ZIM vs IRE, Test: ஜிம்பாப்வேவை வீழ்த்தி அயர்லாந்து அசத்தல் வெற்றி!

ஜிம்பாப்வேவில் சுற்றுப்பயணம் மேற்கொண்டுள்ள அயர்லாந்து அணி ஒரு டெஸ்ட், மூன்று ஒருநாள் மற்றும் மூன்று டி20 போட்டிகள் கொண்ட தொடரில் விளையாடி வருகிறது. இதில் இரு அணிகளுக்கும் இடையேயான டெஸ்ட் போட்டி புலவாயோவில் நடைபெற்றது. இப்போட்டியில் டாஸ் வென்ற அயர்லாந்து அணி முதலில் பேட்டிங் செய்வதாக அறிவித்து ஜிம்பாப்வே அணியை பந்துவீச அழைத்தது. 

அதன்படி களமிறங்கிய அயர்லாந்து அணியில் இறுதிவரை ஆட்டமிழக்காமல் இருந்த ஆண்டி மெக்பிரைன் 12 பவுண்டரிகளுடன் 90 ரன்களையும், மார்க் அதிர் 13 பவுண்டரிகளுடன் 78 ரன்களையும் சேர்த்ததை தவிர்த்து மற்ற வீரர்கள் அனைவரும் அடுத்தடுத்து சொற்ப ரன்களுக்கு விக்கெட்டுகளை இழந்தனர். இதன்மூலம் அயர்லாந்து அணி முதல் இன்னிங்ஸில் அனைத்து விக்கெட்டுகளையும் இழந்து 260 ரன்களுக்கு ஆல் அவுட்டானது.ஜிம்பாப்வே தரப்பில் அபாரமான பந்துவீச்சை வெளிப்படுத்திய பிளெஸிங் முஸரபானி 7 விக்கெட்டுகளை கைப்பற்றி அசத்தினார்.

இதையடுத்து முதல் இன்னிங்ஸைத் தொடங்கிய ஜிம்பாப்வே அணியிலும் டாப் ஆர்டர் வீரர்கள் சோபிக்க தவறினர். இதில் மூன்றாம் வரிசையில் களமிறங்கிய நிக் வெல்ச் அபாரமாக விளையாடி 9 பவுண்டரி, ஒரு சிக்ஸர் என 90 ரன்களையும், பிளெஸிங் முஸரபானி 47 ரன்களையும் சேர்த்ததை தவிர்த்து மற்ற வீரர்கள் சோபிக்க தவறியதன் காரணமாக ஜிம்பாப்வே அணி முதல் இன்னிங்ஸில் அனைத்து விக்கெட்டுகளையும் இழந்து 276 ரன்களுக்கு ஆல் அவுட்டானது. அயர்லாந்து தரப்பில் பேரி மெக்கர்த்தி 4 விக்கெட்டுகளையும், ஆண்டி மெக்பிரைன் 3 விக்கெட்டுகளை கைப்பற்றினர். 

அதன்பின் 7 ரன்கள் பின் தங்கிய நிலையில் இரண்டாவது இன்னிங்ஸைத் தொடங்கிய அயர்லாந்து அணியில் பீட்டர் மூர் 30 ரன்களில் விக்கெட்டை இழந்தார். அவரைத்தொடர் களமிறங்கிய கர்டிஸ் காம்பெர் 39 ரன்களிலும், ஆண்ட்ரூ பால்பிர்னி 66 ரன்களிலும், லோர்கன் டக்கர் 58 ரன்களையும் சேர்த்ததை தவிர்த்து மற்ற வீரர்கள் ரன்கள் சேர்க்க தவறினர். இதனால் அயர்லாந்து அணி முதல் இன்னிங்ஸில் அனைத்து விக்கெட்டுகளையும் இழந்து 298 ரன்களைச் சேர்த்தது. ஜிம்பாப்வே அணி தரப்பில் ரிச்சர்ட் ந்ங்கரவா 4 விக்கெட்டுகளையும், ட்ரெவர் குவாண்டு, வெஸ்லி மதவரே தலா 2 விக்கெட்டுகளை கைப்பற்றினர்.

இதன்மூலம் ஜிம்பாப்வே அணிக்கு 292 ரன்கள் இலக்காக நிர்ணயிக்கப்பட்டது. அதன்பின் இலக்கை நோக்கி விளையாடிய ஜிம்பாப்வே அணியில் பென் கரண் 4 ரன்னிலும், கைடானோ, நிக் வெல்ச் 5 ரன்னிலும் என விக்கெட்டை இழந்து ஏமாற்றமளித்தனர். அவர்களைத் தொடர்ந்து பிரையன் பென்னட் 15 ரன்களுடனும், ட்ரெவர் குவாண்டு ரன்கள் ஏதுமின்றியும் இன்னிங்ஸை தொடங்கினர். இதில் குவாண்டு 2 ரன்களை மட்டுமே எடுத்து விக்கெட்டை இழந்தார்.அதன்பின் அரைசதத்தை நெருங்கிய்  பிரையன் பென்னட்டும் 45 ரன்களுக்கு ஆட்டமிழந்தார். பின்னர் ஜோடி சேர்ந்த வெஸ்லி மதவரே - கேப்டன் காம்பெல் இணை பொறுப்புடன் விளையாடி ஸ்கோரை உயர்த்தினர்.

இதில் காம்பெல் 33 ரன்களில் விக்கெட்டை இழக்க, மதவரே தனது அரைசதத்தைப் பதிவுசெய்தார். இதன்மூலம் ஜிம்பாப்வே அணி 4ஆம் நாள் ஆட்டநேர முடிவில் 7 விக்கெட் இழப்பிற்கு 183 ரன்களைச் சேர்த்திருந்தது. இந்நிலையில் இன்று தொடந்திய ஐந்தாம் நாள் ஆட்டத்தை வெஸ்லி மதவரே 61 ரன்களுடனும், நியூமன் 5 ரன்னுடனும் இன்னிங்ஸைத் தொடர்ந்தனர். இதில் நியூமன் 8 ரன்களில் ஆட்டமிழக்க, அவரைத்தொடர்ந்து அபார ஆட்டத்தை வெளிப்படுத்தி வந்த வெஸ்லி மதவரே 8 பவுண்டரிகளுடன் 84 ரன்களைச் சேர்த்திருந்த நிலையில் ஆட்டமிழந்து பெவிலியன் திரும்பினார். 

Also Read: Funding To Save Test Cricket

இறுதியில் ரிச்சர்ட் ந்ங்கரவாவும் 14 ரன்களில் ஆட்டமிழக்க, ஜிம்பாப்வே அணி இரண்டாவது இன்னிக்ஸில் அனைத்து விக்கெட்டுகளையும் இழந்து 228 ரன்களைச் சேர்த்து ஆல் அவுட்டானது. அயர்லாந்து அணி தரப்பில் அபாரமான பந்துவீச்சை வெளிப்படுத்திய மேத்யூ ஹம்ப்ரிஸ் 6 விக்கெட்டுகளை கைப்பற்றி அசத்தினார். இதன்மூலம் அயர்லாந்து அணி 63 ரன்கள் வித்தியாசத்தில் ஜிம்பாப்வே அணியை வீழ்த்தி வெற்றிபெற்று அசத்தியது. இப்போட்டியில் சிறப்பான ஆட்டத்தை வெளிப்படுத்திய ஆண்டி மெக்பிரைன் ஆட்டநாயகன் விருதை வென்றார்.