ZIM vs AFG, 2nd Test: ரஷித் கான் சுழலில் வீழ்ந்த ஜிம்பாப்வே; தொடரை வென்றது ஆஃப்கானிஸ்தான்!

ஜிம்பாப்வே - ஆஃப்கானிஸ்தான் அணிகளுக்கு இடையேயான புத்தாண்டு டெஸ்ட் போட்டியானது புலவாயோவில் உள்ள குயின்ஸ் ஸ்போர்ட்ஸ் கிளப் மைதானத்தில் தொடங்கி நடைபெற்றது. இப்போட்டியில் டாஸை இழந்து முதலில் பேட்டிங் செய்த ஆஃப்கானிஸ்தான் முதல் இன்னிங்ஸில் 157 ரன்களை மட்டுமே சேர்த்திருந்த நிலையில் அனைத்து விக்கெட்டுகளையும் இழந்து ஆல் அவுட்டானது.

இதனையடுத்து முதல் இன்னிங்ஸைத் தொடங்கிய ஜிம்பாப்வே அணியில் சிக்கந்தர் ரஸா 61 ரன்களையும், கிரேய்க் எர்வின் 75 ரன்களையும் சேர்த்த நிலையில், இறுதியில் அதிரடியாக விளையாடிய சீன் வில்லியம்ஸ் 49 ரன்களையும் சேர்த்து அணியை முன்னிலைக்கு அழைத்துச் சென்றனர். இதன்மூலம் ஜிம்பாப்வே அணி முதல் இன்னிங்ஸில் 243 ரன்களைச் சேர்த்த நிலையில் அனைத்து விக்கெட்டுகளையும் இழந்தது. இருப்பினும் ஜிம்பாப்வே அணி முதல் இன்னிங்ஸில் 85 ரன்கள் முன்னிலைப்பெற்றது. அதன்பின் இரண்டாவது இன்னிங்ஸைத் தொடங்கிய ஆஃப்கான் அணியில் மீண்டும் டாப் ஆர்டர் பேட்டர்கள் சொதப்பினர்.

அதேசமயம் இப்போட்டியில் அபாரமான ஆட்டத்தை வெளிப்படுத்திய ரஹ்மத் ஷா தனது சதத்தைப் பதிவ்ய்செய்து அசத்தினார். இப்போட்டியில் 14 பவுண்டரிகளுடன் 139 ரன்களைச் சேர்த்திருந்த ரஹ்மத் ஷா தனது விக்கெட்டை இழக்க, அடுத்து வந்த இஸ்மத் ஆலமும் சதமடித்து அசத்தியதுடன் 101 ரன்களைச் சேர்த்து விக்கெட்டை இழந்தார். இதன்மூலம் ஆஃப்கானிஸ்தான் அணி இரண்டாவது இன்னிங்ஸில் 363 ரன்களைக் குவித்த நிலையில் ஆல் அவுட்டானது. ஜிம்பாப்வே தரப்பில் பிளெஸிங் முஸரபானி 6 விக்கெட்டுகளை கைப்பற்றி அசத்தினார். 

இதனால் ஜிம்பாப்வே அணிக்கு 278 ரன்கள் இலக்காக நிர்ணயிக்கப்பட்டது. பின் இலக்கை நோக்கி களமிறங்கிய ஜிம்பாப்வே அணியில் தொடக்க வீரர் ஜெய்லார்ட் கும்பி 15 ரன்களில் ஆட்டமிழக்க, மற்றொரு தொடக்க வீரரான பென் கரணும் 38 ரன்களில் விக்கெட்டை இழந்தார். அதன்பின் களமிறஙிய கைடானோ 21 ரன்களுக்கும், தியான் மேயர்ஸ் 6 ரன்களுக்கும் என விக்கெட்டை இழந்தனர். இதனால் ஜிம்பாப்வே அணி 99 ரன்களில் 4 விக்கெட்டுகளை இழந்து தடுமாறியது. அதன்பின் ஜோடி சேர்ந்த சிக்கந்தர் ரஸா மற்றும் கேப்டன் கிரேய்க் எர்வின் இணை பொறுடன் விளையாடி ஸ்கோரை உயர்த்தினர். 

இருவரும் இணைந்து 50 ரன்களுக்கு மேல் பார்ட்னர்ஷிப் அமைத்த நிலையில், சிக்கந்தர் ரஸா 38 ரன்களில் விக்கெட்டை இழந்தார். அதன்பின் களமிறங்கிய சீன் வில்லியம்ஸ், பிரையன் பென்னட், நியூமன் நியாம்ஹுரி உள்ளிட்டோர் அடுத்தடுத்து சொற்ப ரன்களுக்கு விக்கெட்டை இழக்க, தென் ஆப்பிரிக்க அணி நான்காம் நாள் ஆட்டநேர முடிவில் ஜிம்பாப்வே அணி 8 விக்கெட் இழப்பிற்கு 208 ரன்களைச் சேர்த்தது. இதனையடுத்து இன்று தொடங்கிய கடைசி நாள் ஆட்டத்தை ஜிம்பாப்வே தரப்பில் கிரய்க் எர்வின் 53 ரன்களுடனும் ரிச்சர்ட் ந்ங்கரவா 3 ரன்களுடனும் தொடந்தனர்.

Also Read: Funding To Save Test Cricket

இதில் ந்ங்கரவா 3 ரன்களில் ஆட்டமிழக்க, அணியின் நம்பிக்கையாக இருந்த கிரெய்க் எர்வின் 53 ரன்களுக்கு ஆட்டமிழந்தார். இதனால் ஜிம்பாப்வே அணி இரண்டாவது இன்னிங்ஸில் 205 ரன்களை மட்டுமே எடுத்த நிலையில் ஆல் அவுட்டானது. ஆஃப்கானிஸ்தான் தரப்பில் ரஷித் கான் 7 விக்கெட்டுகளை வீழ்த்தினார். இதன்மூலம் ஆஃப்கானிஸ்தான் அணி 72 ரன்கள் வித்தியாசத்தில் ஜிம்பாப்வே அணியை வீழ்த்தி வெற்றிபெற்றது. இந்த வெற்றியின் மூலம் இரண்டு போட்டிகள் கொண்ட டெஸ்ட் தொடரை ஆஃப்கானிஸ்தான் அணி 1-0 என்ற கணக்கில் கைப்பற்றி அசத்தியுள்ளது.