IND vs AUS: பாட் கம்மின்ஸ் தலைமையிலான ஆஸ்திரேலிய அணி அறிவிப்பு!
இந்திய அணிக்கெதிரான ஒருநாள் தொடரில் விளையாடும் பாட் கம்மின்ஸ் தலைமையிலான ஆஸ்திரேலிய அணி இன்று அறிவிக்கப்பட்டுள்ளது.
இந்தியாவில் வரும் அக்டோபர் 5ஆம் தேதி முதல் ஐசிசியின் ஒருநாள் உலகக்கோப்பை கிரிக்கெட் தொடரானது நடைபெறவுள்ளது. இத்தொடருக்காக அனைத்து அணிகளும் தீவிரமாக தயாராகி வருகிறது. அந்தவரிசையில் ஆசிய அணிகள் ஆசிய கோப்பை கிரிக்கெட் தொடரில் விளையாடின.
இதில் ரோஹித் சர்மா தலைமையிலான இந்திய அணியும், தசுன் ஷனகா தலைமையிலான இலங்கை அணியும் இறுதிப்போட்டிக்கு முன்னேறியுள்ளன. இத்தொடர் முடிந்து இந்திய அணி சொந்த மண்ணில் ஆஸ்திரேலிய அணிக்கெதிராக மூன்று போட்டிகள் கொண்ட ஒருநாள் தொடரில் விளையாடுகிறது.
Trending
அதேசமயம் ஆஸ்திரேலிய அணி தற்போது தென் ஆப்பிரிக்காவில் சுற்றுப்பயணம் மேற்கொண்டு டி20 மற்றும் ஒருநாள் கிரிக்கெட்டில் விளையாடி வருகிறது. இந்நிலையில் இந்தியாவில் நடைபெறும் ஒருநாள் தொடருக்கு பாட் கம்மின்ஸ் தலைமையிலான ஆஸ்திரேலிய அணி இன்று அறிவிக்கப்பட்டுள்ளது.
இந்த அணியில் காயம் காரணமாக தென் ஆப்பிரிக்க தொடரில் விளையாடாத ஸ்டீவ் ஸ்மித், கிளென் மேக்ஸ்வெல் ஆகியோர் மீண்டும் அணியில் இணைந்துள்ளனர். அதேசமயம் தென் ஆப்பிரிக்க தொடரின் போது காயமடைந்த டிராவிஸ் ஹெட்டிற்கு பதிலாக மார்னஸ் லபுஷாக்னே அணியில் சேர்க்கப்பட்டுள்ளார்.
இவர்களைத் தாண்டி நட்சத்திர வீரர்களான மிட்செல் ஸ்டார்க், டேவிட் வார்னர், ஜோஷ் ஹசில்வுட், மிட்செல் மார்ஷ், தன்வீர் சங்கா, மார்கஸ் ஸ்டொய்னிஸ், ஆடம் ஸாம்பா ஆகியோருக்கும் இந்த அணியில் இடம் கிடைத்துள்ளது.
ஆஸ்திரேலிய அணி: பாட் கம்மின்ஸ் (கேப்டன்), சீன் அபோட், அலெக்ஸ் கேரி, நாதன் எல்லிஸ், கேமரூன் கிரீன், ஜோஷ் ஹேசில்வுட், ஜோஷ் இங்கிலிஸ், ஸ்பென்சர் ஜான்சன், மார்னஸ் லாபுஷாக்னே, மிட்செல் மார்ஷ், கிளென் மேக்ஸ்வெல், தன்வீர் சங்கா, மேட் ஷார்ட், ஸ்டீவ் ஸ்மித் , மிட்செல் ஸ்டார்க், மார்கஸ் ஸ்டோய்னிஸ், டேவிட் வார்னர், ஆடம் ஸாம்பா.
Win Big, Make Your Cricket Tales Now
Cricket Scorecard
Lalitpur Mayor Women's Championship
Lalitpur Mayor Women's Championship
