SLW vs NZW, 3rd T20I: அத்தபத்து அதிரடியில் நியூசிலாந்தை வீழ்த்தி இலங்கை அபார வெற்றி!

நியூசிலாந்து மகளிர் அணிக்கெதிரான மூன்றாவது டி20 போட்டியில் இலங்கை மகளிர் அணி 10 விக்கெட் வித்தியாசத்தில் அபார வெற்றியைப் பதிவுசெய்தது.

Chamari Athapaththu led the way in the chase with a blazing knock as Sri Lanka dominate New Zealand (Image Source: Google)

இலங்கையில் சுற்றுப்பயணம் மேற்கொண்டிருந்த நியூசிலாந்து மகளிர் அணி மூன்று போட்டிகள் கொண்ட டி20 கிரிக்கெட் தொடரில் விளையாடியது. இதில் இதுவரை நடைபெற்று முடிந்த முதலிரண்டு போட்டிகளில் நியூசிலாந்து அணி வெற்றிபெற்று 2-0 என்ற கணக்கில் தொடரைக் கைப்பற்றியது. 

இந்நிலையில் இரு அணிகளுக்கும் இடையேயான மூன்றாவது டி20 போட்டி இன்று கொழும்புவில் இன்று நடைபெற்றது. இப்போட்டியில் டாஸ் வென்ற இலங்கை அணி முதலில் பந்துவீசுவதாக தீர்மானித்தது. அதன்படி களமிறங்கிய நியூசிலாந்து அணிக்கு சூஸி பேட்ஸ் - இசபெல்லா கேஸ் இணை தொடக்கம் கொடுத்தனர். 

இதில் இசபெல்லா கேஸ் 13 ரன்களுக்கு ஆட்டமிழக்க, மெலி கெர் 14 ரன்களுக்கும் என ஆட்டமிழந்தனர். அதன்பின் ஜோடி சேர்ந்த் சூஸி பேட்ஸ் - சோஃபி டிவைன் இணை அதிரடியான ஆட்டத்தை வெளிப்படுத்தி அணியின் ஸ்கோரை உயர்த்தினர். இதில் அரைசதம் அடிப்பார் என எதிர்பார்க்கப்பட்ட சூஸி பேட்ஸ் 37 ரன்களிலும், சோஃபி டிவைன் 46 ரன்களுக்கும் என அடுத்தடுத்து விக்கெட்டுகளை இழந்தனர். 

பின்னர் களமிறங்கிய வீராங்கனைகள் அனைவரும் சொற்ப ரன்களுக்கு விக்கெட்டை இழக்க, நியூசிலாந்து அணி நிர்ணயிக்கப்பட்ட 20 ஓவர்கள் முடிவில் 9 விக்கெட்டுகளை இழந்து 140 ரன்களைச் சேர்த்தனர். இலங்கை அணி தரப்பில் ரணவீரா 3 விக்கெட்டுகளைக் கைப்பற்றி அசத்தினர். 

அதன்பின் இலக்கை நோக்கி களமிறங்கிய இலங்கை அணிக்கு சமரவிக்ரமா - கேப்டன் சமாரி அத்தபத்து இணை அதிரடியான தொடக்கத்தைக் கொடுத்து அணியின் ஸ்கோரை மளமளவென உயர்த்தினர். இதில் அபார ஆட்டத்தை வெளிப்படுத்திய சமாரி அத்தபத்து அரைசதம் கடந்து அரைசதம் கடந்து அசத்தினார். 

இறுதிவரை ஆட்டமிழக்காமல் இருந்த சமாரி அத்தபத்து 13 பவுண்டரி, 2 சிக்சர்கள் என 80 ரன்களையும், சமரவிக்ரமா 7 பவுண்டரிகளுடன் 49 ரன்களையும் சேர்த்து அணிக்கு வெற்றியைத் தேடிக்கொடுத்தனர். இதன்மூலம் இலங்கை மகளிர் அணி 14.3 ஓவர்களில் இலக்கை எட்டியதுடன் 10 விக்கெட் வித்தியாசத்தில் நியூசிலாந்து மகளிர் அணியை வீழ்த்தி அபார வெற்றியைப் பதிவுசெய்தது.