ரஷித் கானின் தனித்துவ சாதனை முறியடித்த அல்லா கஸான்ஃபர்!

ரஷித் கானின் தனித்துவ சாதனை முறியடித்த அல்லா கஸான்ஃபர்! (Image Source: Google)

ஆஃப்கானிஸ்தான்- வங்கதேச அணிகளுக்கு இடையேயான 3 போட்டிகள் கொண்ட ஒருநாள் தொடர் ஐக்கிய அரபு அமீரகத்தில் தொடங்கியுள்ளது. இத்தொடரில் நேற்று இவ்விரு அணிகளுக்கும் இடியேயான முதல் ஒருநாள் போட்டி நடைபெற்றது. அதன்பாடி ஷார்ஜாவில் நடைபெற்ற இப்போட்டியில் டாஸ் வென்ற ஆஃப்கானிஸ்தான் முதலில் பேட்டிங் செய்வதாக அறிவித்தது.

அதன்படி முதலில் பேட்டிங் செய்த ஆஃப்கானிஸ்தான் அணியானது முகமது நபி மற்றும் கேப்டன் ஹஸ்மதுல்லா ஷாகிதி ஆகியோரது அரைசதங்களின் மூலம் 49.4 ஓவர்களில் அனைத்து விக்கெட்டையும் இழந்து 235 ரன்கள் எடுத்தது. ஆஃப்கானிஸ்தான் தரப்பில் அதிகபட்சமாக முகமது நபி 84 ரன்களையும், கேப்டன் ஹஸ்மதுல்லா ஷாஹிதி 52 ரன்களையும் சேர்த்தனர். வங்கதேச அணி தரப்பில் முஸ்தஃபிசூர் ரஹ்மான் மற்றும் தஸ்கின் அஹ்மத் ஆகியோர் தலா 4 விக்கெட்டுகளை வீழ்த்தினார்.

இதனைத்தொடர்ந்து 236 ரன் எடுத்தால் வெற்றி என்ற இலக்குடன் களமிறங்கிய வங்கதேச அணியானது தொடக்கம் முதலே சீரான இடைவேளையில் விக்கெட்டுகளை இழந்து பெவிலியனுக்கு நடையைக் கட்டினர். அதிலும் குறிப்பாக அந்த அணி 120 ரன்களுக்கு 3 விக்கெட்டுகளை மட்டுமே இழந்திருந்த நிலையில், அடுத்த 23 ரன்களுக்குள் 7 விக்கெட்டுகளை இழந்து இப்போட்டியில் படுதோல்வியைத் தழுவியது. 

அந்தவகையில், வங்கதேச அணி 34.3 ஓவர்களில் அனைத்து விக்கெட்டுகளையும் இழந்து 143 ரன்னுக்கு ஆல் அவுட் ஆனது. ஆஃப்கானிஸ்தன் அணி தரப்பில் அல்லா கஸான்ஃபர் 6 விக்கெட்டுகளை வீழ்த்தினார். இதன்மூலம் ஆஃப்கானிஸ்தான் அணி 92 ரன்கள் வித்தியாசத்தில் வங்கதேச அணியை வீழ்த்தி வெற்றிபெற்றது. இந்த வெற்றியின் மூலம் 3 போட்டிகள் கொண்ட ஒருநாள் தொடரில் 1-0 என ஆஃப்கானிஸ்தான் முன்னிலையில் உள்ளது. 

இந்நிலையில் இப்போட்டியில் அல்லா கஸான்ஃபர் 6 விக்கெட்டுகளை கைப்பற்றியதன் மூலம் அந்த அணியின் நட்சத்திர சுழற்பந்து வீச்சாளர் ரஷித் கானின் சாதனையை முறியடித்து அசத்தியுள்ளர். அதன்படி இந்த போட்டியில் அவர் 6 விக்கெட்டுகளை வீழ்த்தியதன் மூலம் சர்வதேச ஒருநாள் கிரிக்கெட்டில் ஒரு போட்டியில் ஆறு விக்கெட்டுகளை வீழ்த்திய மூன்றாவது இளம் வீரர் என்ற பெருமையை கஸான்ஃபர் பெற்றுள்ளார்.

இவர் தனது 18 வயது 231 நாள்களில் இந்த சாதனையை படைத்துள்ளார். இந்தப் பட்டியலில், கடந்த 2017ஆம் ஆண்டு வெஸ்ட் இண்டீஸுக்கு எதிராக ஆஃப்கானிஸ்தானின் ரஷித் கான் 18 வயது 262 நாள்களில் 17 ரன்களுக்கு 6 விக்கெட்டுகளை வீழ்த்தி இந்த பட்டியலில் மூன்றாம் இடத்தில் இருந்தார் என்பது குறிப்பிடத்தக்கது. இந்தப் பட்டியலில் வக்கார் யூனிஸ் (18 வயது, 164 நாட்கள்) முதலிடத்திலும், ரஷித் கான் (18 வயது, 174 நாட்கள்) இரண்டாவது இடத்திலும் உள்ளனர்.

Win Big, Make Your Cricket Tales Now