இளம் பந்துவீச்சாளர்களை பாராட்டிய ஹர்மன்ப்ரீத் கவுர்!
வங்கதேச அணிக்கெதிரான வெற்றிக்கு பிறகு செய்தியாளர்களைச் சந்தித்த இந்திய மகளிர் அணியின் கேப்டன் ஹர்மன்ப்ரீத் கவுர், இளம் பந்துவீச்சாளர்களை பாராட்டினார்.
அதன்படி முதலில் பேட்டிங் செய்த வங்கதேச மகளிர் அணி நிர்ணயிக்கப்பட்ட 20 ஓவர்கள் முடிவில் 5 விக்கெட்டுகளை இழந்து 114 ரன்களைச் சேர்த்தது. இதையடுத்து இலக்கை நோக்கி களமிறங்கிய இந்திய மகளிர் அணி கேப்டன் ஹர்மன்ப்ரீத் கவுர் மற்றும் துணைக்கேப்டன் ஸ்மிருதி மந்தனா ஆகியோரது அதிரடியான ஆட்டத்தின் மூலம் 16.2 ஓவர்களில் இலக்கை எட்டியதுடன், 7 விக்கெட் வித்தியாசத்தில் வெற்றிபெற்றது.
Trending
இப்போட்டியில் அதிரடியான ஆட்டத்தை வெளிப்படுத்தி 6 பவுண்டரி, 2 சிக்சர்களுடன் 54 ரன்கள் விளாசிய கேப்டன் ஹர்மன்ப்ரீத் கவுட் ஆட்டநாயகியா த் தேர்வு செய்யப்பட்டார். ஆட்டம் முடிந்தபின் செய்தியாளர்களைச் சந்தித்த ஹர்மன்ப்ரீத், இளம் வேகப்பந்துவீச்சாளர்களை பாராட்டினார்.
இதுகுறித்து பேசிய அவர், இது ஒரு சிறந்த குழு முயற்சி. குறிப்பாக இளம் பந்துவீச்சாளர்கள் மிகவும் சிறப்பாக பந்து வீசினர். முதல் ஆறு ஓவர்களில் அவர்கள் எப்படிப் பந்து வீசப் போகிறார்கள் என்பதைப் பார்க்க விரும்பினேன், இருவரும் நிலைமையை சீக்கிரமே புரிந்துகொண்டார்கள் என்று நினைக்கிறேன். அவர்களைத் தவிர, தீப்தியும் (சர்மா) சிறப்பாக பந்துவீசினார். அவர் அனுபவம் வாய்ந்த பந்துவீச்சாளர் என்பதை இப்போட்டியில் காட்டினார்.
அணிக்காக 100% கொடுக்க எப்போதும் தயாராக இருக்கும் ஸ்மிருதி மந்தனா இன்றும் தனது குணத்தை வெளிப்படுத்தினார். உங்களிடம் ஸ்மிருதி மற்றும் ஷஃபாலி போன்ற பேட்டர்கள் இருக்கும்போது, நீங்கள் அதிகம் கவலைப்பட வேண்டியதில்லை.நாங்கள் நான்கு-ஐந்து ஓவர்களை முன்கூட்டியே முடிக்க விரும்பினோம், அதைச் செய்ய முடிந்ததில் நான் மிகவும் மகிழ்ச்சியடைகிறேன்” என்று தெரிவித்துள்ளார்.
Win Big, Make Your Cricket Tales Now
