ஒரு பேட்ஸ்மேனாக எனது தன்னம்பிக்கை அதிகரிக்கும் - சதம் அடித்த பிறகு ஜடேஜா

இங்கிலாந்து அணிக்கு எதிரான ஐந்தாவது டெஸ்ட் போட்டியில் சதம் அடித்து அசத்திய ரவீந்திர ஜடேஜாவிற்கு சமூக வலைதளங்களில் வாழ்த்துக்களும், பாராட்டுக்களும் குவிந்து வருகிறது.

As A Batsman My Self-Confidence Will Go Up, Says Jadeja After Hitting A Century (Image Source: Google)

இந்தியா - இங்கிலாந்து இடையேயான ஐந்தாவது டெஸ்ட் போட்டி இங்கிலாந்தின் எட்ஜ்பஸ்டன் மைதானத்தில் நடைபெற்று வருகிறது. இதில் டாஸ் வென்ற இங்கிலாந்து அணியின் கேப்டனான பென் ஸ்டோக்ஸ் முதலில் பந்துவீச்சை தேர்வு செய்தார்.

இதனையடுத்து முதலில் பேட்டிங் செய்த இந்திய அணி முதல் நாள் ஆட்டநேர முடிவில் 7 விக்கெட்டுகளை இழந்திருந்த இந்திய அணி 338 ரன்கள் குவித்திருந்தது.

போட்டியின் இரண்டாம் நாளான நேற்றைய ஆட்டத்திலும் மிக சிறப்பாக விளையாடிய ரவீந்திர ஜடேஜா டெஸ்ட் போட்டிகளில் தனது மூன்றாவது சதத்தை பதிவு செய்துவிட்டு 194 பந்துகளில் 104 ரன்கள் எடுத்த போது விக்கெட்டை இழந்தார். இதன்பிறகு களத்திற்கு வந்த பும்ராஹ், இங்கிலாந்து அணியின் ஸ்டூவர்ட் பிராட் வீசிய ஓரே ஓவரில் 28 ரன்கள் குவித்து மாஸ் காட்டியதோடு 16 பந்துகளில் 31 ரன்கள் எடுத்து கொடுத்ததன் மூலம் இந்திய அணி தனது முதல் இன்னிங்ஸில் 416 ரன்கள் குவித்தது.

இந்தநிலையில், இந்த போட்டியில் சதம் அடித்து அசத்திய ரவீந்திர ஜடேஜாவிற்கு சமூக வலைதளங்களில் வாழ்த்துக்களும், பாராட்டுக்களும் குவிந்து வருகிறது. முன்னாள், இந்நாள் கிரிக்கெட் வீரர்கள் என பலரும் ஜடேஜாவை சமூக வலைதளங்கள் மூலம் பாராட்டி வருகின்றனர்.

இந்நிலையில் சதம் அடித்தது குறித்து பேசிய ஜடேஜா, “ஒரு வீரராக இங்கிலாந்தில் 100 ரன்கள் எடுத்தால் மிகவும் நல்லது. நான் எப்பொழுதும் பந்துகளை ஆஃப்-ஸ்டம்புக்கு வெளியே விட்டுவிட வேண்டும் என்று நினைத்துக் கொண்டிருந்தேன், ஏனென்றால் ஒழுக்கம் முக்கியம் (ஆங்கில நிலைமைகளில்), இல்லையெனில் நீங்கள் ஸ்லிப்பில் சிக்கிக்கொள்ளலாம்.

ஒரு பேட்ஸ்மேனாக என் தன்னம்பிக்கை உயரும். பந்து வீச்சாளராக எனக்கு எந்தப் பங்கும் இல்லை என்றால் நன்றாக இருக்கும். அதுவே அணிக்கு சிறந்ததாக இருக்கும். நான் ஒரு அணி வீரர்” என்று தெரிவித்துள்ளார்.