IRE vs ZIM: முசரபாணி பந்துவீச்சில் அயர்லாந்தை வீழ்த்தியது ஜிம்பாப்வே!

அயர்லாந்து - ஜிம்பாப்வே அணிகளுக்கு இடையேயான முதல் ஒருநாள் போட்டி இன்று நடைபெற்றது. இதில் டாஸ் வென்ற அயர்லாந்து அணி முதலில் பந்துவீசியது. 

அதன்படி களமிறங்கிய ஜிம்பாப்வே அணி கேப்டன் கிரேக் எர்வின், சிக்கந்தர் ரஸா ஆகியோரது அதிரடியான ஆட்டத்தினால் 50 ஓவர்கள் முடிவில் 7 விக்கெட்டுகளை இழந்து 266 ரன்களைச் சேர்த்தது. இதில் கிரேக் எர்வின் 64 ரன்களையும், சிக்கந்தர் ரஸா 59 ரன்களையும் சேர்த்தனர்.

இதையடுத்து இலக்கை நோக்கி களமிறங்கிய அயர்லாந்து அணிக்கு வில்லியம் போட்டர்ஃபீல்ட் - பால் ஸ்டிர்லிங் இணை அதிரடியான தொடக்கத்தைக் கொடுத்தது. இதில் ஸ்டிர்லிங் 32 ரன்களில் ஆட்டமிழக்க, போட்டர்ஃபீல்ட் 75 ரன்களில் ஆட்டமிழந்தார். 

அதன்பின் ஹேரி டெக்டர் அதிரடியாக விளையாடி அரைசதம் கடந்த கையோடு பெவிலியன் திரும்பினார். இதையடுத்து வந்த வீரர்கள் அடுத்தடுத்து விக்கெட்டை இழந்ததால் 48.4 ஓவர்களில் அயர்லாந்து அணி அனைத்து விக்கெட்டுகளையும் இழந்து 228 ரன்களை மட்டுமே சேர்த்தது. ஜிம்பாப்வே அணி தரப்பில் பிளஸிங் முசரபாணி 4 விக்கெட்டுகளை கைப்பற்றினார்.

Also Read: மதியம் பாகிஸ்தான் அணி அறிவிப்பு; மாலை பயிற்சியாளர்கள் ராஜினாமா - தொடரும் குழப்பத்தில் பிசிபி!

இதன்மூலம் ஜிம்பாப்வே அணி 38 ரன்கள் வித்தியாசத்தில் அயர்லாந்தை வீழ்த்தி அபார வெற்றிபெற்றது. மேலும் இப்போட்டியில் அதிரடியாக விளையாடிய சிக்கந்தர் ரஸா ஆட்டநாயகனாகத் தேர்வு செய்யப்பட்டார்.