சேவாக்கிற்கு பந்துவீசத் தான் நான் அதிகம் பயந்திருக்கிறேன் - பிரெட் லீ ஓபன் டாக்!

Brett Lee Reveals Which Batter Was The Toughest To Face After Sachin Tendulkar (Image Source: Google)

ஆஸ்திரேலிய அணியின் முன்னணி வேகப்பந்து வீச்சாளராக திகழ்ந்தவர் பிரெட் லீ. இவரது பந்துகளில் ஒருவர் சிக்ஸர் அடித்தாலே அது பெரிய விஷயமாக பார்க்கப்படும். அந்த அளவுக்கு அபாயகரமான பந்துவீச்சாளராக இவர் திகழ்ந்து வந்தார். பேட்ஸ்மேன்களை அடிக்கடி சீண்டி, அந்த சமயத்தில் பவுன்சர் வீசி மிரட்டுவதுதான் பிரெட் லீயின் தனிப்பட்டகுணம். இவரது பவுன்சருக்கு இதுவரை எந்த பேட்ஸ்மேனும் சரியான பதில் சொன்னதே கிடையாது என்பதுதான் வரலாறு.

அப்பேர்ப்பட்ட ஜாம்பவான் பந்துவீச்சாளரை ஒருவர் பயப்பட வைத்திருக்கிறார். அவர் இந்திய அணியின் முன்னாள் வீரர் விரேந்தர் சேவாக்தான். 1999 முதல் 2014ஆம் ஆண்டுவரை தன்னுடைய சிறப்பான பேட்டிங் மூலம் ஜாம்பவம் பந்துவீச்சாளர்களை நடுங்க வைத்திருக்கிறார். முதல் பந்தில் பவுண்டரி அடிப்படிதான் இவரது ஸ்டெய்ல். மேலும், அபாயகரமான பௌலர்களை துவம்சம் செய்து கெத்து காட்டுவதுதான் இவரது வாடிக்கை.

இதுவரை மொத்தம் 104 டெஸ்ட் போட்டிகளில் பங்கேற்றுள்ள சேவாக், 23 சதங்கள், 32 அரை சதங்கள் உட்பட 8586 ரன்களை குவித்து அசத்தியிருக்கிறார். இவரது பேட்டிங்கை சம காலத்தில் எந்த ஒரு வீரருடனும் ஒப்பிட முடியாது. ஆஃப் திசையில் இவரைப் போல இதுவரை யாரும் அபாரமாக விளையாடியது கிடையாது என்பதுதான் உண்மை

இந்நிலையில் தற்போது பத்திரிகை ஒன்றுக்குப் பேட்டிகொடுத்துள்ள ஆஸ்திரேலிய அணியின் முன்னாள் வேகப்பந்து வீச்சாளர் பிரெட் லீ, தான் எதிர்கொண்ட பேட்ஸ்மேன்களிலேயே சேவாக்கிற்கு பந்துவீசத்தான் சிரமப்பட்டேன் எனப் பேசியுள்ளார்.

இதுகுறித்து பேசிய அவர், ‘‘சேவாக்கிற்கு பந்துவீசத் தான் நான் அதிகம் பயந்திருக்கிறேன். மற்ற ஜாம்பவான் பேட்ஸ்மேன்களை அசால்ட்டாக சமாளித்த நான், சேவாக்கை சமாளிக்க கஷ்டப்பட்டேன். எப்போதும் சிரிக்க முகத்துடனேயே விளையாடுவார். அவருக்கு எப்படி பந்துவீச வேண்டும் எனத் தெரியாமல் சில நேரம் தயங்கி நின்றிருக்கிறேன். 

அவரது ஆட்டத்தை கணிக்கவே முடியாது. நான் கணிக்க முடியாத லைன், லெந்தில் பந்துவீசினாலும் அதனை அசால்ட்டாக சிக்ஸர் அடித்துவிடுவார். டெஸ்டில் முதல் பந்திலேயே சிக்ஸர் அடிக்கும் ஆற்றல் அவரிடம் இருக்கிறது’’ எனக் கூறினார்.