பிபிஎல் 2023: மெல்போர்ன் ஸ்டார்ஸை வீழ்த்தியது பிரிஸ்பேன் ஹீட்!
மெல்போர்ன் ஸ்டார்ஸுக்கு எதிரான பிபிஎல் லீக் ஆட்டத்தில் பிரிஸ்பேன் ஹீட் அணி 4 ரன்கள் வித்தியாசத்தில் வெற்றிபெற்று அசத்தியுள்ளது.
அதன்படி களமிறங்கிய பிரிஸ்பேன் ஹீட் அணியில் ஜோஷ் பிரௌன், உஸ்மான் கவாஜா, மார்னஸ் லபுசாக்னே, மேட் ரென்ஷா ஆகியோர் சொற்ப ரன்களுக்கு விக்கெட்டை இழந்தனர். பின்னர் ஜோடி சேர்ந்த சாம் ஹைன் - பெர்ஸன் இணை அதிரடியாக விளையாடி அணியின் ஸ்கோரை மளமளவென உயர்த்தினர்.
Trending
தொடர்ந்து அபார ஆட்டத்தை வெளிப்படுத்திய இருவரும் அரைசதம் கடக்க, 20 ஓவர்கள் முடிவில் பிரிஸ்பேன் ஹீட் அணி 4 விக்கெட் இழப்பிற்கு 188 ரன்களைச் சேர்த்தது. இதில் இறுதிவரைஇ ஆட்டமிழக்காமல் இருந்த சாம் ஹைன் 73 ரன்களோடும், பெர்ஸன் 57 ரன்களுடனும் களத்தில் இருந்தனர்.
இதையடுத்து இலக்கை நோக்கி களமிறங்கிய மெல்போர்ன் ஸ்டோர்ஸ் அணியில் ஜோ கிளார்க் - தாமஸ் ரோஜர்ஸ் இணை அதிரடியான ஆட்டத்தை வெளிப்படுத்தி அணியின் ஸ்கோரை உயர்த்தினர். இதில் கிளார்க் 31 ரன்களிலும், தாமஸ் ரோஜர்ஸ் 41 ரன்களிலும் விக்கெட்டை இழந்து பெவிலியனுக்கு திரும்பினர்.
பின்னர் வந்த கெல்லாவே 25 ரன்களில் ஆட்டமிழந்தார். இதையடுத்து ஜோடி சேர்ந்த மார்கஸ் ஸ்டொய்னிஸ் - ஹில்டன் கார்ட்ரைட் இணை அதிரடியாக விளையாடிய போதிலும், 20 ஓவர்களில் மெல்போர்ன் ரெனிகேட்ஸ் அணியால் 3 விக்கெட் இழப்பிற்கு 184 ரன்களை மட்டுமே எடுத்தது.
இதனால் பிரிஸ்பேன் ஹீட் அணி 4 ரன்கள் வித்தியாசத்தில் மெல்போர்ன் ஸ்டார்ஸை வீழ்த்தி த்ரில் வெற்றிபெற்று அசத்தியது. இப்போட்டியின் வெற்றிக்கு காரணமாக அமைந்த சாம் ஹைன் ஆட்டநாயகனாகத் தேர்வு செய்யப்பட்டார்.
Win Big, Make Your Cricket Tales Now
