AUS vs NZ, 3rd ODI: ஸ்மித் அதிரடி சதம்; நியூசிலாந்தை ஒயிட்வாஷ் செய்தது ஆஸி!
நியூசிலாந்திற்கு எதிரான 3ஆவது ஒருநாள் போட்டியில் ஆஸ்திரேலியா அணி 25 ரன்கள் வித்தியாசத்தில் வெற்றிபெற்றதுடன், 3-0 என்ற கணக்கில் ஒருநாள் தொடரையும் கைப்பற்றி அசத்தியது.

நியூசிலாந்து அணி ஆஸ்திரேலியாவிற்கு சுற்று பயணம் செய்து விளையாடி வருகிறது. இதில் 3 ஒருநாள் கொண்ட போட்டிகளில் இதுவரை 2-0 என ஆஸ்திரேலிய அணி முன்னிலையில் பெற்றிருந்தது.
இந்நிலையில் இரு அணிகளுகளுக்கும் இடையேயான மூன்றாவது மற்றும் கடைசி ஒருநாள் போட்டி இன்று நடைபெற்றது. இப்போட்டியில் டாஸ் வென்ற நியூசிலாந்து அணி முதலில் பந்துவீசுவதாக தீர்மானித்தது.
Trending
அதன்படி முதலில் பேட்டுங் செய்த ஆஸ்திரேலிய அணி 50 ஓவர் முடிவில் 267 ரன்களுக்கு 5 விக்கெட்டுகளை இழந்தது. இதில் அதிகபட்சமாக ஸ்மித் 105 ரன்களை எடுத்தார். மார்னஸ் லபுஷாக்னே 52 ரன்களும், அலெக்ஸ் கேரி 42 ரனகளும், கிரீன் 25 ரன்களும் எடுத்தனர்.
மேலும் தனது கடைசி ஒருநாள் போட்டியில் களமிறங்கிய ஆஸ்திரேலிய அணியின் கேப்டன் ஆரோன் ஃபிஞ்ச் 5 ரன்களில் ஆட்டமிழந்தார். இதையடுத்து கடின இலக்கை நோக்கி களமிறங்கிய நியூசிலாந்து அணிக்கு ஃபின் ஆலன், டேவன் கான்வே இணை சிறப்பான தொடக்கத்தைக் கொடுத்தனர்.
பின்னர் 35 ரன்களில் ஃபின் ஆலன் ஆட்டமிழக்க, 21 ரன்களில் டேவான் கான்வேவும் விக்கெட்டை இழந்தார். அடுத்து கள்மிறங்கிய கேப்டன் கேன் வில்லியம்சன் 27 ரன்களில் ஆட்டமிழக்க, பின்னர் களமிறங்கிய வீரர்களும் சொற்ப ரன்களுக்கு விக்கெட்டை இழந்து பெவிலியனுக்கு நடையைக் கட்டினர்.
அந்த அணியில் அதிகபட்சமாக கிளென் பிலீப்ஸ் 47 ரன்களையும், ஜேமஸ் நீஷம் 36 ரன்களையும் சேர்த்தனர். இதனால் 49.5 ஓவர்களில் நியூசிலாந்து அணி அனைத்து விக்கெட்டுகளையும் இழந்து 242 ரன்களை மட்டுமே சேர்த்தது.
இதன்மூலம் ஆஸ்திரேலிய அணி 25 ரன்கள் வித்தியாசத்தில் நியூசிலாந்தை வீழ்த்தி வெற்றிபெற்றதுடன், 3-0 என்ற கணக்கில் ஒருநாள் தொடரையும் வென்று அசத்தியது. மேலும் இப்போட்டியில் சதமடித்த ஸ்டீவ் ஸ்மித் தொடர் நாயகனாகவும், ஆட்டநாயகனாகவும் தேர்வு செய்யப்பட்டார்.
நியூசிலாந்து அணி 35 ஓவர்களுக்கு 157 ரன்களுக்கு 5 விக்கெட்டுகள் இழந்து விளையாடி வருகிறது. இந்த அணியில் பின் ஆலன் 35 ரனகளும், டெவோன் கான்வே 21 ரன்களும், வில்லியம்சன் 267 ரனகளும், டேரில் மிட்செல் 16 ரன்களும் எடுத்து ஆட்டமிழந்தனர். தற்போது கிளென் பிலிப்ஸ் 23 ரன்களுடனும், நீஷம் 28 ரன்களுடனும் விளையாடி வருகின்றனர்.
Win Big, Make Your Cricket Tales Now