ஆஷஸ் 2023: ஆஸ்திரேலியாவை வீழ்த்தி தொடரை தக்கவைத்தது இங்கிலாந்து!

ஆஸ்திரேலிய அணிக்கெதிரான மூன்றாவது ஆஷஸ் டெஸ்ட் போட்டியில் இங்கிலாந்து அணி 3 விக்கெட் வித்தியாசத்தில் வெற்றிபெற்று தொடரை தக்கவைத்துள்ளது.

Ashes 2023, 3rd Test: Harry Brook's crucial knock trumped Mitchell Starc's five-wicket haul as Engla (Image Source: Google)

இங்கிலாந்தில் சுற்றுப்பயணம் மேற்கொண்டுள்ள ஆஸ்திரேலியா அணி 5 போட்டிகள் கொண்ட ஆஷஸ் டெஸ்ட் தொடரில் விளையாடி வருகிறது.  இதில் நடைபெற்று முடிந்த முதலிரண்டு டெஸ்ட் போட்டிகளிலும் ஆஸ்திரேலிய அணி வெற்றிபெற்று 2-0 என்ற கணக்கில் தொடரில் முன்னிலைப் பெற்றுள்ளது. இந்நிலையில் இரு அணிகளுக்கும் இடையேயான மூன்றாவது டெஸ்ட் போட்டி லீட்ஸில் நடைபெற்றது. 

இந்தப் போட்டியில் முதலில் பேட் செய்த ஆஸ்திரேலியா தனது முதல் இன்னிங்ஸில் 263 ரன்களுக்கு ஆட்டமிழந்தது. இதனையடுத்து, இங்கிலாந்து தனது முதல் இன்னிங்ஸை தொடங்கியது. இதில் கேப்டன் பென் ஸ்டோக்ஸின் அதிரடியான ஆட்டத்தின் மூலம் இங்கிலாந்து அணி முதல் இன்னிங்ஸில் 237 ரன்களுக்கு தனது அனைத்து விக்கெட்டுகளையும் இழந்தது. 

இதையடுத்து 26 ரன்களுடன் இரண்டாவது இன்னிங்ஸைத் தொடங்கிய ஆஸ்திரேலிய அணி டிராவிஸ் ஹெட்டின் அதிரடியான ஆட்டத்தின் மூலம் அனைத்து விக்கெட்டுகளையும் இழது 224 ரன்களை மட்டுமே எடுத்த நிலையில் ஆல் அவுட்டானது. இங்கிலாந்து அணி தரப்பில் ஸ்டூவர்ட் பிராட், கிறிஸ் வோக்ஸ் தலா 3 விக்கெட்டுகளைக் கைப்பற்றினர். இதன்மூலம் இங்கிலாந்து அணிக்கு 251 ரன்கள் இலக்காக நிர்ணயிக்கப்பட்டது. 

இதையடுத்து இலக்கை நோக்கி களமிறங்கிய இங்கிலாந்து அணிக்கு ஸாக் கிரௌலி - பென் டக்கெட் இணை நிதானமான தொடக்கத்தைக் கொடுத்தனர். இதன்மூலம் இங்கிலாந்து அணி மூன்றாம் நால் ஆட்டநேர முடிவில் விக்கெட் இழப்பின்றி 27 ரன்களைச் சேர்த்தது. இதனைத்தொடர்ந்து இன்று நடைபெற்ற 4ஆம் நாள் ஆட்டத்தில் 23 ரன்கள் எடுத்திருந்த பென் டக்கெட் ஆட்டமிழக்க, அவரைத் தொடர்ந்து வந்த மொயீன் அலி 5 ரன்களுக்கும், ஜோ ரூட் 21 ரன்களுக்கும் என அடுத்தடுத்து ஆட்டமிழந்தனர். 

அதேசமயம் மறுபக்கம் அரைசதம் அடிப்பார் என எதிர்பார்க்கப்பட்ட ஸாக் கிரௌலி 44 ரன்களைச் சேர்த்த நிலையில் விக்கெட்டை இழந்தார். பின்னர் களமிறங்கிய ஹாரி ப்ரூக் ஒருபக்கம் அதிரடியான ஆட்டத்தை வெளிப்படுத்த, மறுபக்கம் களமிறங்கிய பென் ஸ்டோக்ஸ் 13 ரன்களிலும், ஜானி பேர்ஸ்டோவ் 5 ரன்களிலும் என மிட்செல் ஸ்டார்க் பந்துவீச்சில் விக்கெட்டை இழந்தனர். 

பின்னர் ப்ரூக்குடன் இணைந்த கிறிஸ் வோக்ஸ் பொறுப்பான ஆட்டத்தை வெளிப்படுத்த இங்கிலாந்து அணியின் வெற்றியும் உறுதியானது. பின் 75 ரன்களை எடுத்தைருந்த ஹாரி ப்ரூக் ஆட்டமிழக்க, இறுதிவரை களத்தில் இருந்த கிறிஸ் வோக்ஸ் 32 ரன்களைச் சேர்த்து அணிக்கு வெற்றியைத் தேடிக்கொடுத்தார். 

இதன்மூலம் இங்கிலாந்து அணி 3 விக்கெட் வித்தியாசத்தில் ஆஸ்திரேலிய அணியை வீழ்த்தியதுடன் 1-2 என்ற கணக்கில் தொடரிலும் நீடித்து வருகிறது. இதையடுத்து இரு அணிகளுக்கும் இடையேயான நான்காவது டெஸ்ட் போட்டி ஜீலை 19ஆம் தேதி மான்செஸ்டரில் நடைபெறவுள்ளது குறிப்பிடத்தக்கது.    

Win Big, Make Your Cricket Tales Now