பிபிஎல் 2022: பென் துவர்ஷுயிஸ் பந்துவீச்சில் வீழ்ந்தது மெல்போர்ன் ரெனிகேட்ஸ்!
மெல்போர்ன் ரெனிகேட்ஸ் அணிக்கெதிரான பிபிஎல் லீக் ஆட்டத்தில் சிட்னி சிக்சர்ஸ் அணி 34 ரன்கள் வித்தியாசத்தில் வெற்றிபெற்று அசத்தியது.
அதன்படி களமிறங்கிய சிட்னி சிக்சர்ஸ் அணிக்கு குர்டிஸ் பேட்டர்சன் - ஜோஷ் பிலீப் இணை அதிரடியான தொடக்கத்தைக் கொடுத்தனர். இதில் பேட்டர்சன் 17 ரன்களில் ஆட்டமிழக்க, அதிரடியாக விளையாடிய ஜோஷ் பிலீப் அரைசதம் கடந்த கையோடு 55 ரன்களில் ஆட்டமிழந்து பெவிலியனுக்கு நடையைக் கட்டினார்.
Trending
அடுத்து வந்த கேப்டன் ஹெறிக்ஸ் ஒரு ரன்னிலும், ஜேம்ஸ் வின்ஸ் 26 ரன்களிலும், சில்க் 19 ரன்களிலும் ஆட்டமிழக்க, அடுத்து களமிறங்கிய வீரர்கள் சொற்ப ரன்களுக்கு ஆட்டமிழந்தனர். இதனால் 20 ஓவர்கள் முடிவில் சிட்னி சிக்சர்ஸ் அணி 8 விக்கெட்டுகளை இழந்து 149 ரன்களை எடுத்தது. மெல்போர்ன் அணி தரப்பில் முஜீப் உர் ரஹ்மான் 3 விக்கெட்டுகளை வீழ்த்தினார்.
இதையடுத்து எளிய இலக்கை துரத்திய மெல்போர்ன் ரெனிகேட்ஸ் அணிக்கு ஆரம்பமே அதிர்ச்சியளிக்கும் வகையில் மார்ட்டின் கப்தில் ரன் ஏதுமின்றியும், நிக் மேடின்சன் ஒரு ரன்னிலும் ஆட்டமிழந்தனர். பின்னர் ஜோடி சேர்ந்த ஆரோன் ஃபிஞ்ச் - ஷான் மார்ஷ் இணை ஓரளவு பார்ட்னர்ஷிப்பை அமைத்தனர்.
இதில் ஃபிஞ்ச் 36 ரன்களில் ஆட்டமிழக்க, ஷான் மார்ஷும் 28 ரன்களோடு விக்கெட்டை இழந்தார். அதன்பின் களமிறங்கிய வீரர்களாலும் எதிரணியின் பந்துவீச்சை சமாளிக்க முடியாமல் அடுத்தடுத்து விக்கெட்டுகளை இழந்தனர்.
இதனால் 19 ஓவர்களிலேயே மெல்போர்ன் ரெனிகேட்ஸ் அணி அனைத்து விக்கெட்டுகளையும் இழந்து 115 ரன்களை மட்டுமே எடுத்தது. சிட்னி சிக்சர்ஸ் அணி தரப்பில் பென் துவர்ஷுயிஸ் 4 விக்கெட்டுகளை வீழ்த்தி அணியின் வெற்றிக்கு உதவினார்.
இதன்மூலம் சிட்னி சிக்சர்ஸ் அணி 34 ரன்கள் வித்தியாசத்தில் மெல்போர்ன் ரெனிகேட்ஸ் அணியை வீழ்த்தி அபார வெற்றியைப் பதிவுசெய்தது.
Win Big, Make Your Cricket Tales Now
