸ் அணியும் இன்று அறிவிக்கப்பட்டுள்ளது. இம்முறையும் வெஸ்ட் இண்டீஸ் அணியின் கேப்டனாக ரோவ்மன் பாவெலும், அணியின் துணைக்கேப்டனாக பிராண்டன் கிங்கும் செயல்படவுள்ளனர். இதுதவிர்த்து அணியின் நட்சத்திர வீரர்கள் ஷாய் ஹோப், ஷெர்ஃபேன் ரூதர்ஃபோர்ட், அகீல் ஹொசைன் உள்ளிட்டோர் பிக் பேஷ் லீக் தொடரில் விளையாடுவதன் காரணமாக இப்போட்டியில் இடம்பிடிக்கவில்லை.
இதுதவிர்த்து ஷிம்ரான் ஹெட்மையர், ஆண்ட்ரே ரஸல் உள்ளிட்டோருக்கும் இந்த அணியில் வாய்ப்பு கிடைக்கவில்லை. அதேசமயம் அறிமுக வீரரான கேசி கார்டி வெஸ்ட் இண்டீஸ் டி20 அணிக்கு அழைக்கப்பட்டுள்ளார். மேலும் காயத்தில் இருந்து மீண்டுள்ள ஜான்சன் சார்லஸும் இத்தொடருக்கான டி20 அணியில் சேர்க்கப்பட்டுள்ளார். இதில் ஜெய்டன் சீல்ஸ் மூன்றாவது டி20 போட்டிக்கான வெஸ்ட் இண்டீஸ் அணியில் மட்டும் சேர்க்கப்பட்டுள்ளார்.
வெஸ்ட் இண்டீஸ் டி20 அணி: ரோவ்மேன் பாவெல் (கே), பிராண்டன் கிங், கேசி கார்டி, ஜான்சன் சார்லஸ், ரோஸ்டன் சேஸ், ஜஸ்டின் கிரீவ்ஸ், டெரன்ஸ் ஹிண்ட்ஸ், அகீல் ஹொசைன் (முதல் இரண்டு போட்டிகளுக்கு மட்டும்), ஜெய்டன் சீல்ஸ் (மூன்றாவது போட்டிக்கு மட்டும்), அல்ஸாரி ஜோசப், எவின் லூயிஸ், ஓபேத் மெக்காய், குடாகேஷ் மோட்டி, நிக்கோலஸ் பூரன், ரொமாரியோ ஷெப்ஃபர்ட், ஷமார் ஸ்பிரிங்கர்.
Also Read: Funding To Save Test Cricket
வங்கதேச டி20 அணி: லிட்டன் தாஸ் (கேப்டன்), சௌமியா சர்க்கார், தன்ஸித் ஹசன் தமீம், பர்வேஸ் ஹுசைன் எமன், அஃபிஃப் ஹுசைன், மெஹதி ஹசன் மிராஸ், ஜக்கர் அலி, ஷமிம் ஹுசைன், மஹேதி ஹசன், ரிஷாத் ஹுசைன், நசும் அஹ்மத், தஸ்கின் அஹ்மத், தன்சீம் ஹசன் ஷாகிப், ஹசன் மஹ்மூத், ரிப்பன் மொண்டோல்.