BGT 2024-25: தொடரிலிருந்து விலகிய ஜோஷ் ஹேசில்வுட்; ஆஸிக்கு பின்னடைவு!
இந்திய அணிக்கு எதிரான மூன்றாவது டெஸ்ட் போட்டியின் போது காயத்தை சந்தித்த ஆஸ்திரேலிய வேகப்பந்துவீச்சாளர் ஜோஷ் ஹேசில்வுட் எஞ்சியுள்ள போட்டிகளில் இருந்து விலகுவதாக அறிவிக்கப்பட்டுள்ளது.
இந்திய அணி தற்சமயம் ஆஸ்திரேலியாவில் சுற்றுப்பயணம் மேற்கொண்டு 5 போட்டிகள் கொண்ட பார்டர் கவாஸ்கர் கோப்பை டெஸ்ட் தொடரில் விளையாடி வருகிறது. இதில் நடைபெற்று முடிந்த முதலிரண்டு டெஸ்ட் போட்டிகளின் முடிவில் இரு அணிகளும் தலா ஒரு வெற்றியைப் பதிவுசெய்து 1-1 என்ற கணக்கில் தொடரை சமன்செய்திருந்தன. இதையடுத்து இரு அணிகளுக்கும் இடையேயான மூன்றாவது டெஸ்ட் போட்டி பிரிஸ்பேனில் நடைபெற்றது.
இப்போட்டியில் மழைக்கு மத்தியில் நடைபெற்ற இப்போட்டியில் ஆஸ்திரேலிய அணி முதல் இன்னிங்ஸில் 445 ரன்களைச் சேர்க்க, அடுத்து இன்னிங்ஸைத் தொடங்கிய இந்திய அணி 260 ரன்களையும் சேர்த்து ஆல் அவுட்டானது. பின் இரண்டாவது இன்னிங்ஸில் ஆஸ்திரேலிய அணி 87 ரன்களைச் சேர்த்து டிக்ளர் செய்ததுடன், இந்திய அணிக்கு 275 ரன்கள் இலக்காகவும் நிர்ணயிக்கப்பட்டது. பின்னர் இலக்கை நோக்கி களமிறங்கிய இந்திய அணி 8 ரன்களை எடுத்திருந்த நிலையில் மழை குறுக்கிட்டது.
Trending
இறுதியில் தொடர் மழை காரணமாக இந்த டெஸ்ட் போட்டி டிராவில் முடிந்ததாக அறிவிக்கப்பட்டது. இப்போட்டியில் சதமடித்து அசத்திய டிராவிஸ் ஹெட் ஆட்டநாயகன் விருதை வென்றார். இதனால் இரு அணிகளும் இத்தொடரில் 1-1 என்ற கணக்கில் சமனிலையில் நீடித்து வருகின்றனர். இதையடுத்து இரு அணிகளுக்கும் இடையேயான பாக்ஸிங் டே டெஸ்ட் போட்டியானது எதிர்வரும் டிசம்பர் 26அம் தேதில் மெல்போர்னில் நடைபெறவுள்ளது.
இந்நிலையில் இப்போட்டியின் போது ஆஸ்திரேலிய அணியின் வேகப்பந்து வீச்சாளர் ஜோஷ் ஹேசில்வுட் காயம் காரணமாக களத்தில் இருந்து பாதியிலேயே பெவிலியன் திரும்பினார். இதனால் இப்போட்டியில் அவர் மீண்டும் பந்துவீசவோ அல்லது ஃபீல்டிங் செய்யவோ மீண்டு களத்திற்கு வரவில்லை. இதனால் இப்போட்டியில் ஆஸ்திரேலிய அணி ஒரு பந்துவீச்சாளர் குறைவாக பயன்படுத்தப்பட்டதால் இந்திய அணியை கட்டுப்படுத்தவும் தடுமாறியது.
அதேசமயாம் ஹேசில்வுட்டின் காயத்தின் தன்மை குறித்து அறிய ஸ்கேன் பரிசோதனை மேற்கொள்ளப்பட்டது. பரிசோதனை முடிவில் அவரது காயம் தீவிரமடைந்துள்ளதாக தெரிந்ததை அடுத்து, இத்தொடரின் எஞ்சியுள்ள டெஸ்ட் போட்டிகளில் இருந்தும் விலகுவதாக அறிவிக்கப்பட்டுள்ளது. முன்னதாக இத்தொடரின் முதல் போட்டியில் விளையாடிய ஹேசில்வுட் அதன்பின் காயம் காரணமாக இந்திய அணிக்கு எதிரான இரண்டாவது டெஸ்ட் போட்டியில் விலகினார்.
இதனால் ஸ்காட் போலாண்டிற்கு பிளேயிங் லெவனில் வாய்ப்பு கிடைத்தது. பின்னர் காயத்திலிருந்து ஹேசில்வுட் மீண்ட நிலையில் மீண்டும் அவர் பிளேயிங் லெவனில் சேர்க்கப்பட்டிருந்தார். ஆனால் அச்சமயத்தில் ஹேசில்வுட்டின் உடற்தகுதி குறித்த கேள்விகள் அதிகரித்திருந்தது. அத்துடன் சிறப்பான பந்துவீச்சை வெளிப்படுத்திய ஸ்காட் போலண்ட் மீண்டும் பிளேயிங் லெவனில் தேர்வு செய்யப்பட வேண்டும் என்ற குரல்களும் எழுந்தன.
Also Read: Funding To Save Test Cricket
இருப்பினும் ஜோஷ் ஹேவில்வுட்டிற்கே பிளேயிங் லெவனில் விளையாடும் வாய்ப்பு கிடைத்தது. அதன்படி இப்போட்டியில் 6 ஓவர்களை வீசி 22 ரன்களைக் கொடுத்து ஒரு விக்கெட்டை வீழ்த்தினர். இந்நிலையில் தற்போது ஹேசில்வுட் மீண்டும் காயம் காரணமாக தொடரில் இருந்தே விலகியுள்ளதால் எஞ்சியுள்ள போட்டிகளுக்கான ஆஸ்திரேலிய அணியில் ஸ்காட் போலண்ட் சேர்க்கப்படுவார் என்ற எதிர்பார்ப்புகள் அதிகரித்துள்ளன.
Win Big, Make Your Cricket Tales Now
