AUS vs IND, 5th Test: இந்திய அணி 185 ரன்களில் ஆல் அவுட்; ஆஸ்திரேலியா தடுமாற்றம்!

ஆஸ்திரேலிய அணிக்கு எதிரான ஐந்தாவது டெஸ்ட் போட்டியில் டாஸ் வென்று முதலில் பேட்டிங் செய்த இந்திய அணி 185 ரன்களில் ஆல் அவுட்டானது.

AUS vs IND, 5th Test: இந்திய அணி 185 ரன்களில் ஆல் அவுட்; ஆஸ்திரேலியா தடுமாற்றம்! (Image Source: Google)

ஆஸ்திரேலியாவில் சுற்றுப்பயணம் செய்துவரும் இந்திய அணி 5 போட்டிகளை உள்ளடக்கிய பார்டர் கவாஸ்கர் கோப்பை கிரிக்கெட் தொடரில் விளையாடி வருகிறது. இதில் நடந்து முடிந்துள்ள நான்கு டெஸ்ட் போட்டிகளின் முடிவில் ஆஸ்திரேலிய அணி இரண்டு போட்டிகளிலும், இந்திய அணி ஒரு போட்டியிலும் ஒரு போட்டியிலும் டிராவிலும் முடிவடைந்துள்ளது. இதன்மூலம் ஆஸ்திரேலிய அணி 2-1 என்ற கணக்கில் தொடரில் முன்னிலை வகிக்கிறது.

இந்நிலையில் ஆஸ்திரேலியா - இந்திய அணிகளுக்கு இடையேயான இத்தொடரின் வெற்றியாளரைத் தீர்மானிக்கு ஐந்தாவது மற்றும் கடைசி டெஸ்ட் போட்டியானது சிட்னியில் உள்ள சிட்னி கிரிக்கெட் மைதானத்தில் இன்று (ஜனவரி 03) நடைபெறுகிறது. இப்போட்டியில் டாஸ் வென்ற இந்திய அணி முதலில் பேட்டிங் செய்வதாக அறிவித்து ஆஸ்திரேலிய அணியை பந்துவீச அழைத்துள்ளது. இப்போட்டிக்கான இந்திய அணியில் ரோஹித் சர்மா இடம்பிடிக்காததன் காரணமாக ஜஸ்பிரித் பும்ரா அணியின் கேப்டனாக நியமிக்கப்பட்டுள்ளார்.

இதையடுத்து களமிறங்கிய இந்திய அணிக்கு யஷஸ்வி ஜெய்ஸ்வால் மற்றும் கேஎல் ராகுல் இணை தொடக்கம் கொடுத்தனர். இப்போட்டியில் பெரிதும் எதிர்பார்க்கப்பட்ட கேஎல் ராகுல் 4 ரன்களை மட்டுமே எடுத்திருந்த நிலையில் விக்கெட்டை இழந்து பெவிலியன் திரும்ப, மற்றொரு தொடக்க வீரர் யஷஸ்வி ஜெய்ஸ்வால் 10 ரன்களில் விக்கெட்டை இழந்து ஏமாற்றமளித்தார். இதனால் இந்திய அணி 17 ரன்களிலேயே 2 விக்கெட்டுகளை இழந்து தடுமாறியது. அவர்களைத் தொடர்ந்து காளமிறங்கிய விராட் கோலியும் முதல் பந்திலேயே விக்கெட்டை இழந்திருக்கும் தருணம் இருந்த நிலையில் அதிர்ஷ்டத்தால் தப்பினார்.

பின்னர் ஷுப்மன் கில் - விராட் கோலி இணை பொறுப்புடன் விளையாடி விக்கெட் இழப்பை தடுத்தனர். இருவரும் இணைந்து மூன்றாவது விக்கெட்டிற்கு 40 ரன்கள் பார்ட்னர்ஷிப் அமைத்திருந்த நிலையில், ஷுப்மன் கில் 20 ரன்களை மட்டுமே எடுத்த கையோடு விக்கெட்டை இழந்தர். அவரைத் தொடர்ந்து 17 ரன்களைச் சேர்த்த நிலையில் விராட் கோலியும் தனது விக்கெட்டை இழந்தார். அதன்பின் ஜோடி சேர்ந்த ரிஷப் பந்த் மற்றும் ரவீந்திர ஜடேஜா இணை நிதானமாக விளையாடி அணியின் ஸ்கோரை உயர்த்தும் முயற்சியில் இறங்கியதுடன், 5ஆவது விக்கெட்டிற்கு 48 ரன்கள் பார்ட்னர்ஷிப்பும் அமைத்தனர். 

அதன்பின் இப்போட்டியில் அரைசதம் அடிப்பார் என எதிர்பார்க்கப்பட்ட ரிஷப் பந்த் 40 ரன்களில் விக்கெட்டை இழக்க, அடுத்து வந்த நிதீஷ் ரெட்டியும் முதல் பந்திலேயே விக்கெட்டை இழந்தார். பின்னர் 26 ரன்களில் ஜடேஜா ஆட்டமிழந்த நிலையில், அடுத்து களமிறங்கிய வீரர்களில் வாஷிங்டன் சுந்தர் 14 ரன்னிலும், பும்ரா 22 ரன்களையும் சேர்த்ததை தவிர்த்து மற்ற வீரர்கள் சொற்ப ரன்களுக்கு ஆட்டமிழந்தனர். இதனால் இந்திய அணி முதல் இன்னிங்ஸில் 185 ரன்களை மட்டுமே எடுத்த நிலையில் ஆட்டமிழந்தார். ஆஸ்திரேலிய தரப்பில் ஸ்காட் போலனட் 4 விக்கெட்டுகளையும், மிட்செல் ஸ்டார்க் 3 விக்கெட்டுகளையும் வீழ்த்தினர்.

இதையடுத்து முதல் இன்னிங்ஸைத் தொடங்கிய ஆஸ்திரேலிய அணிக்கு சாம் கொன்ஸ்டாஸ் மற்றும் உஸ்மான் கவாஜா இணை தொடக்கம் கொடுத்தனர். இதில் கொன்ஸ்டாஸ் முதல் பந்திலேயே பவுண்டரி அடித்து இன்னிங்ஸைத் தொடங்கினார். அதேசமயம் உஸ்மான் கவாஜா 2 ரன்களை மட்டுமே எடுத்த நிலையில் விக்கெட்டை இழந்தார். இதனால் முதல்நாள் ஆட்டநேர முடிவில் ஆஸ்திரேலிய அணி ஒரு விக்கெட் இழப்பிற்கு 9 ரன்களை மட்டுமே எடுத்துள்ளது. இதில் கொன்ஸ்டாஸ் 7 ரன்களுடன் களத்தில் உள்ளனர். இந்திய அணி தரப்பில் ஜஸ்பிரித் பும்ரா ஒரு விக்கெட்டை கைப்பற்றியுள்ளார். 

Win Big, Make Your Cricket Tales Now