பிபிஎல் 12: கில்க்ஸ் அதிரடியில் சிட்னி தண்டர் அபார வெற்றி!
மெல்போர்ன் ரெனிகேட்ஸுக்கு எதிரான பிபிஎல் லீக் ஆட்டத்தில் சிட்னி தண்டர் அணி 8 விக்கெட் வித்தியாசத்தில் அபார வெற்றியைப் பதிவுசெய்தது.
அதன்படி களமிறங்கிய ரெனிகேட்ஸ் அணியில் ஜேக் ஃப்ரசெர் 5 ரன்களிலும், சாம் ஹார்பர் 8 ரன்களிலும் ஆட்டமிழக்க, மறுமுனையில் அதிரடியாக விளையாடி வந்த மார்ட்டின் கப்தில் 3 பவுண்டரி, ஒரு சிக்சர் என 30 ரன்களைச் சேர்த்து விக்கெட்டை இழந்தார்.
Trending
பின்னர் களமிறங்கிய கேப்டன் ஆரோன் ஃபிஞ்ச் ஒருமுனையில் நிதானம் காட்ட, வெல்ஸ், மத்தேயு கிரிட்ச்லி ஆகியோர் அடுத்தடுத்து ஆட்டமிழந்தனர். இதையடுத்து ஃபிஞ்சும் 22 ரன்களோடு பெவிலியன் திரும்பினார். இறுதியில் சதர்லெண்ட் அதிரடியாக விளையாடி 23 பந்துகளில் 3 சிக்சர், 2 பவுண்டரி என 42 ரன்களைச் சேர்த்தார்.
இதன்மூலம் மெல்போர்ன் ரெனிகேட்ஸ் அணி 20 ஓவர்கள் முடிவில் 9 விக்கெட் இழப்பிற்கு 142 ரன்களைச் சேர்த்தது. சிட்னி தண்டர் அணி தரப்பில் கிறிஸ் கிரீன் மற்றும் உஸ்மான் காதிர் தலா 2 விக்கெட்டுகளைக் கைப்பற்றினர்.
இதையடுத்து எளிய இலக்கை நோக்கி களமிறங்கிய சிட்னி தண்டர் அணிக்கு மேத்யூ கில்ஸ் - டேவிட் வார்னர் இணை அதிரடியான தொடக்கத்தைக் கொடுத்தனர். இதில் வார்னர் 26 ரன்களில் ஆட்டமிழக்க, அடுத்து வந்த ஒலிவியர் டேவிஸ் முதல் பந்திலேயே ஆட்டமிழந்து ஏமாற்றமளித்தார்.
இருப்பினும் அதிரடியில் மிரட்டிய கில்ஸ் அரைசதம் கடந்தார். அவருடன் இணைந்த அலெக்ஸ் ரோஸும் அதிரடியாக விளையாட 18.3 ஓவர்களில் சிட்னி தண்டர் அணி இலக்கை எட்டி 8 விக்கெட் வித்தியாசத்தில் மெல்போர்ன் ரெனிகேட்ஸை வீழ்த்தி அபார வெற்றியைப் பதிவுசெய்தது.
Win Big, Make Your Cricket Tales Now
