IND vs AUS: ஆஸ்திரேலிய தொடருக்கான இந்திய அணி அறிவிப்பு!

ஆஸ்திரேலிய அணிக்கு எதிரான டி20 தொடருக்கான இந்திய அணியை பிசிசிஐ அறிவித்துள்ளது.

BCCI announce India's squad for T20I series against Australia and South Africa (Image Source: Google)

ஆசிய கோப்பை தொடரில் தொடர் தோல்விகளை சந்தித்து வெளியேறிய இந்திய அணி, அடுத்ததாக டி20 உலகக்கோப்பைக்கு தயாராகவுள்ளது. அதன்படி இம்மாதம் இந்தியாவுக்கு சுற்றுப்பயணம் மேற்கொள்ளவுள்ள ஆஸ்திரேலிய அணியுடன் 3 போட்டிகள் கொண்ட டி20 தொடரில் ரோகித் சர்மா படை மோதவுள்ளது.

இந்நிலையில் இந்த தொடருக்காக ரோகித் சர்மா தலைமையிலான இந்திய அணியை பிசிசிஐ அறிவித்துள்ளது. டி20 உலகக்கோப்பை தொடர் ஆஸ்திரேலிய மண்ணில் தான் நடைபெறவுள்ளதால், அந்த அணியின் பலம் மற்றும் பலவீனத்தை அறிந்துக்கொள்ள வேண்டியது மிகவும் முக்கியமான ஒன்றாக உள்ளது. அந்த அணியும் உலகக்கோப்பைக்கு தேர்வான வீரர்களுடன் தான் இந்தியாவுக்கு வரவுள்ளது.

இந்நிலையில் இந்தியாவும் டி20 உலகக்கோப்பையை மனதில் வைத்துக்கொண்டே தனது மொத்த பலத்தையும் இந்த தொடரில் களமிறக்குகிறது. அதாவது டி20 உலகக்கோப்பைக்கு தேர்வு செய்யப்பட்ட அனைத்து முக்கிய வீரர்களும் இதில் விளையாடுகின்றனர். இதனால் டி20 உலகக்கோப்பைகான ப்ளேயிங் 11 விவரங்கள், இந்த தொடரில் இருந்தே தெரிந்துவிடும்.

ஓப்பனிங் வீரர்களாக ரோஹித் சர்மா மற்றும் கே.எல்.ராகுல் ஆகியோர் உள்ளனர். மிடில் ஆர்டரில் விராட் கோலி, சூர்யகுமார் யாதவ், ரிஷப் பந்த், தினேஷ் கார்த்திக், தீபக் ஹூடா ஆகியோர் தேர்வு செய்யப்பட்டுள்ளனர். ஆல்ரவுண்டர் ஹர்திக் பாண்ட்யாவும் களம் காணுகிறார்.

பந்துவீச்சை பொறுத்தவரையில் அஸ்வின், யுஸ்வேந்திர சாஹல், அக்‌ஷர் பட்டேல், புவனேஷ்வர் குமார், ஹர்ஷல் பட்டேல், முகமது ஷமி, தீபக் சஹார் மற்றும் ஜஸ்பிரித் பும்ரா ஆகியோர் விளையாடவுள்ளனர். இதில் பும்ரா மற்றும் ஹர்ஷல் பட்டேல் ஆகியோர் காயத்தில் இருந்து மீண்டு வந்துள்ளதால் பெரும் எதிர்பார்ப்பு எழுந்துள்ளது.

இந்திய அணி: ரோஹித் சர்மா, கே.எல்.ராகுல், விராட் கோலி, சூர்யகுமார் யாதவ், ரிஷப் பந்த், தினேஷ் கார்த்திக், தீபக் ஹூடா, ரவிச்சந்திரன் அஸ்வின், யுவேந்திர சாஹல், அக்‌ஷர் பட்டேல், புவனேஷ்வர் குமார், முகமது ஷமி, ஹர்ஷல் பட்டேல், தீபக் சஹார்.
 

Win Big, Make Your Cricket Tales Now